يران كينوسىنىڭ اپتالىعى باستالدى

الماتى. 29 ناۋرىز. الماتى قالاسىندا يران كينوسىنىڭ اپتالىعى باستالدى. شارا اياسىندا كورەرمەندەر نازارىنا يراننىڭ سەگىز ۇزدىك ءفيلمى ۇسىنىلادى. بۇل تۋرالى egemen.kz ءتىلشىسى حابارلادى اشىلۋ سالتاناتى كەشە, 28 ناۋرىزدا رەجيسسەر مۇحاممەد بوزورگنيانىڭ «تەڭىزدەگى جىبەك جول» فيلمىمەن باستالدى. «يران كينو اپتالىعى» اياسىندا اسقار ءفارحاديدىڭ 2012 جىلى «وسكار» سىيلىعىن العان «نادەر مەن ءسيميننىڭ اجىراسۋى», يران كينەماتوگرافياسى تاريحىنداعى ۇلكەن قاراجات جۇمسالعان «سۇلەيمەن پايعامباردىڭ الەمى», سەيد رەزا كاريميدىڭ «ءبىر ءتۇيىر قانت» سونىمەن قاتار, «بۇل جاقتاعى مەنسىز كۇي», «ساۋ سالامات بولىڭىز», «قىرىقتىڭ قىرقاسىندا» جانە امير حۋشانگ ءدانايدىڭ قازاقستان مەن يران اراسىنداعى العاشقى بىرلەسكەن كينوتۋىندى «ەشنارسە ەشقاشان جايدان جاي بولمايدى» اتتى ءفيلمى كورسەتىلەدى. ءجۇز جىلدان استام تاريحى بار يران كينەماتوگرافياسىندا جىل سايىن جۇزدەن اسا فيلم, دەرەكتى فيلم جانە باقا دا تۋىندىلار ءتۇسىرىلىپ, جانە ولاردىڭ ىشىنەن ىرىكتەلگەن فيلمدەر حالىقارالىق كونكۋرستار مەن فەستيۆالدارعا قاتىسىپ, جۇلدەلى ورىندار الىپ جاتادى. ايناش ەسالي. دەرەك, سۋرەت: egemen.kz.