– ءومىرالى شاكاراپ ۇلى, تالاي سايلاۋدى باستان وتكەرگەن بىلىكتى زاڭگەر رەتىندە ايتىڭىزشى, بۇل سايلاۋدىڭ ەرەكشەلىگى نەدە؟
– ەرەكشەلىك دەپ ايتۋعا بولمايتىن دا شىعار. بارلىق سايلاۋ ناۋقانىنىڭ باعىتى مەن قىزمەتى ءبىر. بۇگىنگى سايلاۋدىڭ ءبىر عانا ارتىقشىلىعى – پارلامەنت ءماجىلىسى مەن جەرگىلىكتى ماسليحاتتارعا دەپۋتاتتار سايلاۋ قاتار جۇرگىزىلىپ جاتقاندىعىندا عانا.
– بايقاۋشىلار دايىندىعىنا كوڭىلىڭىز تولادى عوي؟
– ارينە تولادى. بايقاۋشىلارعا ءبىزدىڭ اكادەميانىڭ تانىمال پروفەسسورلارى مەن وقىتۋشىلار قۇرامى ساباق بەردى. مەنىڭ ءوز باسىم بىلتىرعى پرەزيدەنت سايلاۋىندا دا اۋماقتىق وسى كوميسسيانىڭ توراعاسى بولعانمىن. سايلاۋعا بايقاۋشىلاردى قامتاماسىز ەتۋدەن تاجىريبەمىز بارشىلىق. سول تاجىريبەمەن ءبولىستىم.
– ەلىمىزدە وتەتىن ءاربىر سايلاۋ ناۋقانىنىڭ العى شەبىندە جۇرەتىن «زاڭگەرلەر ءادىل سايلاۋ ءۇشىن!» رەسپۋبليكالىق قوعامنىڭ قىزمەتى تۋرالى نە ايتار ەدىڭىز؟
– ءيا, دۇرىس بايقاعانسىز, الماتىدا 2005 جىلى قۇرىلعان «زاڭگەرلەر ءادىل قوعام ءۇشىن!» قوعامىنا دا مەن توراعالىق ەتەمىن. بۇل قوعام بۇگىن رەسپۋبليكالىق كوميسسيامەن ۇزەڭگى قاعىستىرىپ قاتار كەلەدى, قاتار تۇرىپ قاۋىرت جۇمىس ىستەپ جاتىر.
– بايقاۋشىلار جۇمىسىنا ازامات, زاڭگەر رەتىندە ءوزىڭىزدىڭ كوڭىلىڭىز تولا ما؟
– ارينە, تولادى. ناۋقانعا الماتىداعى بارلىق جوعارى وقۋ ورىندارى اتسالىستى. بارلىعى دا بىلىكتى زاڭگەرلەر, تەحنيكالىق-گۋمانيتارلىق سالانىڭ بىلگىر ماماندارى. مادەنيەت تە, ءتارتىپ تە, تاجىريبە دە بار.
– اڭگىمەڭىزگە راحمەت.
اڭگىمەلەسكەن
تالعات ءسۇيىنباي,
«ەگەمەن قازاقستان». الماتى.
