مينيستر ءوز سوزىندە 2026 جىلعى 10 ساۋىردەن باستاپ شەتەل ازاماتتارىن تۇراقتى تۇرۋعا قابىلداۋدى رەتتەيتىن قوسىمشا شارالار ەنگىزىلگەنىن اتاپ ءوتتى. قازاقستان ينۆەستورلار مەن سۇرانىسقا يە ماماندىق يەلەرى ءۇشىن جەڭىلدەتىلگەن ءتارتىپتى ساقتاپ وتىر.
ينۆەستيتسيالىق جوبالاردىڭ باسشىلارى مەن قاتىسۋشىلارىنا, سونداي-اق ولاردىڭ وتباسى مۇشەلەرىنە «ا-5» جانە «ا-6» ساناتىنداعى ۆيزالار بەرىلەدى. بۇل ينۆەستورلاردىڭ قازاقستان ەكونوميكاسىنا ەركىن كەلىپ, بيزنەستى دامىتۋىنا جانە جاڭا جۇمىس ورىندارىن اشۋىنا جول اشادى.
Smart Grid مەن جي-ينجەنەرلەرى: ەلىمىزدە جاڭا ماماندىقتار پايدا بولادى
قازىرگى تاڭدا تىزىمگە 51 ماماندىق ەنگەن. ولاردىڭ قاتارىندا نەيروحيرۋرگتەر, گەماتولوگتەر, فارماتسەۆتيكا ونەركاسىبىنىڭ ينجەنەر-تەحنولوگتەرى, باكتەريولوگتار مەن گرافيكالىق انيماتسيا تەحنيكتەرى بار.
كوشى-قون ساياساتى تۇجىرىمداماسىن 2030 جىلعا دەيىن ىسكە اسىرۋ اياسىندا ماماندار ءتىزىمىن جاڭارتۋ جۇمىستارى جۇرگىزىلىپ جاتىر.
«بۇل ءتىزىم ەكونوميكانىڭ سۇرانىسىنا قاراي تۇراقتى تۇردە جاڭارتىلىپ وتىرادى. جاڭارتۋ جۇمىستارى وسى جىلدىڭ سوڭىنا دەيىن اياقتالادى. بۇل ءتاسىل ەلىمىزدىڭ ەكونوميكاسىنداعى وزگەرىستەرگە دەر كەزىندە جاۋاپ بەرۋگە جانە ناقتى قاجەتتى مامانداردى تارتۋعا مۇمكىندىك بەرەدى», دەدى ايدا بالاەۆا.
ءمينيستردىڭ ايتۋىنشا, قازاقستان جوعارى بىلىكتى ماماندار ءۇشىن جاڭا ۆيزا فورماتتارىن ەنگىزىپ جاتىر. بۇل قادام ەلىمىزگە الەمگە تانىمال تالانتتاردى, وزىق ءبىلىم مەن زاماناۋي تەحنولوگيالاردى اكەلۋگە مۇمكىندىك بەرەدى. ناتيجەسىندە ينۆەستيتسيا كولەمى ارتىپ, كادر تاپشىلىعى ازايادى دەپ كۇتىلەدى.
سونىمەن قاتار شەتەلدىك ازاماتتار سالالىق مەملەكەتتىك ورگانداردىڭ ءوتىنىش حاتى ارقىلى دا قازاقستانعا جەڭىلدەتىلگەن تارتىپپەن كەلە الادى.
