«نۇر وتان» حالىقتىق-دەموكراتيالىق پارتياسى «قازاقستان-2020» جالپىۇلتتىق دەموكراتيالىق كۇشتەر كواليتسياسىن قۇرۋ تۋرالى باستاما كوتەردى. بۇل تۋرالى پارتيا توراعاسىنىڭ ءبىرىنشى ورىنباسارى نۇرلان نىعماتۋلين 12 قاڭتاردا ورتالىق اپپاراتتا وتكەن بريفينگتە ءمالىم ەتتى.
«بۇگىن «نۇر وتان» حالىقتىق-دەموكراتيالىق پارتياسى ەلباسىمىز نۇرسۇلتان ءابىش ۇلى نازارباەۆتىڭ وكىلەتتىگىن ۇزارتۋ باستاماسى بويىنشا رەفەرەندۋم وتكىزۋ ءۇشىن «قازاقستان-2020» دەموكراتيالىق كۇشتەر كواليتسياسىن ۇيىمداستىرىپ وتىر. بۇل كواليتسيا پرەزيدەنتىمىزدىڭ وكىلەتتىگىن ۇزارتۋ باستاماسى بويىنشا رەفەرەندۋم وتكىزۋدى قولداپ جانە وسى رەفەرەندۋمدى جۇزەگە اسىرۋعا بايلانىستى بارلىق شارالاردى قولعا الاتىن بولادى. سول سەبەپتەن, ءبىز ەلىمىزدەگى بارلىق ساياسي پارتيالاردى جانە قوعامدىق ۇيىمداردى وسى كواليتسياعا كىرۋگە شاقىرامىز», – دەدى ءوز سوزىندە نۇرلان نىعماتۋلين.
ال كواليتسيانى قۇرۋعا ەلىمىز بويىنشا ميلليونداعان قازاقستاندىقتار قولداعان قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ وكىلەتتىگىن 2020 جىلعا دەيىن ۇزارتۋ بويىنشا جالپىحالىقتىق رەفەرەندۋم وتكىزۋ تۋرالى باستاما سەبەپ بولىپ وتىر. بۇگىنگى كۇنى رەفەرەندۋمدى قولداپ 5 ملن. ادام قول قويعان.
كواليتسيانى قۇرۋعا ۇيىتقى بولعاندار قازاقستاندى جاڭارتۋدىڭ 10 جىلدىق باعدارلاماسىن جۇزەگە اسىرۋ ءۇشىن بارلىق قازاقستاندىقتاردىڭ بىرىگۋى, بار كۇشتى ءبىر ارناعا توپتاستىرۋى اۋاداي قاجەت دەپ بىلەدى. ال جۇكتەلگەن تاپسىرمالاردى تابىستى ورىنداۋ – ول تىكەلەي جاڭا ستراتەگيالىق باعداردىڭ جەبەۋشىسى عانا ەمەس, مەملەكەتىمىزدىڭ ودان ءارى دامۋىنىڭ كەپىلى سانالاتىن ەلباسىمىز نۇرسۇلتان نازارباەۆتىڭ اتىمەن بايلانىستى ەكەنى ءسوزسىز. دەمەك, جالپىۇلتتىق كواليتسيانىڭ قۇرىلۋى رەفەرەندۋم يدەياسىن قولداۋ ۇردىسىنە تىڭ سەرپىن بەرۋگە قابىلەتتى بولماق.
بريفينگكە قۇرامىندا ساياساتكەرلەر, زيالى قاۋىم وكىلدەرى, جۋرناليستەر بار ەلىمىزدىڭ تانىمال قايراتكەرلەرى قاتىستى.
«ەگەمەن-اقپارات».
«بۇگىن «نۇر وتان» حالىقتىق-دەموكراتيالىق پارتياسى ەلباسىمىز نۇرسۇلتان ءابىش ۇلى نازارباەۆتىڭ وكىلەتتىگىن ۇزارتۋ باستاماسى بويىنشا رەفەرەندۋم وتكىزۋ ءۇشىن «قازاقستان-2020» دەموكراتيالىق كۇشتەر كواليتسياسىن ۇيىمداستىرىپ وتىر. بۇل كواليتسيا پرەزيدەنتىمىزدىڭ وكىلەتتىگىن ۇزارتۋ باستاماسى بويىنشا رەفەرەندۋم وتكىزۋدى قولداپ جانە وسى رەفەرەندۋمدى جۇزەگە اسىرۋعا بايلانىستى بارلىق شارالاردى قولعا الاتىن بولادى. سول سەبەپتەن, ءبىز ەلىمىزدەگى بارلىق ساياسي پارتيالاردى جانە قوعامدىق ۇيىمداردى وسى كواليتسياعا كىرۋگە شاقىرامىز», – دەدى ءوز سوزىندە نۇرلان نىعماتۋلين.
ال كواليتسيانى قۇرۋعا ەلىمىز بويىنشا ميلليونداعان قازاقستاندىقتار قولداعان قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ وكىلەتتىگىن 2020 جىلعا دەيىن ۇزارتۋ بويىنشا جالپىحالىقتىق رەفەرەندۋم وتكىزۋ تۋرالى باستاما سەبەپ بولىپ وتىر. بۇگىنگى كۇنى رەفەرەندۋمدى قولداپ 5 ملن. ادام قول قويعان.
كواليتسيانى قۇرۋعا ۇيىتقى بولعاندار قازاقستاندى جاڭارتۋدىڭ 10 جىلدىق باعدارلاماسىن جۇزەگە اسىرۋ ءۇشىن بارلىق قازاقستاندىقتاردىڭ بىرىگۋى, بار كۇشتى ءبىر ارناعا توپتاستىرۋى اۋاداي قاجەت دەپ بىلەدى. ال جۇكتەلگەن تاپسىرمالاردى تابىستى ورىنداۋ – ول تىكەلەي جاڭا ستراتەگيالىق باعداردىڭ جەبەۋشىسى عانا ەمەس, مەملەكەتىمىزدىڭ ودان ءارى دامۋىنىڭ كەپىلى سانالاتىن ەلباسىمىز نۇرسۇلتان نازارباەۆتىڭ اتىمەن بايلانىستى ەكەنى ءسوزسىز. دەمەك, جالپىۇلتتىق كواليتسيانىڭ قۇرىلۋى رەفەرەندۋم يدەياسىن قولداۋ ۇردىسىنە تىڭ سەرپىن بەرۋگە قابىلەتتى بولماق.
بريفينگكە قۇرامىندا ساياساتكەرلەر, زيالى قاۋىم وكىلدەرى, جۋرناليستەر بار ەلىمىزدىڭ تانىمال قايراتكەرلەرى قاتىستى.
«ەگەمەن-اقپارات».
