قوستاناي. 28 ناۋرىز. قوستانايدا پوليتسەيلەر اراسىندا قازاق تىلىنەن جارىس ءوتتى. جارىس تاقىرىبى نارۋرىزعا ارنالدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قوستاناي قالاسىنداعى ءتىل ۇيرەتۋ ورتالىعىندا جەرگىلىكتى پوليتسەي قىزمەتكەرلەرى ءۇشىن قازاق تىلىنەن ناۋرىزعا انالعان اشىق ساباق ءوتتى. وندا پوليتسەيلەردىڭ تەك ءتىل ءبىلۋ عانا ەمەس, قازاق حالقىنىڭ سالت-ءداستۇرىن كورسەتۋدە ولاردىڭ اكتەرلىك قابىلەتتەرى دە سىنعا ءتۇستى. جارىسقا قاتىسۋشىلار «اي» جانە «كۇن» دەگەن ەكى كومانداعا ءبولىندى. وقىتۋشى سۆەتلانا بەكبوسىنوۆانىڭ ايتۋىنشا, ساباق باعدارلاماسى پوليتسەيلەردىڭ كاسىبىنە ارنالىپ جاسالدى. مىسالى, العاشقى تاپسىرمادا اۋا رايىنىڭ قولايسىزدىعىنا بايلانىستى رەپسۋبليكالىق داڭعىلدار جابىلادى دەگەن حابارلامانى قازاق تىلىندە جۇزەگە اسىرۋ, قاجەتتى ورىندارعا جەتكىزۋ تاپسىرىلدى. ونى سەرجانت سامات دوسبولوۆ ءبىرىنشى بولىپ ورىندادى.
پوليتسيا سەرجانتى سامات دوسبولوۆ: «مەن ءتىل ۇيرەتۋ ورتالىعىندا ەكىنشى جىل قازاق ءتىلىن ۇيرەنىپ ءجۇرمىن. مۇندا تەك اۋىزەكى ءتىل عانا ەمەس, ادەبي ءتىلدى دە مەڭگەرۋگە تىرىسامىز. مەن ءوز قىزمەتىمدە قازاق ءتىلىنىڭ قاجەتتىلىگىن سەزىنىپ ءجۇرمىن», – دەدى.
وبلىستىق ءتىل ۇيرەتۋ ورتالىعىندا 200 پوليتسەي ءدارىس الادى. جىل سايىن دەپارتامەنتتىڭ جەكە قۇرامى ءتىل ۇيرەنۋ بويىنشا باستاۋىش, جالعاستىرۋشى جانە جەتىلدىرۋشى بولىپ ءۇش توپقا ءبولىنىپ وقيدى.
ءنازيرا جارىمبەتوۆا.
دەرەك, فوتو: وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
