تاۋەلسىزدىك جىلدارىندا ەلىمىزدە 19 جاڭا تەاتر ومىرگە كەلدى

بۇل تۋرالى كەشە ورتالىق كوممۋنيكاتسيالار قىزمەتىنىڭ ءباسپاسوز الاڭىندا وتكەن باسقوسۋ بارىسىندا مادەنيەت جانە سپورت مينيسترلىگىندەگى مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى نۇربولات احمەتجانوۆ مالىمدەدى. – بۇگىنگى تاڭدا ەلىمىزدە 52 مەم­لەكەتتىك تەاتر قىزمەت اتقارا­دى. سونىمەن بىرگە, 10 جەكەمەن­شىك تەاترلار ءوز قىزمەتىن جۇرگىزىپ جاتىر. تاۋەلسىزدىك جىلدار­ىندا ەلىمىزدە 19 جاڭا تەاتر اشىل­عان. ارينە, بۇل اۋىز تولتىرىپ ايتارلىقتاي جەتىستىك. جانە دە, 6 تەاترعا (ورال, قاراعاندى, استانا, قوستاناي, وسكەمەن, شىمكەنت) جاڭا عيمارات سالىندى. قازىرگى ۋاقىتتا ءبىزدىڭ تەاترلاردىڭ باستى ماقساتتارىنىڭ ءبىرى – باسەكەگە قابىلەتتى, جوعارى ساپالى سپەكتاكلدەردى شىعارۋ بولىپ تابىلادى. سونداي-اق, تەاترلاردىڭ رەپەرتۋارلارىن تولىقتىرۋ ءۇشىن مادەنيەت جانە سپورت مينيسترلىگىنىڭ تاراپىنان «تاۋەلسىزدىك تولعاۋى» كونكۋرسى ءداستۇرلى تۇردە جىل سايىن وتكىزىلىپ وتىرادى. سول كونكۋرس نوميناتسيالارىنىڭ ءبىرى تەاتر ونەرىنە ارنالعان. ءار جىلداعى جەڭىپ شىققان شىعارمالار ءبىزدىڭ تەاترلاردا قويىلىپ كەلەدى. سونداي-اق, مادەنيەت جانە سپورت مينيسترلىگى رەسپۋبليكالىق بيۋدجەت قارجىسىنان تەاتر ماماندارىن الىس-جاقىن شەتەل تەاترلارىندا تاعىلىمدامادان وتۋگە جىبەرىپ تۇرادى. بۇل دا مەملەكەت تاراپىنان جاسالىپ وتىرعان قولداۋ ەكەنىن ەسكەرگەن دۇرىس, – دەدى نۇربولات احمەتجانوۆ. جيىنعا قاتىسقان قازاق­ستان­نىڭ حالىق ءارتىسى, ق.قۋانىشباەۆ اتىن­داعى مەملەكەتتىك اكادە­ميالىق قازاق مۋزىكالىق دراما تەاترىنىڭ كوركەمدىك جەتەك­شىسى تالعات تەمەنوۆ بۇگىنگى جاس درا­ماتۋرگتەرگە كوڭىلى تولمايتىنىن جەتكىزدى. – وكىنىشكە قاراي, بۇگىندە 30 جاسقا دەيىن دۇرىلدەپ شىق­قان جاس دراماتۋرگتەر جوقتىڭ قاسى. سەبەبى, پەساعا تولەنەتىن قالا­ماقى باسقا سالالارعا قاراعاندا, الدەقايدا از. مىسالى, كەڭەس كەزىندە ءاربىر پەسانىڭ قالا­ماقىسى ءبىر كولىكتىڭ قۇنى بولاتىن. بۇگىنگى جاس جىگىت ايلاپ وتىرىپ پەسا جازىپ, تيىن-تەبەن العاننان گورى, ءبىر كليپكە ءۇش بەت ستسەناري جازىپ, 10 مىڭ دوللارعا دەيىن تابىس تاپقاندى ءجون كورەدى, – دەيدى ت.تەمەنوۆ. «ارينە, ت.جۇرگەنوۆ اتىن­داعى ونەر اكادەمياسىندا, اس­تا­ناداعى ونەر ۋنيۆەر­سي­تەتىندە درا­ماتۋرگتەردى دايار­­لايدى. ولارعا ءمۇيىزى قاراعايداي دراما­تۋرگتەر ساباق بەرەدى. بىراق, وكىنىشكە قاراي, سول دراما­تۋرگتەردىڭ ساح­ناعا پەسا اكەلىپ, قويىپ جاتقان­دارى ساۋساق­پەن سانار­لىق. ءبىز, ارينە, جاس تالانتتار, جاس درا­ما­تۋرگتەر, جاس رەجيس­سەرلەر­دىڭ كەلگەنىن قالاي­مىز. ولار­دىڭ كوپشىلىگى, ەڭ الدىمەن, تەلە­ۆيزياعا كەتەدى. ءسىز­دەردىڭ ورتا­لارىڭىزدا تالاي جاق­سى دراماتۋرگتەر ءجۇر», – دەپ جۋرناليستەر قاۋىمىنا قاراتا, اششى بولسا دا اقيقاتتى جەتكىزدى بەلگىلى رەجيسسەر. راۋان قايدار, «ەگەمەن قازاقستان».