«National Geographic قازاقستان» جۋرنالى جارىق كوردى

كەشە قازاقستان جانە اقش عالىمدارىنىڭ قاتىسۋىمەن ۇلتتىق مۋزەيدە جانە نازارباەۆ ۋنيۆەرسيتەتتە بىرقاتار كەزدەسۋلەر ءوتتى. اتالعان شارا «National Geographic قازاقستان» جۋرنالى قازاقشا نۇسقاسىنىڭ جارىق كورۋىنە وراي ۇيىمداستىرىلىپ وتىر.  كەزدەسۋ قوناقتارى – ەكى دۇركىن پۋليتتسەر سىيلىعىنىڭ يەگەرى پول سالوپەك پەن تانىمال اقش عالىمى الەكساندر موەن. پ.سالوپەك بۇكىل الەمدى جەتى جىل بويى جاياۋ شارلاپ ءوتۋدى ماقسات ەتىپ كەلە جاتقان زەرتتەۋشى, جيھانگەز-جازۋشى. سول ساپارى اياسىندا ول قازىر قازاقستانعا كەلىپ جەتتى. ال ا.موەن «Out of Eden Walk», ياعني «ەدەننەن باستالعان سايا­­حات» نەمەسە «الەمدىك سەرۋەن» جانە «Genography» جوبالارى­نا جەتەكشىلىك ەتەتىن ۇلكەن عالىم. سونىمەن قوسا, بۇل شاراعا قازاقستاندىق بەلگىلى انتروپولوگ, ارحەولوگ عالىمدار, جازۋشىلار مەن فوتوگرافتار قاتىستى. «National Geographic قازاق­ستان» جۋرنالىنىڭ تۇڭعىش رەت قازاق تىلىندە جارىق كورۋى, ارينە, ايتۋلى مادەني وقيعا. سوعان وراي ۇلتتىق مۋزەي ديرەكتورى دار­حان مىڭباي باسىلىمنىڭ ماڭىز­دىلىعى تۋرالى ايتىپ ءوتتى. – «National Geographic قا­زاق­ستان» جۋرنالى قازاقشا نۇسقاسىنىڭ جارىق كورۋىنە ەلباسىنىڭ ءوزى كوڭىل اۋ­دارىپ, جوعارى باعا بەرگەن بولا­تىن. سوندىقتان دا, وسى ءىستىڭ با­سى-قاسىندا جۇرگەن ازاماتتارعا ال­عىس بىلدىرگىم كەلەدى. الەم بو­يىن­شا 700 ميلليون اۋديتورياسى بار بۇل باسىلىم ءبىزدىڭ ەلىمىزدى جاھانعا تانىتىپ قانا قويماي, تۋريستەردىڭ قىزىعۋشىلىعىن دا وياتادى دەپ ويلايمىن. سول سەبەپتى دە, ءبىز ەكىجاقتى ارىپتەستىك ورناتىپ, ارقاشان قولداۋ كورسەتۋگە دايىنبىز, – دەدى د.مىڭباي. سونداي-اق, «National Geo­graphic قازاقستان» قوعامدىق زەرت­تەۋ باعدارلامالارى ۆيتسە-پرەزي­دەنتى الەكساندر موەن ۇلت­تىق مۋزەيدەن العان اسەرى­مەن ءبولىسىپ, كورسەتكەن قول­داۋ­لارعا العىس ايتا كەلە, «National Geo­graphic قازاقستان» جۋر­نالى­نىڭ اتقا­رىپ كەلە جاتقان باس­تى ميسسياسىنا توقتالىپ ءوتتى. – قازاقستان رەسپۋبليكاسى ۇلتتىق مۋزەيىنە ارنايى ەكسكۋر­سيانىڭ ناتيجەسىندە قازاق ەلى­نىڭ تەرەڭ تاريحىمەن, باي مادە­نيەتىمەن كەڭىنەن تانىسىپ, ەرەكشە اسەر الىپ شىقتىق. «Natio­nal Geographic قازاقستان» جۋرنا­لىنىڭ باستى مىندەتى جازۋ­شى­لاردىڭ, عالىمداردىڭ جۇمىس­تارىن جاريالاۋ ارقىلى قورشاعان ورتانى تانۋ جانە ونى قورعاۋ بولىپ تابىلادى. قازاقستان تارابى بىزبەن بىرىگىپ, ارىپتەستىك ورناتىپ جاتقانىنا قۋانىشتىمىز. ور­تالىق ازيادا ءالى دە بولسا اي­تىل­ماي جاتقان دۇنيەلەر جە­تەر­لىك. الداعى ۋاقىتتا وسى جۇ­مىستاردى اتقارۋ ءۇشىن ۇلكەن ماق­سات­تار قويىپ وتىرمىز, – دەدى ا.موەن. بەلگىلى جيھانكەز پول سالوپەك بولسا, ۇلتتىق مۋزەيدەگى ادامزات تاريحىنىڭ قۇندى جادىگەرى بو­لىپ تابىلاتىن سيرەك ەكسپو­نات­تاردىڭ ساقتالۋ, ناسيحاتتالۋ جۇمىستارىنا جوعارى باعا بەردى. «الەمدىك سەرۋەن» جوباسىنا كەڭىنەن توقتالا كەلە: – ۇلتتىق مۋزەيدىڭ زالدارىن ارالاپ, ايرىقشا اسەر الدىق. مەملەكەت بارلىق جاعدايدى جاساپ وتىر ەكەن. بۇل قۇپتارلىق ساياسات دەپ ويلايمىن. مەن قازىرگى ۋاقىتتا «الەمدىك سەرۋەن» جوباسى اياسىندا ءجۇز مىڭ جىل بۇرىن اتا-بابالارىمنىڭ تابانى تيگەن جولدارمەن ءجۇرىپ كەلەمىن. ساياحاتىمدى 2013 جىلى قاڭتار ايىندا ەفيوپيا ەلىنەن باستادىم. وسى جولدا كەزدەسكەن ادامداردان ەستىپ-بىلگەن اڭگىمەلەردى جازىپ, كەيىن ونىڭ ءبارىن عىلىمي ەڭبەك ءۇشىن پايدالانامىن, – دەدى. سونىمەن قاتار, جيىن بارىسىندا تۇڭعىش رەت قازاق تىلىندە جارىق كورىپ جاتقان «National Geographic قازاقستان» جۋرنالى مەن بەدەلدى باسىلىم قوزعايتىن گەوگرافيا, ارحەولوگيا, انتروپولوگيا سالالارىنداعى سوڭعى جاڭالىقتار ءسوز ەتىلدى. راۋشان تاۋىرحانقىزى, «ەگەمەن قازاقستان».