جەتەكشى قۇرىلىمنىڭ جەڭىستى جولى

كەشە استانا قالاسىنداعى تۇڭعىش پرەزيدەنت كىتاپحاناسىندا «نۇر وتان» پارتياسى قازاقستاننىڭ ساياسي تاريح تولقىنىندا» اتتى وقۋ قۇرالىنىڭ تۇساۋكەسەر ءراسىمى ءوتتى. پارتيانىڭ ساياسي مەنەدجەمەنت مەكتەبىنىڭ اۆتورلىق ۇجىمى دايىنداعان بۇل ەڭبەكتە «نۇر وتان» فەنومەنى كەشەندى تالدانىپ, ونىڭ قالىپتاسۋ كەزەڭى باياندالعان. ءىس-شاراعا باستاۋىش پارتيا ۇيىمدارىنىڭ باسشىلارى, قازاقستاندىق ساراپشى ماماندار مەن عالىمدار جانە جاستار ۇيىمدارىنىڭ جەتەكشىلەرى قاتىستى. جيىن بارىسىندا ولار جاڭا وقۋ قۇرالىنىڭ تيىمدىلىگىمەن قاتار, پار­تيانىڭ پارلامەنت ءماجىلىسى سايلاۋىنداعى اي­قىن جەڭىسىن دە نازارعا الىپ, بۇل حالىقتىڭ ەل­با­سىنا دەگەن سەنىمىنىڭ ناتيجەسى ەكەنىن ايتتى. ءوزىنىڭ قۇتتىقتاۋ سوزىندە «نۇر وتان» پارتياسىنىڭ حاتشىسى فارحاد قۋانعانوۆ كىتاپتا قازاقستاننىڭ ساياسي تاريحىنداعى نەگىزگى كەزەڭدەر تولىق قامتىلعانىنا توقتالدى. سونداي-اق, ول: «بۇگىندە ەلىمىزدە ءدال وسىنداي مىقتى ءارى حاريزمالىق كوشباسشىسى بار, باسقارۋشىلىق تاجىريبەسى مول ەشقانداي سايا­سي كۇش جوق دەسە دە بولادى. ءبىزدىڭ پارتيا­دا قىزمەت ەتەتىن مامانداردىڭ بىلىكتىلىگى جو­عارى دەڭگەيدە. سول سەبەپتى دە, «نۇر وتان» قازىرگى زاماننىڭ تەگەۋرىندى تالاپتارى­نا تولىق توتەپ بەرە الادى. ءبىز تەك سايلاۋ ناۋ­قانىندا عانا ەمەس, بارلىق مەزگىلدە تۇ­راقتى تۇردە حالىقپەن جۇمىس ىستەپ كەلەمىز. پار­­تيامىزدىڭ وتكەن سايلاۋداعى 82,2 پايىز داۋىس جيناۋى سونىڭ جەمىسى. حالىقتىڭ مۇن­شالىقتى ازاماتتىق بەلسەندىلىك تانىتۋى ولاردىڭ ەلباسىنىڭ بىرلىككە, تۇراقتىلىققا جانە جاسامپازدىققا باستايتىن ساياساتىن قولدايتىندارىن بىلدىرەدى», – دەدى. ءوز كەزەگىندە پرەزيدەنت جانىنداعى قازاقستان ستراتەگيالىق زەرتتەۋلەر ينستي­تۋتىنىڭ باس عىلىمي قىزمەتكەرى يۋري بۋلۋكتاەۆ وقۋ قۇرالىنىڭ ەرەكشە­لىكتەرى جايىن­دا ايتىپ ءوتتى. ونىڭ سوزىنە قاراعاندا, بۇل ەڭبەكتە «نۇر وتان» پارتياسىنىڭ قىزمەتى, قالىپ­تاسۋى مەن دامۋ ساتىلارى جانە ۇيىم­دا­س­تىرۋ ماسەلەلەرى ەگجەي-تەگجەيلى بايان­دالعان. ال تۇڭعىش پرەزيدەنت كىتاپ­حاناسى ديرەكتورىنىڭ ورىنباسارى جاپ­سارباي قۋانىشەۆ مەملەكەت باسشىسى نۇرسۇلتان نازارباەۆتىڭ پارتيانىڭ رۋح بەرۋشىسى جانە نەگىزگى ۇيىمداستىرۋشىسى رەتىندەگى رولىنە كوپشىلىكتىڭ نازارىن اۋداردى. سونىمەن قاتار, شاراعا قاتىسۋشىلار سايا­ساتتانۋ ماماندىعى بويىنشا ءبىلىم الىپ جۇرگەن ستۋدەنتتەر ءۇشىن دە اتالعان وقۋ قۇرالىنىڭ ماڭىزدى ەكەنىنە ءمان بەردى. بۇل جونىندە جوعارىدا اتالعان ستراتەگيالىق زەرتتەۋلەر ينستيتۋتىنىڭ ءبولىم مەڭگەرۋشىسى الۋا جولدىبالينا: «جاڭا ادىستەمەلىك قۇرال – جۇيەلى ءارى كەشەندى ەڭبەكتەردىڭ ءبىرى. سوندىقتان دا, بولاشاق ساياساتتانۋشىلار ءۇشىن تاپتىرماس وقۋ قۇرالى دەسەك, ارتىق ەمەس. اسىرەسە, ساياسي پارتيالار جانە پارتيالىق جۇيەلەر ءپانى ءۇشىن اۋاداي قاجەت ادەبيەت. ولاي دەيتىن سەبەبىم, بىرىنشىدەن, كىتاپتا پارتيانىڭ تاريحىنان باس­تاپ, بۇگىنگە دەيىنگى قىزمەتى, ءجۇرىپ وتكەن جولى, باعدارلامالارى تۋرالى جان-جاقتى مالىمەتتەر بەرىلگەن. ەكىنشىدەن, ونىڭ قوسىمشاسىندا پارتيا قىزمەتىندەگى بارلىق زاڭ اكتىلەرىنىڭ ءتىزىمى, ياعني ناقتى قانداي ماسەلەلەردى رەتتەيتىنى كورسەتىلگەن. ۇشىنشىدەن, يننوۆاتسيالىق ادىستەر ماسەلەسى لايىقتى دەڭگەيدە اتاپ وتىلگەن. ول تۋرالى ەڭبەكتىڭ جەتىنشى بولىمىندە كەڭىنەن ايتىلادى. كىتاپتاعى وسىنداي باسىمدىقتار ارقىلى ونىڭ ستۋدەنتتەر مەن ماگيسترانتتار ءۇشىن دە ماڭىزى جوعارى ەكەنىن اتاپ كورسەتكىم كەلەدى», – دەدى. بۇدان بولەك, باسقوسۋدا وقۋ قۇرالىن­دا­عى ينفوگرافيكالار تۋرالى ايتىلىپ, ونىڭ وقىرماندار ءۇشىن وڭتايلى ءتاسىل ەكەنى ءسوز بولدى. مىنبەرگە شىعىپ, ءسوز ءسوي­لە­گەندەردىڭ بارلىعى كىتاپقا جوعارى باعا بەرىپ, دايىنداعان ۇجىمعا العىس­تارىن جەتكىزدى. شارا سوڭىندا «نۇر وتان» پارتياسى قازاقستاننىڭ ساياسي تاريح تولقىنىندا» كىتابى تۇڭعىش پرە­زي­دەنت كىتاپحاناسىنىڭ قورىنا سالتاناتتى جاعدايدا تاپسىرىلدى. ەلامان قوڭىر, «ەگەمەن قازاقستان».