سۋرەت: abai.kz
قازاقستان مەملەكەتتىك قىزمەتتىڭ ارالاس ۇلگىسىنەن مەملەكەتتىك قىزمەت جۇيەسىن قۇرۋدىڭ مانساپتىق قاعيداتىنا كوشتى, ونىڭ اياسىندا قىزمەتكەرلەردىڭ قۇزىرەتتەرى مەن جەكەلەگەن قاسيەتتەرى ءبىرىنشى كەزەككە شىعادى, ال مانساپتىق ءوسۋ ءۇشىن تومەنگى لاۋازىمداردا جۇمىس تاجىريبەسىنىڭ بولۋى مىندەتتى.
بەس ينستيتۋتتىق رەفورمانىڭ ەكىنشى باعىتى زاڭنىڭ ۇستەمدىگىن قامتاماسىز ەتۋگە باعىتتالعان, ول 19 قادامنان تۇرادى.
ۇلت جوسپارىندا زاڭنىڭ ۇستەمدىگى مەن قۇقىقتىق ءتارتىپ تۇتاس ءبىر باعىتتى قامتيدى, ونىڭ شەڭبەرىندە ۇسىنىلعان رەفورمالار قازاقستاندا قىزمەت ەتىپ جاتقان سوت جۇيەسى مەن قۇقىق قورعاۋ ورگاندارىنىڭ جاڭعىرتىلۋىن قامتاماسىز ەتۋگە ارنالعان.
زاڭنىڭ ۇستەمدىگى باعىتى بويىنشا رەفورمالار قازاقستانداعى سوت جۇيەسىن نەعۇرلىم كاسىبيلەندىرۋگە, ءمولدىر ءارى ىزگىلىكتى ەتۋگە باعىتتالعان.
وتاندىق سۋديالاردىڭ دايارلىق دەڭگەيىن ارتتىرۋ ماقساتىندا سوت تورەلىگى اكادەمياسىن قۇرۋ جونىندە شەشىم قابىلداندى, اكادەميا ماگيستراتۋراسىنا العاشقى تىڭداۋشىلاردى قابىلداۋ 2016 جىلدىڭ جازىنا جوسپارلانعان.
بەس ينستيتۋتتىق رەفورمانىڭ ءۇشىنشى باعىتى اسا اۋقىمدى باعىت بولىپ تابىلادى جانە وندا 50 قادام قامتىلعان. حالىقارالىق نورمالارمەن سايكەستەندىرۋدى تالاپ ەتەتىن جەكەلەگەن قادامداردى ەسكەرمەگەندە, بارلىق قادامداردىڭ زاڭنامالىق تۇرعىدان قامتاماسىز ەتۋ نەگىزىنەن اياقتالدى.
37-45-قادامداردا اۋقىمدى بلوك قامتىلعان, بۇل قادامدار سالىق جانە كەدەن سالاسىنداعى رەفورمالاردى قامتيدى. وسى تۇرعىدا جاريا ەتۋ ماسەلەلەرى ەرەكشە ورىن الادى. م ۇلىكتى جانە اقشانى جاريا ەتۋ بويىنشا زاڭناما قابىلداندى, ونى ىسكە اسىرۋ بارىسىندا ەداۋىر وزگەرىستەر ەنگىزىلىپ, تەڭدەسسىز جەڭىلدىكتەر مەن كەپىلدىكتەر بەلگىلەندى. جاريا ەتۋ مەرزىمى اعىمداعى جىلدىڭ سوڭىنا دەيىن ۇزارتىلدى.
80-84-قادامداردىڭ ىسكە اسىرىلۋى قازاقستاندى تىرشىلىكتى قامتاماسىز ەتۋدىڭ الەمدىك ستاندارتتارىنا جاقىنداستىرادى. ماسەلەن, مىندەتتى مەديتسينالىق ساقتاندىرۋدى ەنگىزۋ اۋرۋحانالار مەن ەمحانالار اراسىنداعى باسەكەلەستىكتى ارتتىرىپ, ەلىمىزدە جەكەمەنشىك مەديتسينانىڭ دامۋىنا جول اشادى, سونىمەن قاتار, ءاربىر ازاماتتىڭ دارىگەرلەرمەن جانە مەملەكەتپەن قاتار ءوز دەنساۋلىعى ءۇشىن جاۋاپكەرشىلىگىن كۇشەيتەدى.
«100 ناقتى قادام» ۇلت جوسپارىنىڭ ءتورتىنشى باعىتى شەڭبەرىندە قازىرگى تاڭدا بەس پۋنكت جۇزەگە اسىرىلۋ ۇستىندە.
2015 جىلدىڭ سوڭىندا پرەزيدەنت ن.ءا.نازارباەۆ «ماڭگىلىك ەل» جالپىۇلتتىق پاتريوتتىق يدەياسىنىڭ قۇندىلىقتارى نەگىزىندە قازاقستاندىق بىرتەكتىلىك پەن بىرلىكتى نىعايتۋ جانە دامىتۋ تۇجىرىمداماسىن بەكىتتى. قوعامدىق سانانى قايتا قالىپتاستىرۋ جانە بۇكىلقازاقستاندىق مادەنيەتتى نىعايتۋ تۇرعىسىنان جەتەكشى ءرول قازاقستان حالقى اسسامبلەياسىنا بەرىلدى.
ەسەپ بەرەتىن مەملەكەتتى قالىپتاستىرۋ باعىتى بويىنشا 10 قادام بار. قازىرگى ۋاقىتتا ولاردىڭ بارلىعى جۇزەگە اسىرۋ كەزەڭىندە, دايىندىق جۇمىستارى جۇرگىزىلۋدە, زاڭنامالىق نەگىزدەر جاسالعان.
ترانسپارەنتتى جانە ەسەپ بەرەتىن مەملەكەت – تۇراقتىلىق پەن تابىستى ەكونوميكالىق جەڭىستەر كەپىلى. ترانسپارەنتتى جانە ەسەپ بەرەتىن مەملەكەت قۇرۋ سىبايلاس جەمقورلىقتى نىعايتىپ, قازاقستاندىق قوعامداعى ازاماتتىق سانانى وزگەرتەدى.
93-قادامدى جۇزەگە اسىرۋ ماقساتىندا «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ زاڭى قابىلداندى. زاڭ تەكسەرۋشى ورگانداردىڭ ءرولىن, دەربەس جاۋاپكەرشىلىك تەتىكتەرىن ەنگىزۋ ارقىلى ولاردىڭ مىندەتتەرىن جۇيەلەيدى.
اشىق ۇكىمەت ەنگىزۋدى قاراستىراتىن 94-قادام دا ءىشىنارا جۇزەگە اسىرىلۋدا. بۇل قادام بويىنشا اشىق ۇكىمەتتى قالىپتاستىرۋ ماقساتىندا قابىلدانعان شارالار كەز كەلگەن زاڭعا قايشى كەلمەيتىن جولمەن اقپاراتتاردى ەركىن الۋ جانە تاراتۋ جونىندەگى ءار ازاماتتىڭ كونستيتۋتسيالىق قۇقىعىن ىسكە اسىرۋ ناتيجەسىندە پايدا بولاتىن قوعامدىق قاتىناستاردى رەتتەۋگە باعىتتالعان.
97-قادام بويىنشا 2016 جىلعا بەلگىلەنگەن زاڭنامالىق جۇمىستار جوسپارىنا سايكەس ءىس-شارالار اتقارىلۋدا. بۇل مەملەكەتكە ءتان ەمەس قىزمەتتەردى باسەكەلەستىك ورتاعا بەرۋگە, ءوزىن-ءوزى رەتتەۋ مەن جەرگىلىكتى ءوزىن-ءوزى باسقارۋدى دامىتۋعا مۇمكىندىك تۋدىرادى.
98-قادام اياسىندا جەرگىلىكتى ءوزىن-ءوزى باسقارۋدىڭ دەربەس بيۋدجەتىن ەنگىزۋدىڭ بازالىق نەگىزى بولىپ تابىلاتىن جەرگىلىكتى ءوزىن-ءوزى باسقارۋ ورگاندارىنىڭ قارجىلىق دەربەستىگىن كەزەڭ-كەزەڭمەن كەڭەيتۋ بويىنشا شارالار قابىلداندى.
99-قادام مەملەكەتتىك ورگاندار مەن اكىمدىكتەر جانىنداعى قوعامدىق كەڭەستەردىڭ ءرولىن كۇشەيتۋدى قاراستىرادى. وتكەن جىلدىڭ سوڭىندا «قوعامدىق كەڭەستەر تۋرالى» قازاقستان رەسپۋبليكاسىنىڭ زاڭىنا قول قويىلدى. ول قوعامدىق كەڭەستەر قىزمەتىنىڭ قۇرىلۋى مەن ۇيىمداستىرىلۋ ءتارتىبىن انىقتايدى.
100-قادام شەڭبەرىندە 2016 جىلعى 1 ناۋرىزدا «ۇكىمەت ازاماتتارى ءۇشىن» مەملەكەتتىك كورپوراتسياسىن قۇرۋ جونىندەگى قاۋلى كۇشىنە ەندى. ازاماتتاردىڭ باسىنا تۋاتىن ومىرلىك جاعدايلاردا كەشەندى قولداۋ كورسەتۋگە كوشۋ مەملەكەتتىك كورپوراتسيا جۇمىسىنىڭ ماڭىزدى قاعيداتىنا اينالماق.
