ەلدەن جىراق جۇرسە دە

مالايزيادا وقىپ جۇرگەن قازاقستاندىق جاستاردىڭ قاۋىمداستىق قۇرىپ, قازاق گازەتىن شىعارىپ وتىرعانىنا سۇيسىنەسىڭ بۇگىنگى كۇنى مالايزيا مەملەكەتى وڭتۇستىك-شىعىس ازيا ايما­عىن­داعى ەكونوميكاسى, مادەنيەتى, ءبىلىم بەرۋ سالاسى, ءتۋريزمى, اق­پا­راتتىق جانە يننوۆاتسيالىق تەح­نو­لوگياسى وركەنيەت ۇردىسىنە ساي جاقسى دامىعان, ەلەكتروندىق ۇكى­مەت باعدارلاماسى تولىق ءمۇم­كىن­دى­گىندە جۇمىس ىستەپ جاتقان قۋات­تى ەلدەردىڭ قاتارىنا جا­تادى. سون­دىقتان دا ءبىزدىڭ ەلىمىزدىڭ سىرت­قى ساياسي جانە باسقا دا ما­ڭىزدى ۇيلەستىرۋ جۇيەسىندە مالايزيا وزىندىك ورنى بار مەملەكەت بولىپ تابىلادى دەسەك قازىرگى ۋا­قىتتا ءبىزدىڭ ەلىمىز بەن مالايزيا اراسىندا ساياسي, مادەني-ەكو­نو­مي­كالىق بايلانىستاردىڭ بەت الىسى كۇننەن-كۇنگە جاقسى ۇردىسپەن دا­مىپ كەلەدى. سونىڭ ءبىر دالەلى رەتىندە اتالمىش ەلدىڭ جوعارى وقۋ ورىندارىندا وقيتىن قازاق­ستان­دىق ستۋدەنتتەردىڭ سانى مىڭنان اسىپ كەتكەنىن ماقتانىشپەن اي­تۋعا بولادى. جۋىردا وسى ەلدە ءبىلىم الىپ جات­قان ەلىمىزدىڭ جاستارى قا­زاق­ستان ستۋدەنتتەرىنىڭ مالاي­زيا­دا­عى قا­ۋىم­داستىعىن قۇردى. قا­ۋىم­داس­تىقتىڭ پرەزيدەنتى بولىپ حەلپ ۋنيۆەرسيتەتىنىڭ بيزنەستى باس­قارۋ ماگيسترى ابزال وسپانوۆ سايلاندى. قاۋىمداستىقتىڭ قۇ­رى­لۋىنداعى نە­گىزگى ماقسات – ستۋدەنتتەر اراسىندا اۋىزبىرلىك پەن ىنتىماقتاستىقتى قالىپتاستىرۋ ارقىلى ولاردى ەكى ەل اراسىندا بولىپ جاتقان بارلىق قوعامدىق-مادەني شارالارعا بەلسەنە قا­تىس­تىرۋ, جاعدايى قيىن ستۋدەنتتەرگە كومەك كورسەتۋ, حال­قى­مىزدىڭ ءما­دە­نيەتى مەن سالت-ءداس­تۇرىن الەمگە تانىتۋ, بويلارىنا وتانسۇيگىشتىك قاسيەتتى ءسىڭىرۋ, ەكى ەلدىڭ ارا­سىن­داعى ءوزارا  بايلانىسقا  دانەكەر بولۋ. قاۋىمداستىق قۇرىلعان از عا­نا ۋاقىتتىڭ ىشىندە بىرنەشە قو­عام­دىق-ساياسي ماڭىزى بار شا­را­لاردى ۇيىمداستىرىپ ۇلگەردى. اتاپ ايت­ساق, ستۋدەنتتەردىڭ اۋىز­بىر­­لىگىنىڭ ارقاسىندا قازاقستان رەس­پۋب­لي­كاسىنىڭ مالايزياداعى ەلشى­لى­گىنىڭ قولداۋىمەن تاۋەل­سىز­دىك كۇنى سالتاناتتى تۇردە اتالىپ ءوتىلدى. سونداي-اق رامازان ايىندا 400-گە جۋىق ادامعا كونتسەرتتىك باعدار­لامامەن قوسا اۋىزاشار بەرىلدى. بۇعان قوسا وتكەن جىلدىڭ قازان ايىندا «Sports Planet Subang Grang» سپورت كەشەنىندە مالاي­زيانىڭ جوعارى وقۋ ورىن­دارىندا وقيتىن قازاق­ستاندىق ستۋدەنتتەر فۋتبولدان ون ءۇش كوماندا قۇرىپ, ءوزارا جارىس ءوت­كىزدى. جارىستا جەڭىمپاز بولعان كو­مانداعا جا­ڭادان شاڭىراق كو­تەر­گەن قاۋىم­داستىقتىڭ اتىنان كۋبوك جانە اقشالاي سىياقى بەرىلدى. ەڭ باستىسى, جۋىردا قاۋىم­داس­تىقتىڭ مۇرىندىق بولۋىمەن قازاق-اعىلشىن تىلىندە ون التى بەت بولىپ «مۋكاz» گازەتى جارىق كوردى. رەداكتورى – حەلپ ۋني­ۆەر­سيتەتىنىڭ بيزنەستى باسقارۋ ماگيسترى تىلەك تەمىربەكوۆ. گازەتتىڭ اتىنىڭ ءوزى اعىلشىن تىلىنەن اۋ­دار­عاندا «مالايزيا – قازاقستان» نەمەسە «مەنىڭ قازاقستانىم» دەگەن ەكى ءتۇرلى ماعىنانى بىلدىرەدى. مالايزياداعى ستۋدەنتتەر قا­ۋىم­داستىعىنىڭ دەمەۋشىلەرىنىڭ ءبىرى – الماتى قالاسىندا جاقىن ارادا شاڭىراق كوتەرگەن جاۋاپكەرشىلىگى شەكتەۋلى «كمۆ Group» سەرىكتەستىگى بولىپ تابىلادى. سەرىكتەستىك قىزمەتىنىڭ ءبىر تارماعى مالايزيا مەملەكەتىنىڭ جوعارعى وقۋ ورىندارىمەن جانە ونداعى قازاق ستۋدەنتتەرىنىڭ قاۋىمداس­تى­عىمەن تىكەلەي بايلانىستى. سو­نى­مەن قاتار سەرىكتەستىك قىز­مەتكەرلەرى بوياۋى كەپپەگەن جاڭا گازەتتىڭ قازاقستاندا تارالۋىنا دا اتسالىسادى. گازەت ءتۇرلى-ءتۇستى بوياۋمەن, سا­پالى قاعازبەن جانە تارتىمدى ماقالالار بەرۋ ارقىلى بۇگىنگى كۇن تالابىنا ساي بەزەندىرىلگەن. گا­زەتتىڭ نەگىزگى اۆتورلارى – سول ەلدىڭ ءارتۇرلى وقۋ وردالارىندا ءبىلىمىن جەتىلدىرىپ جاتقان ءوز جەرلەستەرىمىز. اتالمىش گازەت قا­زاق­ستان رەسپۋبليكاسىنىڭ مالاي­زيا­داعى توتەنشە جانە وكىلەتتى ەلشىسى بەيبىت اتامقۇلوۆ جانە مالايزيانىڭ باسقا دا جوعارى وقۋ ورىندارى باسشىلارى تارا­پى­نان جوعارى باعا الدى. وسىلايشا, اتالمىش گازەتپەن تىعىز بايلانىستا جۇمىس ىستەۋگە نيەت بىلدىرگەن جوعارى وقۋ ورىن­دارىنىڭ سانى دا, جارناما بەرۋگە ىقىلاس تانىتقان ازاماتتاردىڭ قاراسى دا كوبەيىپ كەلەدى. سونداي-اق گازەتتە جاريالانعان ماقا­لا­لاردا ەگەمەندى ەل رەتىندەگى ۇلت­تىق بەت-بەينەمىزدى جانە ەلىمىزدىڭ جەتىستىگىن تانىتۋعا باستى نازار اۋدارىلىپ وتىرادى. بۇل گازەتتى الەمنىڭ ءار تۇپكىرىنەن كەلىپ وقي­تىن باسقا ەلدەردىڭ ستۋدەنتتەرى دە كورىپ, وندا اعىلشىن تىلىندە جازىلعان ماتەريالداردى وقىپ, قازاق جاستارىنىڭ ءاۋىزبىر­لىك­تە­رى­نە تاڭ قالىپ, جاقسى پىكىر ايتىپ جاتقاندارى دا جەتەرلىك. وسى ورايدا ايتا كەتەتىن ءبىر ءجايت, وسى گازەت ارقىلى بۇكىل الەم جاستارى قازاق دەگەن قوناق­جاي حالىقتىڭ جانە ءبىزدىڭ ەگەمەندى ەلىمىزدىڭ جارقىن كەلبەتىن جەتە تاني ءتۇستى, قازاقستانعا دەگەن قىزىعۋشىلىقتارى دا ارتا باستادى دەسە دە بولادى. جۋىردا گا­زەتتىڭ ءۇشىنشى ءنومىرى ون مىڭ دانامەن جارىق كوردى. ول مالاي­زيا­نىڭ بارلىق جوعارى وقۋ ورىن­دارىندا جانە ءوز ەلىمىزدە تارا­تىل­دى. وسىندايدا, ريزاشىلىق سەزىممەن: «ىسكە ءسات, ەلىن سۇيگەن ازاماتتار» دەگىڭ كەلەدى. مەرۋەرت نۇراحمەت, مالايزياداعى «Limkokwing» ۋنيۆەرسيتەتى ماگيستراتۋراسىنىڭ تۇلەگى, «كمۆ Group» جاۋاپكەرشىلىگى شەكتەۋلى سەرىكتەستىگىنىڭ ديرەكتورى.