كاسپيدەگى ناۆيگاتسيا جاڭعىرتىلعان جۇيەگە الماستىرىلادى

قازاقستاننىڭ قارۋلى كۇش­تەرىندە اسكەري-تەڭىز كۇش­تەرىنە ارنالعان سپۋتنيكتىك ناۆيگاتسيا جۇيەسى بار قۇرال-جاب­دىقتاردى شىعارۋ باستالدى. مۇنداي جۇيە ەلىمىزدە العاش رەت قولدانىلۋدا. قازىرگى ۋاقىتتا «قازاقستان ينجينيرينگ» ۇك» اق-تىڭ ەنشىلەس كاسىپورنى – «گيدروپريبور» عزي» اق سپۋتنيكتىك ناۆيگاتسيا جۇيەسى بار قۇرال-جابدىقتاردى جوبالادى جانە شىعارا باستادى. ول ەسكىرگەن جانە توزىعى جەتكەن جاب­دىقتاردى جوسپارلى تۇردە اۋىستىرۋدى كوزدەيدى. سونداي-اق, ماياك­تى جابدىقتار مەن جاعالىق جارىقتاندىرعىش بەلگىلەردى جوبالاۋ مەن شىعارۋ دا جوسپارلانۋدا. كاسپي تەڭىزىنىڭ قازاقستاندىق سەكتورىندا كەمە قاتىناسىنىڭ قارقىندى وسۋىنە بايلانىستى اتالعان قۇرال-جابدىققا دەگەن قاجەتتىلىك تەڭىزدە ءجۇزۋ قاۋىپ­سىزدىگىن ارتتىرۋدا دا وزەكتى بو­­لىپ وتىر. ويتكەنى, ەكيپاج­دار مەن جولاۋشىلاردىڭ امان­دىعى مەن جۇكتەردىڭ جانە وزگە دە ماتەريالدىق نىسانداردىڭ قاۋىپسىزدىگى زاماناۋي قۇرال-جاب­دىقتار ورناتىلۋىنا تىكەلەي بايلانىستى. ال كەمەلەردەگى اپاتتى جاعدايلاردىڭ ورىن الۋىنىڭ ءبىر­دەن-ءبىر سەبەبى ولاردىڭ ايلاققا نەمەسە ايلاقتىڭ سۋ ايدىنىنا كىرۋى كەزىندەگى ناۆيگاتسيالىق ولقىلىقتار بولىپ تابىلادى. تەڭىزدە ءجۇزۋ قاۋىپسىزدىگى پروب­لەمالارى قۇرامداسىنىڭ ءبىرى تەڭىز ارنالارىن, فارۆاتەرلەردى, ۇسىنىلعان باعىتتاردى ارنايى قۇ­رىلعىلار مەن بەلگىلەردىڭ, ياع­ني بۋي, مەجە, جارقىراعىش بەل­گىلەردىڭ كومەگىمەن كۇندىزگى جانە تۇنگى ۋاقىتتاردا تەڭىزگە جەكە ناۆيگاتسيالىق قاۋىپ­تەردى بەلگىلەۋ سانالادى.  «ەگەمەن-اقپارات».