قاراعاندى وبلىستىق ءماسليحاتىنىڭ حاتشىسى سايلاندى

قاراعاندى. 28 ناۋرىز. قاراعاندىدا جاڭادان سايلانعان دەپۋتاتتاردىڭ قاتىسۋىمەن وبلىستىق ءماسليحاتتىڭ VI شاقىرىلىمىنىڭ ءبىرىنشى سەسسياسى ءوتتى. بۇل تۋرالى egemen.kz ءتىلشىسى حابارلادى. سەسسيادا وبلىستىق ءماسليحاتتىڭ جاڭا حاتشىسى بولىپ رىسقالي ابدىكەروۆ سايلاندى. ونىڭ كانديداتۋراسىن دەپۋتاتتار ءبىراۋىزدان قولدادى. سونىمەن قاتار, العاشقى سەسسيادا تۇراقتى كوميسسيالار قۇرامى مەن ولاردىڭ توراعالارى بەكىتىلدى. سەسسيا جۇمىسىنا وبلىس اكىمى نۇرمۇحاممەد ابدىبەكوۆ قاتىسىپ, جاڭادان سايلانعان دەپۋتاتتار قۇرامىنا زور تابىس, جەمىستى ەڭبەك تىلەدى. وبلىستىق ءماسليحاتتىڭ قۇرامىندا 42 دەپۋتات بار, ولاردىڭ 41-ءى «نۇر وتان» پارتياسىنىڭ وكىلدەرى. ال ءبىر دەپۋتات «اۋىل» پارتياسىنىڭ مۇشەسى. رىسقالي ابدىكەروۆ 2011 جىلدىڭ قاراشا ايىنان باستاپ شەت اۋدانىنىڭ اكىمى قىزمەتىن اتقاردى. وسىعان دەيىن اقتوعاي, ۇلىتاۋ, وساكاروۆكا اۋداندارىنىڭ اكىمى, قاراعاندى قالاسى اكىمىنىڭ ورىنباسارى, قاراعاندى وبلىسى اكىمىنىڭ ورىنباسارى بولعان. قايرات ءابىلدينوۆ. دەرەك, فوتو: egemen.kz.