قازاقستان رەسپۋبليكاسىنىڭ زاڭى №376-IV قرز

«قازاقستان رەسپۋبليكاسىنىڭ جوعارى سوت كەڭەسى تۋرالى» قازاقستان رەسپۋبليكاسىنىڭ زاڭىناوزگەرىستەر مەن تولىقتىرۋلار ەنگىزۋ تۋرالى 1-باپ. «قازاقستان رەسپۋبليكاسىنىڭ جوعارى سوت كەڭەسى تۋرالى» 2008 جىلعى 17 قاراشاداعى قازاقستان رەسپۋبلي­كاسىنىڭ زاڭىنا (قازاقستان رەسپۋبلي­كاسى پارلامەنتىنىڭ جارشىسى, 2008 ج., № 20, 80-قۇجات) مىناداي وزگەرىستەر مەن تولىقتىرۋلار ەنگىزىلسىن: 1) 2-باپتىڭ 1-تارماعى مىناداي ماز­مۇنداعى 6-1) تارماقشامەن تولىقتى­رىلسىن: «6-1) جوعارعى سوت توراعاسىنىڭ ۇسى­نۋى بويىنشا جوعارعى سوتتىڭ, جەرگىلىكتى جانە باسقا دا سوتتاردىڭ قىزمەتىن ۇيىمداستىرۋشىلىق جانە ماتەريالدىق-تەحنيكالىق قامتاماسىز ەتۋ جونىندەگى ۋاكىلەتتى ورگاننىڭ باسشىسى قىزمەتىنە كانديداتتى تاعايىنداۋعا جانە ونى قىزمەتتەن بوساتۋعا كەلىسىم بەرۋ تۋرالى ماسەلەنى زاڭنامادا بەلگىلەنگەن تارتىپپەن قارايدى;»; 2) 10-باپتىڭ 5-تارماعى مىناداي رەداكتسيادا جازىلسىن: «5. كوميسسيانىڭ قىزمەتىن قامتاماسىز ەتۋدى كەڭەس اپپاراتى مەن جوعارعى سوت­تىڭ, جەرگىلىكتى جانە باسقا دا سوتتاردىڭ قىزمەتىن ۇيىمداستىرۋشىلىق جانە ماتە­ريالدىق-تەحنيكالىق قامتاماسىز ەتۋ ءجو­نىن­دەگى ۋاكىلەتتى ورگان جۇزەگە اسىرادى.»; 3) 14-باپ مىناداي رەداكتسيادا جازىلسىن: «14-باپ. سۋديا قىزمەتiنە كونكۋرس 1. كەڭەستiڭ جەرگiلiكتi جانە باسقا دا سوتتىڭ سۋدياسى قىزمەتiنە تاعايىنداۋ تۋرالى ۇسىنىمى كونكۋرستىق قاراۋدىڭ ناتيجەلەرi بويىنشا بەرiلەدi. 2. جوعارعى سوتتىڭ, جەرگىلىكتى جانە باسقا دا سوتتاردىڭ قىزمەتىن ۇيىمداس­تىرۋشىلىق جانە ماتەريالدىق-تەحني­كالىق قامتاماسىز ەتۋ جونىندەگى ۋاكىلەتتى ورگاننىڭ سۋديا قىزمەتىنە بوس ورىننىڭ اشىلعانى تۋرالى ۇسىنىسى كەڭەستىڭ كونكۋرستى وتكىزۋى ءۇشىن نەگىز بولىپ تابىلادى. 3. سۋديانىڭ بوس ورنىنا ورنالاسۋعا كانديداتۋرالاردى ىرىكتەۋ جونىندەگى كون­كۋرستىڭ وتكىزىلەتىن مەرزىمى مەن ورنى تۋرالى حابارلامانى جوعارعى سوتتىڭ, جەرگىلىكتى جانە باسقا دا سوتتاردىڭ قىز­مەتىن ۇيىمداستىرۋشىلىق جانە ماتە­ريال­دىق-تەحنيكالىق قامتاماسىز ەتۋ ءجو­نىندەگى ۋاكىلەتتى ورگان رەسپۋبليكالىق بۇقارالىق اقپارات قۇرالدارىنىڭ رەسمي باسىلىمدارىندا كونكۋرسقا دەيىن كەمىندە ءبىر اي بۇرىن قازاق جانە ورىس تىلدەرىندە جاريالايدى.»; 4) 15-باپتىڭ 3-تارماعىنداعى «جانە زاڭ ماماندىعى بويىنشا كەمىندە ون بەس جىل جۇمىس ءوتىلى بار نەمەسە كەمىندە بەس جىل سۋديا بولىپ ىستەگەن جۇمىس ءوتىلى بار» دەگەن سوزدەر «, زاڭ ماماندىعى بويىنشا كەمىندە ون بەس جىل جۇمىس ءوتىلى نەمەسە كەمىندە بەس جىل سۋديالىق جۇمىس ءوتىلى بار جانە ءتيىستى وبلىستىق سوتتىڭ جالپى وتىرىسىنىڭ وڭ قورىتىندىسىن العان» دەگەن سوزدەرمەن اۋىستىرىلسىن; 5) 16-باپ مىناداي مازمۇنداعى 3-1-تارماقپەن تولىقتىرىلسىن: «3-1. كەڭەس وبلىستىق سوت سۋديالا­رىنىڭ بوس ورىندارىنا كانديداتۋ­را­لاردى ءتيىستى وبلىستىق سوتتىڭ جالپى وتىرىسىنىڭ وڭ قورىتىندىسى بولعان كەزدە قارايدى.»; 6) 18-باپتا: 1-تارماقتاعى «جانە زاڭ ماماندىعى بو­يىن­شا كەمىندە ون بەس جىل جۇمىس ءوتىلى بار نەمەسە كەمىندە بەس جىل سۋديا بولىپ ءىس­تەگەن جۇمىس ءوتىلى بار» دەگەن سوزدەر «, زاڭ ماماندىعى بويىنشا كەمىندە ون بەس جىل جۇمىس ءوتىلى نەمەسە كەمىندە بەس جىل سۋديالىق جۇمىس ءوتىلى بار جانە ءتيىستى وبلىستىق سوتتىڭ جالپى وتىرىسىنىڭ وڭ قورىتىندىسىن العان» دەگەن سوزدەرمەن اۋىستىرىلسىن; 2-تارماقتاعى «جانە زاڭ ماماندىعى بويىنشا كەمىندە جيىرما جىل جۇمىس ءوتىلى بار نەمەسە كەمىندە ون جىل سۋديا بولىپ ىستەگەن جۇمىس ءوتىلى بار» دەگەن سوزدەر «, زاڭ ماماندىعى بويىنشا كەمىندە جيىرما جىل جۇمىس ءوتىلى نەمەسە كەمىندە ون جىل سۋديالىق جۇمىس ءوتىلى بار جانە جوعارعى سوتتىڭ جالپى وتىرى­سىنىڭ وڭ قورىتىندىسىن العان» دەگەن سوزدەرمەن اۋىستىرىلسىن. 2-باپ. وسى زاڭ العاشقى رەسمي جاريا­لانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى                 ن.نازارباەۆ. استانا, اقوردا, 2010 جىلعى جەلتوقساننىڭ 29-ى.