استانا. 30 ناۋرىز. بۇگىن تۇندە گرۋزيانىڭ استاناسى – تبيليسي قالاسىندا فۋتبولدان گرۋزيا جانە قازاقستان قۇرامالارى جولداستىق كەزدەسۋ وتكىزىپ, 1:1 ەسەبىمەن تەڭ ءتۇستى. بۇل تۋرالى «ر-سپورت» دەرەگىنە سىلتەمە جاساعان egemen.kz ءتىلشىسى حابارلادى.
وسىمەن باس جاتتىقتىرۋشىنىڭ مىندەتىن اتقارۋشى تالعات بايسۋفينوۆ قازاقستاننىڭ باس كومانداسىن ەكىنشى مارتە الاڭعا باستاپ شىقتى. ول بۇدان بۇرىن 26 ناۋرىز كۇنى تۇرىك جەرىندەگى انتاليا قالاسىندا ازەربايجان قۇراماسىمەن جولداستىق كەزدەسۋ وتكىزىپ, 1:0 ەتىپ جەڭگەن ەدى.
گرۋزيننىڭ باس قالاسىنداعى كەلەسى كەزدەسۋ ەكى جاقتىڭ الما-كەزەك شابۋىلىمەن ءوربىدى. راس, ءبىرشاما ۋاقىت الاڭ يەلەرىنىڭ ازداعان تەرريتوريالىق باسىمدىق تا تانىتتى. دەگەنمەن, ەسەپتى ءبىرىنشى بولىپ قازاقستاندىقتار اشتى. ول 35-مينۋتتا سەرىكجان مۇجىقوۆتىڭ قاقپانىڭ الىس بۇرىشىنا جەتكىزگەن دوبىن اياقتىڭ ۇشىمەن ءىلىپ تاستاي سالعان ازات نۇرعاليەۆتىڭ دالدىگى ارقاسىندا مۇمكىن بولدى. بىراق ارادا ءۇش مينۋت وتەر-وتپەستە گرۋزيندەر ەسەپتى تەڭەستىرىپ ۇلگەردى. بۇل گول دا الدىڭعىعا ۇقساس جاعدايدا سوعىلدى. تارازى باسىن تورنيكە وكرياشۆيلي تەڭگەرىپ بەردى. بۇدان كەيىن ەكى جاقتا دا ەسەپتى وزگەرتۋگە مۇمكىندىك بولدى. سونداي ءساتتى ءبىزدىڭ جەرلەستەرىمىز دە جىبەرىپ الدى. ءبىرىنشى تايم وسى 1:1 دەگەن ەسەپپەن اياقتالدى.
ماتچتىڭ ەكىنشى تايمىندا ەكى كوماندانىڭ جاتتىقتىرۋشىلارى دا الاڭدا ءبىرشاما وزگەرىستەر جاساۋعا تىرىستى. ولاردىڭ تاكتيكالىق سۋرەتتەرى ءبىرشاما الماستى. وسى كەزدە الاڭ يەلەرىنىڭ باسىمدىلىقتارى ايقىن ءبىلىندى. الايدا, ولار وزدەرى ۇيىمداستىرعان شابۋىلداردان لايىقتى ناتيجە شىعارا المادى.
دامير قوجامقۇل.
دەرەك, فوتو: سپورت-ر.
گرۋزيا - قازاقستان 1:1
29 ناۋرىز, سەيسەنبى. تبيليسي. «دينامو-ارەنا – بوريس پايچادزە» ستاديونى. 5449 جانكۇيەر.
تورەشى: كلەيتون پيزاني (مالتا)
گرۋزيا: نۋكري رەۆيشۆيلي, ۋچا لوبجانيدزە, گۋرام كاشيا, الەكساندر اميسۋلاشۆيلي, گەورگي ناۆالوۆسكي, دجابا كانكاۆا, گەورگي ابۋردجانيا, ۆالەري كازايشۆيلي, تورنيكە وكرياشۆيلي, دجامو انانيدزە, گەورگي چانتۋريا.
قازاقستان: داۆيد لوريا (ۆلاديمير پلوتنيكوۆ, 46) ابزال بەيسەبەكوۆ, يۋري لوگۆينەنكو, سەرگەي مالىي, دميتري شومكو, عافۋرجان سۇيىمباەۆ, ازات نۇرعاليەۆ (باۋىرجان يسلامحان, 81), يسلامبەك قۋات, سەرىكجان مۇجىقوۆ (ۇلان قونىساەۆ, 66), سامات سماقوۆ (ماقسات بايجانوۆ, 78), الەكسەي ششەتكين (سەرگەي حيجنيچەنكو, 46).
گول: ازات نۇرعاليەۆ 35, تورنيكە وكرياشۆيلي 38.
