تۇركىستاندىقتار تۇتىنگە تۇنشىعا بەرە مە؟

تۇركىستان قالاسىن يسلام دىنىندەگى 45 ەل عانا ەمەس, ق.ا. ياسا­­ۋيدىڭ شاراپاتىمەن بۇكىل الەم حالقى جاقسى بىلەدى. سوندىقتان دا بۇل قالاعا مۇسىلماندار دا, باسقا دىندەگىلەر دە قىسى-جازى اعىلىپ كەلىپ جاتادى. وعان قو­سا ق.ا.ياساۋي اتىنداعى حا­لىق­ارالىق قازاق-تۇرىك ۋنيۆەرسيتەتىندە 29 ەلدىڭ جاستارى كەلىپ وقي­تىنىن ەسكەرسەك, وسى ستۋ­دەنتتەردىڭ اتا-انالارى دا وقىپ جۇرگەن ۇل-قىزدارىنىڭ حال-جاع­دايلارىن ءبىلۋ ءۇشىن ءتۇر­كىس­تانعا ءجيى كەلىپ تۇرادى. تاپ قازىر تۇركىستان قالا­سىن­دا ءبىر ۋنيۆەرسيتەت, ءبىر ساز­دى دراما تەاتر, 4 كوللەدج, 22 مەكتەپ, 4 اۋرۋحانا, ءبىر ارناۋلى مەكتەپ, ءبىر مۇگەدەكتەر ءۇيى, 5 بالاباقشا, ءبىر جاسوسپىرىمدەر ور­تالىعى, ءبىر قازاق-تۇرىك ليتسەيى, ءبىر مۋزىكا مەكتەبى, ءبىر دا­رىن مەكتەبى بار. ال, وسىلاردىڭ ءبارى بىردەي ورتالىق جىلۋ جۇيە­سىنە قوسىلماعان, وزدەرىنشە تىرشىلىك جاساپ, كۇندەرىن كورۋدە. سون­داي-اق, قالادا 19 تويحانا, 21 كافە, 7 ساۋنا, 5 ءدارىحانا, 31 ساۋدا ورىندارى مەن 17 مەشىت تاعى بار. ەندى بۇعان 21992 جەكە تۇرعىن ۇيلەردى قوسىڭىز. مىنە, وسىلار­دىڭ ءبارى تاڭەرتەڭگى ساعات 7-دەن باستاپ كەشكى 10-عا دەيىن وت جا­عادى. وسىنشا پەشتەردەن شىققان كومىردىڭ قويۋ قارا تۇتىنىنەن كو­شەدە ءجۇرىپ-تۇرۋ مۇمكىن ەمەس, تۇنشىعا جوتەلىپ, كەيدە قۇسىپ تا جىبەرەسىز. ال, وسىنداي كەزدە شەتەلدىك قوناقتار (تۋريستەر) ءتۇر­كىستانعا كەلىپ, قالا حالقىنىڭ مىناداي ءحالىن كورسە, ءبىزدىڭ وتىن تاسىپ, كۇل شىعارىپ جۇرگەن ءححى عاسىرداعى تىرلىگىمىزدى كۇلكى ەتىپ جۇرمەي مە؟ «قىرسىققاندا قىمىران ءىريدى» دەگەندەي, بيىل كۇن سۋ­ىت­قالى بەرى تۇركىستاندا ءتۇتىندى ايداپ اكەتەتىن جەل دە, ولاردى سورىپ الاتىن قار دا جوق. سون­دىقتان بولار, قالانى قويۋ قارا ءتۇتىن جان-جاقتان تۇمشالاپ, تۇ­مانداتىپ, كۇندىز-ءتۇنى باسىپ تۇرادى. انىعىن ايتساق, 50-60 مەتر جەردەگى ادامنىڭ نوبايىن كورۋ قيىن. مىنە, وسىنىڭ سال­دارىنان جۇرەگى مەن وكپەسىنىڭ اقاۋى بار كىسىلەردىڭ اراسىندا وقىس ءولىم-ءجىتىم دە وتە كوپ. بۇگىندە كىم بولسا سول پاي­دالانىپ جاتقان تابيعي گازدىڭ قاسيەتتى تۇركىستان قالاسىنا وسى ۋاقىتقا دەيىن كەلمەۋى, حا­لىققا بۇيىرماۋى وكىنىشتى جاع­داي. تۇركىستان قالاسىندا تۇ­راتىن 150 مىڭ حالىقتى قا­زىر­گى كۇنى قاشانعا دەيىن وت جا­عىپ, كۇل شىعارا بەرەمىز دەگەن ساۋال الاڭداتادى. ەلتاي بيماحانبەت ۇلى, تۇركىستان قالاسىنىڭ قۇرمەتتى ازاماتى, زەينەتكەر. وڭتۇستىك قازاقستان وبلىسى.