2026 جىلعى 18 ساۋىردەن باستاپ كوميتەتكە زاڭنامالىق تۇرعىدا جاڭا فۋنكتسيا جۇكتەلەدى. ەندى مەملەكەتتىك ورگاندار ءۇشىن ناقتى ۇسىنىمدار ازىرلەۋدى قوسا العاندا, اۋقىمدى بولجامدىق-تالدامالىق قىزمەتتى جۇزەگە اسىرادى.
ساق بولىڭىز: الاياقتار مەديتسينا قىزمەتكەرى رەتىندە حابارلاسا باستادى
ورتالىق ماماندارى جۇرگىزگەن تالداۋ ناتيجەسى كورسەتكەندەي, بۇگىندە الاياقتىق قوڭىراۋلاردىڭ نەگىزگى بولىگى ءداستۇرلى تەلەكوممۋنيكاتسيالىق جەلىلەردەن مەسسەندجەرلەرگە (اسىرەسە WhatsApp) اۋىسقان. قازىرگى تاڭدا 18 جاڭا كيبەرقاۋىپ انىقتالىپ وتىر. ولاردىڭ ىشىندە:
- SMS-بلاستەرلەر: بايلانىس وپەراتورلارىن اينالىپ ءوتىپ, جاپپاي حابارلاما جىبەرۋگە ارنالعان قۇرىلعىلار;
- فيشينگ جانە ديپفەيك: ادامنىڭ بەينەسى مەن داۋىسىن قولدان جاساۋ ارقىلى جاسالاتىن الاياقتىقتار;
- نومىرلەردى الماستىرۋ: تىركەلمەگەن SIM-كارتالار مەن تەلەفون نومىرلەرىن بۇرمالاۋ سحەمالارى بار.
ايتا كەتەرلىگى, بيىل 4 ساۋىردە ەلدە العاش رەت SMS-بلاستەردى پايدالانۋ فاكتىسى اشكەرەلەندى. بۇل قۇقىق قورعاۋ ورگاندارىنىڭ كيبەرقىلمىستىڭ مۇلدەم جاڭا تۇرلەرىن جەدەل انىقتاپ, جولىن كەسۋگە قابىلەتتى ەكەنىن كورسەتتى.
