جاڭا...

...زاۋىتتىڭ قۇرىلىسى باستالادى جەتىسۋ جەرىندە تاعى ءبىر  جاڭا زاۋىت قۇرىلىسى قولعا الى­ناتىن بولدى. وبلىس اكىمى كور­شىلەس قىتايدىڭ «ۆەست-تسە­مەنت» كورپوراتسياسىنىڭ  پرەزيدەنتى دجيمين جانگتى قا­بىل­داپ, كەربۇلاق اۋدانىندا سالى­ناتىن جاڭا زاۋىت جايلى اڭگىمە ءوربىتتى. «ۆەست-تسەمەنت» كورپوراتسيا­سى لوندوننىڭ قور بيرجاسىندا تىركەلىپ,  ءار ەلدە 8 تسەمەنت زاۋى­تى جۇمىسىن جالعاستىرۋدا ەكەن. ولاردا جىلىنا 15 ملن. توننا تسەمەنت وندىرىلسە, ونىڭ 6 ملن. تونناسى ەكسپورتقا شىعارىلىپ, تۇتىنۋشى سۇرانىسىن قاناعات­تان­دىرعان. وتكەن جىلدى 2 ملرد. دوللار پايدامەن اياقتاعان كورپوراتسيانىڭ پرەزيدەنتى تسەمەنت وندىرۋگە قاجەتتى شيكىزات جەتكىلىكتى  كەربۇلاق اۋدانىنىڭ اۋماعىندا بيىل زاۋىت قۇرى­لى­سىن باستاۋ تۋرالى جوسپار­لارى­مەن دە ءبولىستى. تسەمەنت زاۋىتىن سالۋ ەكى جاققا دا ءتيىمدى. ونىڭ ماڭىزى سوندا, قوسىمشا جۇمىس ورنىن اشۋمەن قاتار, وبلىس ەكو­نو­مي­كاسىنا اكەلەتىن پايداسى زور. كۇمىسجان بايجان, الماتى وبلىسى. ...گاز قۇبىرى جەتكىزىلدى تەرەكتى اۋدانىنا قاراستى اقجايىق اۋىلىنا نەگىزگى ماگيسترال – نوۆوپاۆلوۆتان ۇزىن­دىعى 78 شاقىرىم گاز قۇبىرى جەتكىزىلدى. مۇندا بەس مىڭعا جۋىق تۇرعىن بار. قازىردىڭ ءوزىن­دە العاشقى ۇيلەرگە كوگىلدىر وتىن كىرگىزىلدى. وسى اۋىلدا تۋىپ-وسكەن قازاقتىڭ اقىن قىزى اقۇشتاپ باقتىگەرەەۆا ءوز تىلەگىن بىلايشا جەتكىزدى. – اۋىلىما كەلگەن سايىن زامانداستارىم مەن سىڭلىلەرىم­نىڭ تەزەك جاعىپ, كۇل شىعارىپ ءجۇر­گەنىن كورگەندە جۇرەگىم سىر­قىرايتىن ەدى. ەندى مىنە, بۇگىن تابيعي گازدىڭ جانىپ جاتقانىن كوردىم. تاماشا اۋرۋحانا سالى­نىپ­تى. جول جوندەلىپ جاتىر ەكەن. سەندەردىڭ جۇزدەرىڭدەگى قۋا­نىش­تى كورگەنگە شەكسىز باقىتتىمىن. تەمىر قۇسايىن, باتىس قازاقستان وبلىسى. ...مەكتەپكە دەيىنگى ورتالىق اقتوبە قالاسىنىڭ كىرپىشتى اۋدانىندا اشىلعان ورتالىق  «ارۋجان» دەپ اتالادى. قارعالى وزەنىنىڭ اسەم جاعالاۋىندا ورنا­لاسقان  ورتالىقتا ءبۇلدىر­شىن­دەردىڭ ءبىلىم الىپ, ءتىل بىلۋىنە جانە وزگە دە ونەر ءتۇرىن ۇيرەنۋلەرىنە بارلىق جاعداي جاسالعان. جالپى, كولەمى 2 مىڭ شارشى مەتر بولاتىن ءۇش قاباتتى ورتالىقتا جەكە وقۋ, ويىن, دەمالاتىن بولمەلەرمەن بىرگە, مۋزىكا جانە سپورت زالى, مەديتسينالىق پۋنكت جۇمىس ىستەيدى. ول دەربەس جىلۋ جۇيەسى ار­قىلى جىلىتىلادى. عيمارات بەي­نەباقىلاۋ جۇيەسىمەن جاب­دىق­تالعان. ورتالىقتىڭ اۋما­عىن­دا سپورت, فۋتبول, باسكەتبول, ۆولەيبول الاڭى مەن شاڭعى جولى جانە مۇز ايدىنى بار. 150 ورىندىق ورتالىقتىڭ قۇرىل­تاي­شىسى — «سىمبات» جەكە مەكەمەسى. ساتىبالدى ءساۋىرباي, اقتوبە وبلىسى.