ەكسپو-نىڭ ەكس-باسشىسى تالعات ەرمەگياەۆتىڭ سوتى باستالدى

استانا. 18 ناۋرىز. قىلمىستىق ىستەر جونىندەگى مامانداندىرىلعان اۋدانارالىق سوتىندا «استانا ەكسپو – 2017» ۇلتتىق كومپانياسىنىڭ بۇرىنعى توراعاسى تالعات ەرمەگياەۆكە قاتىستى سوت باستالدى. بۇل تۋرالى tengrinews.kz-كە سىلتەمە جاساعان egemen.kz ءتىلشىسى حابارلايدى. بۇگىن الدىن الا سوت تىڭداۋى ءوتتى. وندا سۋديا پروتسەسسكە قاتىسۋشىلارمەن تانىستى, تالاپتاردى ناقتىلاپ, جاعداي جايلى پىكىر قالىپتاستىردى. سونداي-اق, اتالعان ءىس بويىنشا باستى سوت تىڭداۋىنىڭ مەرزىمى بەلگىلەنبەك. ءىستى قىلمىستىق ىستەر جونىندەگى اۋدانارالىق مامانداندىرىلعان سوتتىڭ توراعاسى ءادىلحان شايحيسلاموۆ قارايدى. تالعات ەرمەگياەۆ سوتقا ارنايى بولىمشەلەردىڭ قىزمەتكەرلەرىنىڭ جەتەكشىلىگىمەن كەلدى. ولاردىڭ ىشىندە «استانا ەكسپو – 2017» ۇلتتىق كومپانياسى قۇرىلىس دەپارتامەنتىنىڭ بۇرىنعى جەتەكشىسى قاجىمۇرات ۇسەنوۆ بار. ايتا كەتەيىك, قىلمىستىق ىسكە قاتىسى بار ايىپتالۋشىلاردىڭ ىشىندە ۇيقاماقتا وتىرعاندار بار. ولاردىڭ جالپى سانى جەتەۋ. ەستەرىڭىزگە سالايىق, ءىس سوتقا بيىل 9 ناۋرىزدا تۇسكەن بولاتىن. ال ءىس ماتەريالدار 500 تومنان اسادى. تالعات رايىمبەك. دەرەك, سۋرەت: tengrinews.kz.