ۇستازدار گرانتقا يە بولدى

ۇستاز – مەكتەپتىڭ جۇرەگى دەي­دى. ورىندى, ءارى تاۋىپ ايتىل­عان  تۇجىرىم. وسى سالاداعى  ءوز ءىسىنىڭ ۇزدىكتەرىن وبلىستىق ءبىلىم باسقارماسى بايقاۋلار ارقىلى تاڭداپ كەلەدى. قازاق ءتىلى مەن ادەبيەتىن وقىتۋدا جوعارى ءناتي­جە­لەرگە جەتكەن مۇعالىمدەرگە ار­نايى گرانت تاعايىنداۋ ءجونىن­دەگى بايقاۋعا اتالعان ءپاننىڭ 28 ۇستازى قاتىسىپ, باق سىنادى. اۋدان, قالالاردا شەبەرلىگىمەن تانىلعاندار ادىستەمەلىك قو­رى مەن ساباققا پايدالاناتىن قۇرالدارىن كورسەتۋ, شاكىرتتەرىن قازاقستاندىق پاتريوتيزمگە  ءتار­بيە­لەۋدەگى بىلىكتىلىكتەرى ورتاعا سا­­لىن­دى. ءادىل­قازىلار قازاق سىنىپ­تارىنا قازاق ءتىلى مەن ادەبيەتىنەن ساباق بەرەتىن ۇستازدار اراسىنان الاكول اۋدانى, ءۇشارال ورتا مەكتەبىنىڭ مۇعالىمى ساندۋعاش باسقانباەۆا مەن ورىس سىنىپتارىنا ساباق بەرەتىندەر اراسىنان تالدىقورعان قالاسىن­داعى اباي اتىنداعى № 1 ورتا مەكتەپ مۇعالىمى ەلميرا راحيمباەۆا ءبىرىنشى ورىنداردى يەلەنىپ, گرانت يەگەرى اتاندى. قوس ۇستاز ءبىر جىل بويى ارنايى تاعايىندالعان گرانتتى يەلەنىپ, ەڭبەكتەرىن ەسەلەمەك. بۇل ولاردىڭ ءوز ماماندىعىنا دەگەن ەرەكشە ىنتاسىن اڭعارتسا كەرەك. كۇمىسجان بايجان, الماتى وبلىسى.