استانالىق ءازىلحان!

حالىق جازۋشىسى ءازىلحان نۇرشايىقوۆ اعامىز ءۇشىن وتكەن جىلدىڭ 15 جەلتوقسانى ءتورت ءبىر­دەي قۋانىشقا كەنەلگەن كەرەمەت كۇن بولعانى بەلگىلى. ءبىرىنشىسى – ءوزىنىڭ دۇنيە ەسىگىن اش­قانىنا 88 جىل تولسا, ەكىنشىسى – ەلباسى قولىنان «وتان» وردەنىن الدى. ءدال وسى كۇنى «حابار» تەلەار­ناسى «سونىمەن, سولاي دەيىك...» باعدارلاماسى بويىن­شا ازاعا­نىڭ «ماحاببات, قىزىق مول جىل­دار» رومانىنىڭ جا­رىق كورگە­نىنە 40 جىل تولۋىنا وراي 45 مينۋتتىك تاعىلىمدى حابار كورسەت­تى. وسىنشا قۋا­نىش­تىڭ ءىزىن الا تاعى ءبىر ءسۇي­ىنشى حابار جەتتى. استانالىق ءجا­لەلحان رايحانوۆ پەن ءالفيا مىرزاباەۆا نەمەرەلى بولىپ, ءسا­بيگە ءازىلحان اتاسىنىڭ ەسىمىن قوي­ىپتى. كەزىندە «ماحاببات ۇرا­نىن» جاتتاپ العانداي ەتىپ تۇ­شى­نىپ وقىعان قىزىلشاقا ءازىل­حان­نىڭ اكە-شەشەسى بەكزات پەن دي­نانىڭ شاتتىعىندا شەك جوق. تاپ ءبىر ۇيلەرىنە ءازىلحان اتاسى ەنىپ كەلگەندەي, مارە-سارە. ەكپىنى ءتو­بە­دەگىنى جەرگە تۇسىرەردەي وسى ءتورت بىردەي قۋانىشتى قازاقشا ىرىم­عا بالاپ ايتساق, «اق تۇيەنىڭ قا­رىنى جارىلعان كۇن» ەكەن-اۋ! الماتىداعى ازاعاڭ «ءوزىنىڭ» بەسىككە «بولەنبەك» كۇنىن ەستىگەندە, كوشە شارلاپ, ءسابي بۇيىمىن ساتىپ الىپتى. بالاعا جايالىق بول­سىن دەپ, ۇستىنەن شەشكەن ءبىر كويلەگىن ىرىمداپ قوسا جىبەرمەككە دايىن­دايدى. ال ءسابيدىڭ ار­داقتى اتاسى جالەلحان زاماندا­سىنا ەتەگىنە وراپ, ەرتەگى ايتىپ بەرسىن دەگەن تىلەكپەن شاپاندى جانە بولەك قويا­دى. وسى سىي-سياپاتىنىڭ با­سىن قوسىپ, پوشتامەن استاناعا ىلە جونەلتىپ جىبەرەدى. سالەمدە­مە­مەن ىلەسىپ «ءوس! ءوس! ءوس! اي­نا­لاي­ىن, ءسابي ءازىلحان. ءوسىپ, ەرجەتىپ, XXI عا­سىردىڭ اتاقتى, ار­داقتى, ابى­رويلى ازاماتى بول, ات­تا­سىم!» دەگەن ىستىق لەبىزى, ءجۇ­رەك­جار­دى باتاسى جانە بىرگە كەتەدى. بۇگىندەرى اتتاستارعا تاڭىر­قاۋدىڭ ءوزى قيىن. مۇنداي ونە­گەنىڭ قانشاما مىسالدارى جەتىپ ارتىلادى. ال سولاردىڭ ءىش­ىندە مىناداي ءتورت بىردەي وقي­عانىڭ ۇندەسە كەتىپ, رۋحاني قابىسۋى سيرەك-اۋ, سيرەك! «ەگەمەن-اقپارات». استانا.