پارلامەنتاريزمنىڭ دامۋىنا وزىندىك ۇلەس

پارلامەنت ماجىلىسىنە جانە جەرگىلىكتى ماسليحاتتارعا دەپۋتاتتاردى  سايلاۋ بارىسىنا كوپتەگەن پىكىرلەر ايتىلىپ, جەڭىمپازداردى قۇتتىقتاۋلار جالعاسۋدا. بۇل تۇرعىدان بىرقاتار قوعامدىق جانە ۇكىمەتتىك ەمەس ۇيىمدار وكىلدەرى ءوز ويلارىن ورتاعا سالىپ تا ۇلگەردى. سولاردىڭ قاتارىندا ارداگەرلەر كەڭەسىنىڭ جەتەكشىسى ءشارىپباي وتەگەنوۆ تە بولدى. ورتالىق كوممۋنيكاتسيالار قىزمەتىندە وتكەن بريفينگتە 2,5 مىڭ قازاقستاندىق اسكەريدى بىرىكتىرىپ وتىرعان قر اۋعانستان سوعىسى جانە جەرگىلىكتى سوعىس ارداگەرلەرى وداعىنىڭ توراعاسى ءشارىپباي وتەگەنوۆ ءوز كەزەگىندە ەلباسى نۇرسۇلتان نازارباەۆتى جانە «نۇر وتان» پارتياسىن ەلىمىزدىڭ جوعارعى زاڭ شى­عارۋشى ورگانىنا دەپۋتاتتاردى سايلاۋ بارىسىنداعى قول جەت­كىزگەن ايقىن جەڭىسىمەن قۇت­تىقتادى. «الەمدە جاھاندىق ەكونو­مي­كالىق داعدارىستار ورىن الىپ جاتقان كەزەڭدە ليدەرىمىز ەلدى تى­عى­رىقتان الىپ شىعاتىن جول تاباتىنىنا سەنىم مول. سون­دىقتان, بولاشاققا نىق سەنىم­مەن قاراپ وتىرمىز», دەدى ءشارىپ­باي ءاب­دىمالىك ۇلى. ونىڭ اتاپ ءوت­كە­نىندەي, جاڭا دەپۋتاتتىق كور­پۋس مەملەكەتىمىزدە پارلا­مەن­تاريزمنىڭ دامۋىنا وزىندىك ۇلە­سىن قوساتىن بولادى. ءسويتىپ, پرە­زيدەنت تاراپىنان جۇرگىزىلىپ جات­قان رەفورمالاردى ءارى قاراي دا تەرەڭدەتە تۇسپەك. ال بۇل رەفورمالار ەلباسى تاراپىنان قول­عا الىنعاندىعى بەلگىلى. اسقار تۇراپباي ۇلى, «ەگەمەن قازاقستان».