قازۇۋ ۇلتتىق زەرتتەۋ ۋنيۆەرسيتەتىنە اينالادى

ۇلتتىق زەرتتەۋ ۋنيۆەرسيتەتى دەگەنىمىز نە جانە بۇل اتاققا لايىق بولۋ ءۇشىن نە ىستەۋ كەرەك؟ وزەكتى ساۋالدارعا جاۋاپ ىزدەگەن شەتەلدىك جانە وتاندىق عالىمدار جاقىندا ءال-فارابي اتىنداعى قا­زاق ۇلتتىق ۋنيۆەرسيتەتىندە وتكەن «زەرتتەۋ ۋنيۆەرسيتەتىنىڭ ءبىلىم بەرۋ قىزمەتى» اتتى عىلىمي كونفەرەنتسيادا باس قوستى. الەم­دىك توپ-ۋنيۆەرسيتەتتەر قا­تارىنا ەنۋ­گە بىردەن ءبىر ايقىن جول – جوعارى وقۋ ورنىن ۇلتتىق زەرتتەۋ ۋنيۆەرسيتەتىنە اينالدىرۋ. وسى باعىتتى ۇستانعان وتاندىق عا­لىم­دار قازاقستاندىق ءبىلىم جانە عىلىم كەڭىستىگىنىڭ الەمدىك ۋنيۆەرسيتەتتەر رەيتينگىنەن لايىق­تى ورىن الۋى ءۇشىن ناقتى جوس­پار­لاردى جۇزەگە اسىرۋدى قولعا الدى. قازۇۋ-ءدىڭ ءبىرىنشى پرورەك­تورى مۇحامبەتقالى بۇركىتباەۆ: «الەم­­دەگى ەڭ جوعارى توپ رەيتينگىنە ەنگەن وقۋ وردالارىنىڭ ءبارى دە زەرتتەۋ ۋنيۆەرسيتەتتەرى بولىپ تابى­لادى. ۇلتتىق زەرتتەۋ ۋنيۆەرسيتەتىنە اينالۋ ول تەك ءبىزدىڭ عانا ماقسات ەمەس, ول ۇكىمەتتىڭ دە ماق­ساتى دەپ ايتۋعا بولادى», دەسە, ارىپتەستەرىمەن تاجىريبە بولىسە كەلگەن تومسك مەملەكەتتىك ۋنيۆەر­سيتەتىنىڭ وقۋ جۇمىسى جونىندەگى پرورەكتورى الەكساندر رەۆۋشكين: «ۇلتتىق زەرتتەۋ ۋنيۆەرسيتەتى ۇنەمى تالانتتى ستۋدەنتتەرمەن تولىعىپ وتىرۋىمەن ما­ڭىز­دى» دەگەن ويدى العا تارتتى. سونىمەن قاتار, ول وزدەرى زەرتتەۋ ۋنيۆەرسيتەتى اتاعىن العان ءبىر جىل ۋاقىت ىشىندەگى جاڭالىقتار مەن وزگەرىس­تەردى اتاپ ءوتتى.  كونفەرەنتسيادا سونىمەن قاتار, الدىڭعى قاتارلى شەتەلدىك زەرتتەۋ ۋنيۆەرسيتەتىنىڭ ءتاجىري­بەسى, زەرتتەۋ ۋنيۆەرسيتەتىندە ماگيسترانتتاردى دايىنداۋ, عى­لى­مي جۇمىستار, ءبىلىم ساپاسى, وقىتۋدىڭ ءادىس-ءتاسىلى سياقتى باسقا دا تاقىرىپ توڭىرەگىندە سۇراقتار قارالدى. ناتيجەسىندە عىلىمي جيىنعا قاتىسۋشىلار قازۇۋ-ءدىڭ ۇلتتىق  زەرتتەۋ ۋنيۆەرسيتەتىنە اينالۋى وتە ناتيجەلى بولماق دەگەن پايىمعا كەلدى. سونداي-اق, كونفەرەنتسيا جۇمىسى قارا شاڭى­راقتىڭ ماتەريالدىق-تەحنيكالىق جاعدايىن ارتتىرىپ, حالىقارالىق بايلانىستى نىعاي­تۋعا تاعى ءبىر جاڭا سەرپىن بەردى. قورعانبەك امانجول, الماتى.