قازاقستاننىڭ بەس كەرەمەتى

اتانعان كورىكتى جەرلەر National Geographic جۋرنالىنا ەندى قازاقستاننىڭ ەڭ كورىكتى سانالعان 5 ءتۇرلى مەكەنى الەمگە ايگىلى National Geographiس جۋرنالىنىڭ رەسەيلىك نۇس­قاسىنان ورىن الدى. ولاردىڭ كەڭ-بايتاق رەسپۋبليكامىزدىڭ ءتورت تارابى ىسپەتتەس ءتورت مۇيىسىنە قونىس تەپكەن. كوركەمدىگىنە كوز تويمايتىن اسەم ورىندار الماتى, وڭتۇستىك قازاقستان, ماڭعىستاۋ وبلىستارى مەن استانا قالاسىن قامتيدى. جۋرنال القاسىنىڭ ۇيعارىمى بويىنشا, قازاق جەرىنىڭ ەڭ كوركەم مۇيىستەرىنىڭ كوشىن بۇدان ءبىر عاسىردان استام ۋاقىت بۇرىن, 1911 جىلى ورىن العان جەر ءسىل­كىنىسىنەن كەيىن پايدا بولعان قايىڭدى كولى باستايدى. الماتىدان شىعىسقا قاراي 280 شاقىرىم جەردەگى كۇنگەي الاتاۋ باۋرايىنىڭ جان-جاعىن قاراعاي مەن جاپىراقتى اعاشتار ورمانى قورشاعان اتىرابىندا ورنالاسقان بۇل سۋ قويماسى شىنىندا عاجاپ! ەكىنشى ورىن – وڭتۇستىك قازاقستان وب­لىسىنىڭ تۇركىستان قالاسىندا ءحىV عاسىردا سالىنعان قوجا احمەت ياساۋي كەسەنەسىنە بەرىلگەن. كەزىندە اتاقتى ءامىر تەمىر كورەگەننىڭ كۇش سالۋىمەن تۇر­عى­زىلعان ماۆزولەيدىڭ كەلبەتى كۇنى بۇگىن دە ەرەكشە اسقاق كورىنەدى. ءۇشىنشى ورىندى بالقاش قالاسىنىڭ سولتۇستىگىنەن 70 شاقىرىم جەردە ورنالاسقان بەكتاۋ اتا تاۋى الىپ تۇر. اينالاسىن ءشول دالانىڭ كورپەسى قىمتاپ جاتقان الاپتاعى انداعاي تاۋ الىستان كەرەمەت سۇلۋ بولىپ كوز تارتادى. ونىڭ جانىندا بۇلاڭداپ جاتقان شاعىن كولدىڭ بۇل سۇلۋلىققا قوسار وزىندىك ۇلەسى دە بار. زەرتتەۋشىلەر ءتورتىنشى ورىنعا ماڭ­عىستاۋ وبلىسىنداعى وعلاندى ەلدى مە­كەنىندە ورنالاسقان بەكەت اتا مەشىتىن لايىقتى دەپ تاۋىپتى. ءحVىى عاسىردا بوي كوتەرگەن بۇل ەسكەرتكىش كەسەنەنىڭ ادەمىلىگىدە شەك جوق. جانە ونىڭ ورنا­لاسقان اۋماعىنىڭ ەرەكشە ەكەنىن قوسا ايتقىمىز كەلەدى. National Geographic جۋرنالىنىڭ قىزمەتكەرلەرى تۇزگەن قازاقستاندىق بەس كەرەمەتتىڭ كوشىنە استانا قالاسىنداعى «بايتەرەك» مونۋمەنتى تياناقتاپ تۇر. ەلىمىزدىڭ سوڭعى عاسىرداعى ەڭ عا­جايىپ عيماراتتارىنىڭ بىرىنەن سانا­لاتىن, ەلوردانىڭ القاسى ىسپەتتەس بۇل مەكەننىڭ اتالمىش تىزىمگە ەنۋىنىڭ وزىندە سيمۆولدىق ءمان جاتىر. قازاق ەلىنىڭ اسقاقتىعى مەن ەرتەڭگە قول سوزعان ءۇمىتىنىڭ ۇزىرىندەي بولىپ تۇرعان كەلىستى كەشەن ءاربىر وتانداستىڭ كوكىرەگىنە قۋانىش ساۋلەسىن ۇيالاتادى. وسىنىڭ ءبارى – ءبىزدىڭ ماقتانىشىمىز! مۇرات ايتقوجا.