قار سۋىنىڭ قارعىنى

قوستاناي وڭىرىنە قاۋىپ ءتوندىرىپ تۇر بيىلعى مەشىننىڭ مىنەزى قوستانايعا جەڭىل ءتيىپ تۇرعان جوق. وسى وڭىردەگى اقساقالدار وتكەن قىستاعىداي كوپ قاردى ەسكە تۇسىرە المادى. ادەتتە, توبىل ءوڭى­رىندە جاۋعان قار جىلدا توبىقتان تومەن بولمايتىن. دەگەنمەن, وسى قىستا جاۋعان ۇلپانىڭ سۇرقى بولەك. مامان­داردىڭ ايتۋىنشا, وتكەن جىلدارعا قاراعاندا, ەكى-ءۇش ەسەگە دەيىن كوپ تۇسكەن. «ناۋرىزدىڭ اقشا قارى» دا, «قۇسقاناتى» ءبىر ەمەس, ءبىر­نەشە رەت جاۋىپ كەتتى. ەن­دى اۋا رايىن بولجاۋشىلار ناۋرىز ايىنىڭ سوڭىندا جاۋعان قاردىڭ اياعى جاڭبىرعا ۇلاسادى دەپ وتىر. توبىل-تورعاي وڭىرىندە بيىل سۋ تاس­قىنى قاۋپى كۇشتى. وبلىستىڭ ءوڭتۇس­تىگىندەگى تورعاي وڭىرىندە قار ەرىپ, سۋ تاسىپ جاتىر. ماماندار سۋ­دىڭ جايىلعانى بولماسا, اسا قاۋپى جوق ەكەنىن ايتتى. ال وبلىستىڭ سولتۇستىك اۋداندارى – توبىل وڭىرىندە قاردىڭ مۇرتى بۇزىلعانىمەن كوبەسى سوگىلگەن جوق, قارعىن سۋدىڭ قوز­عالىسى باياۋ. – قازىر قاراتومار سۋ قوي­­ماسىنا سەكۋندىنا 50 تەكشە مەتر سۋ جىبەرىپ جاتىرمىز. بۇل سۋ قويماسىندا 470 ميلليون تەكشە مەتر سۋ سياتىن ورىن بار. گيدرو­لوگتار دا بيىلعى قار سۋى­نىڭ كولەمى وسى شاما­لاس ەكەنىن ايتۋدا. قار كو­بەسى سوگىلىپ, قار­عىننىڭ قوزعا­لىسى كۇشەيگەن كەزدە سۋ قويماسىنا سەكۋن­دىنا 100 تەكشە مەترگە دەيىن سۋ كەتە­تىن بولادى. سۋ تاسقىنى قاۋ­­پى دە سول كەزدە كۇشەيە ءتۇ­سەدى, – دەيدى اۋىل شا­رۋا­­شىلىعى مينيسترلىگى سۋ رەسۋرس­تارى كوميتەتىنىڭ «قاز­سۋشار» شارۋا­شىلىق ءجۇر­گىزۋ قۇقىعىنداعى رەس­پۋب­ليكالىق مەملەكەتتىك كا­سىپورنى قوستاناي فيليالى ديرەكتورىنىڭ ورىنباسارى جامبىلبەك رايىمقۇلوۆ. ال قوستاناي قالاسىنا كوكتەم ەرتەرەك كەلگەن سەكىلدى. قالانىڭ ءىشى دەل-سال ەرىپ جاتىر. قوستانايدىڭ كەيبىر كوشەلەرىندە, شاعىن تۇرعىن اۋدانداردا ەرىگەن قار سۋىنان ادامداردىڭ ءجۇرىس-تۇرىسى قيىنداعان. تەحنيكالار بارىنشا ءبولىنىپ, ءالى دە قار شىعارۋ جۇمىستارىمەن اينالىسۋدا. ناۋرىز ايىنىڭ ورتاسىنان باستاپ قالادان 40 مىڭ تەكشە مەتر قار سىرتقا تاسىلدى. اۋا رايىن بولجاۋشىلار توبىل وڭىرىندە «ءساۋىر بولماي ءتاۋىر بولمايتىنىن» ايتتى. ءنازيرا جارىمبەتوۆا, «ەگەمەن قازاقستان». قوستاناي.