دەپاردەگە اۋدارماشى بولعان

اندرەي يۆانوۆ قازاق ءتىلىن فرانتسيادا ءجۇرىپ-اق ۇيرەنگەن فرانتسۋزدىڭ بەلگىلى اكتەرى جەرار دەپاردەنىڭ اۋدارماشىسى اندرەي يۆانوۆ قازاق ءتىلىن فرانتسيادا ءجۇ­رىپ-اق ۇيرەنگەن بولىپ شىقتى. راس, اندرەي قازاق­­ستاننىڭ تۋماسى ەكەن. وسكەمەن قالاسىندا تۋىپ-وسكەن ول بۇدان 7 جىل بۇرىن پا­ريجگە بارىپ تۇراق­تاپتى. ءبىر قىزىعى, قازاق­ستاندا جۇرگەن كەزىندە نازار اۋدارماعان تىرلىگى – قازاق ءتىلىن ۇيرەنۋدى ول وسىندا كەلگەننەن سوڭ قولعا العان. اندرەي بالا جاسىندا مۋزىكانت بولۋدى ارمانداپتى, بىراق نەگىزگى كاسىبى اۋدارماشىلىق بولىپ شىققان. ول باياندا ويناۋعا قاتتى ىقىلاستى بولىپتى, ءناتي­جەسىندە فورتەپيانو, بايان, گوبوي جانە سكريپكا اسپاپتارىندا ويناۋدى ۇيرەنىپ الىپتى. ال ءومىر جولىن وسكەمەندەگى ونەر كوللەدجىندە حالىق اسپاپتارى فاكۋلتەتىندە وقۋدان باستايدى. ونى بىتىرگەن سوڭ الماتىعا كەلىپ, كونسەرۆاتورياعا تاپسىرادى. بىراق وقۋعا تۇسەر الدىندا كەنەت تاپ وسى وقۋدى وقىعىسى كەلەتىنىنە كۇ­ماندانا قالادى. پاركتە ويلانىپ وتىرعانىندا جانىنان افروامەريكالىق ءبىر جىگىت ءوتىپ بارا جاتادى. سول ساتتە ءوزىنىڭ شەتەل تىلدەرى فاكۋلتەتىنە وقۋعا ءتۇسۋى كەرەك ەكەنىن ۇعىنا قويادى. بۇل ۋاقىتتا ول فرانتسۋز ءتىلىن ءوز بەتىنشە ۇيرەنىپ تە جۇرگەن ەكەن. ءسويتىپ, قازاق حالىقارالىق قاتىناستار ۋنيۆەرسيتەتىنە قۇجات تاپسىرادى. اقىرىندا وقۋعا ءتۇسىپ تە كەتەدى. ال پاريجگە كەلگەننەن كەيىن فرانتسۋزدىڭ سوفي مارسو, جەرار دەپاردە, كريستوفەر لامبەرت, ەممانۋەل بەار, پاتريسيا كااس, ميرەي ماتە, مەتت پوكورا سىندى ونەر جۇلدىزدارىنىڭ, سونداي-اق, بوكسشى مايك تايسوننىڭ جاتتىقتىرۋشىسى كەۆيني ءرۋنيدىڭ اۋدارماشىسى بولادى. رۋسلان يگىلىك.