قازاقستان رەسپۋبليكاسى توتەنشە جاعدايلار مينيسترلىگىنىڭ بۇيرىعى №243

2010 جىلعى 12 شىلدە, استانا قالاسى قازاقستان رەسپۋبليكاسى توتەنشە جاعدايلار ءمينيسترىنىڭ 2007 جىلعى 29 مامىرداعى № 88 بۇيرىعىنا تولىقتىرۋ مەن وزگەرىستەر ەنگىزۋ تۋرالى «نورماتيۆتىك قۇقىقتىق اكتىلەر تۋ­رالى» قازاقستان رەسپۋبليكاسىنىڭ 1998 جىلعى 24 ناۋرىزداعى زاڭىنىڭ 43-1-با­بىنىڭ 1-تارماعىن ىسكە اسىرۋ ماقساتىندا, بۇيىرامىن: 1. «ونەركاسىپتىك قاۋىپسىزدىك دەكلارا­تسياسىن ازىرلەۋ ەرەجەسىن بەكىتۋ تۋرالى» قازاقستان رەسپۋبليكاسى توتەنشە جاع­داي­لار ءمينيسترىنىڭ 2009 جىلعى 29 مامىر­داعى № 88 بۇيرىعىنا (نورماتيۆتىك قۇ­قىقتىق اكتىلەردى مەملەكەتتىك تىركەۋ تىزىلىمىندە № 4759 تىركەلگەن, قازاقستان رەس­پۋبليكاسىنىڭ ورتالىق اتقارۋشى جانە وزگە دە مەملەكەتتىك ورگاندارىنىڭ اكتىلەرى جيناعىندا 2007 جىلعى ماۋسىمدا جا­ريالانعان), كەلەسى تولىقتىرۋ مەن وزگە­رىستەر ەنگىزىلسىن: قازاقستان رەسپۋبليكاسى توتەنشە جاع­دايلار ءمينيسترىنىڭ 2007 جىلعى 29 مامىرداعى № 88 بۇيرىعىمەن بەكىتىلگەن, ونەركاسىپتىك قاۋiپسiزدiك دەكلاراتسياسىن ازىرلەۋ ەرەجەسى: كەلەسى مازمۇنداعى 4-1 تارماعىمەن تولىقتىرىلسىن: «4-1. قاۋىپتى وندىرىستىك وبەكتىنى دەكلاراتسيالاۋ تۋرالى ۋاكىلەتتى ورگاننىڭ شەشىمى قاۋىپتى وندىرىستىك وبەكتى يەسىنىڭ ساراپتامالىق قورىتىندى قوسىمشاسىمەن بىرگە ەرىكتى تۇردە بەرىلگەن, ارىزى نەگىزىندە بەرىلەدى»; 7-تارماقتىڭ ءبىرىنشى ابزاتسىندا «بەكىتىلگەن قاۋىپسىزدىك دەكلاراتسياسى ونەركا­سىپ­تىك قاۋىپسىزدىك سالاسىنداعى ۋاكىلەتتى ورگاننىڭ اۋماقتىق بولىمشەسىنە ساراپتامادان وتكىزۋگە جىبەرىلەدى» سوزدەرى «قاۋ­ىپسىزدىك دەكلاراتسياسى ۋاكىلەتتى ورگانمەن اتتەستاتتالعان ۇيىمدا ساراپتالۋعا جا­تادى» سوزدەرىنە اۋىستىرىلسىن; 8-تارماقتىڭ 1-ءبولىمى كەلەسى رەداكتسيادا جازىلسىن: «ۋاكىلەتتى ورگانعا تىركەلۋ ءۇشىن دەكلاراتسيا جوبا قۇرامىندا نەمەسە جەكە قۇجاتپەن قاعاز جانە ەلەكتروندى تاسىمالداعىشتا ەكى دانادا ۇسىنىلادى»; 8-تارماقتىڭ 3-ءبولىمى الىنىپ تاس­تال­سىن; 3-تاراۋ الىنىپ تاستالسىن. 2. وسى بۇيرىقتىڭ ورىندالۋىن با­قىلاۋ قازاقستان رەسپۋبليكاسى توتەنشە جاعدايلار مينيسترلىگى توتەنشە جاعداي­لاردى جانە ونەركاسىپتىك قاۋىپسىزدىكتى مەم­لەكەتتىك باقىلاۋ كوميتەتىنىڭ ءتورا­عا­سى س.ب. احمەتوۆكە جۇكتەلسىن. 3. وسى بۇيرىق العاش رەت رەسمي جا­ريالانعان كۇننەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ توتەنشە جاعدايلار ءمينيسترى ۆ. بوجكو. ------------------------------ بۇيرىق قازاقستان رەسپۋبلي­كاسى­نىڭ ادىلەت مينيسترلىگىندە 2010 جىلعى 16 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6392 بولىپ ەنگىزىلدى.