ەسەپتەن شىعارۋ كۋالىكتەرىن بەرۋدىڭ ءتارتىبى قانداي؟

ورتالىق سايلاۋ كوميسسياسىندا وسك مۇشەسى مارات سارسەمباەۆ ەسەپتەن شىعارۋ كۋالىكتەرىن بەرۋ ءتارتىبى جانە سايلاۋ راسىمدەرى تۋرالى بريفينگ وتكىزدى. ونىڭ اتاپ وتۋىنشە, باق وكىل­دەرىن «سايلاۋ تۋرالى» زاڭعا جانە ورتسايلاۋكوم بەكىت­كەن داۋىس بەرۋ قۇقىعىن بەرەتىن ەسەپتەن شىعارۋ كۋالىك­تەرىن بەرۋ جانە ەسەپكە الۋ ەرەجەلەرىنە سايكەس سايلاۋ­شى جالپى جۇرتتىڭ تانى­سۋى ءۇشىن سايلاۋشىلار ءتىزىم­دەرىن ۇسىنۋ مەن سايلاۋ كۇنى اراسىندا ءوزىنىڭ بولۋ ورنىن اۋىستىرعان كەزدە, ول تىركەلگەن جەرى بويىنشا ۋچاس­كەلىك سايلاۋ كوميسسياسىنا داۋىس بەرۋ قۇقىعىن بەرەتىن ەسەپتەن شىعارۋ كۋالىگىن الۋعا ءوتىنىش جاساۋعا قۇقىلى. «ەسەپتەن شىعارۋ كۋا­لىگى سايلاۋشىعا نەمەسە سەنىم­حات بويىنشا ونىڭ وكىلىنە 4 ناۋرىزدان باستاپ 19 ناۋ­رىز كۇنگى ساعات 18.00-گە دەيىن بەرىلەدى, – دەدى م.ءسار­سەمباەۆ. – ۋچاسكەلىك سايلاۋ كوميسسياسىنىڭ توراعاسى نەمەسە مۇشەسى ەسەپتەن شىعا­رۋ كۋالىگىن تولتىرۋدى سايلاۋ­شىنىڭ تىلەگى بويىنشا مەم­لەكەتتىك نەمەسە ورىس تىلىندە جۇرگىزەدى. بۇل رەتتە ەسەپتەن شىعارۋ كۋالىگىن تابىس ەتكەن ۋچاسكەلىك سايلاۋ كوميس­سياسىنىڭ مۇشەسى سايلاۋشىلار تىزىمىندەگى سايلاۋشى تەگىنىڭ تۇسىنا, «ەسكەرتۋلەر» دەگەن باعانعا ەسەپتەن شىعارۋ كۋالىگىنىڭ تابىس ەتىلگەنى, ونىڭ بەس تاڭبالى سەريالىق ءنومىرىن, بەرىلگەن كۇنى تۋرالى جازۋ ەنگىزۋى جانە قولىن قويۋى ءتيىس». وسك مۇشەسىنىڭ حاباردار ەتكەنىندەي, سايلاۋشىنىڭ ەسەپتەن شىعارۋ كۋالىگىن الۋعا بەرگەن ءوتىنىشى سايلاۋشىلار تىزىمىنە قوسا تىركەلەدى جانە اتالعان سايلاۋ ۋچاسكەسى بويىنشا ونى تىزىمنەن الىپ تاستاۋ ءۇشىن نەگىز بولىپ تابىلادى. ەسەپتەن شىعارۋ كۋالىگى باسقا سايلاۋ وكرۋگىندە نەمەسە ءبىر ەلدى مەكەننىڭ شەگىندەگى باسقا سايلاۋ ۋچاسكەسىندە داۋىس بەرۋگە قاتىسقىسى كەلگەن سايلاۋشىلارعا بەرىلمەيدى. جوعالعان داۋىس بەرۋ قۇقىعىن بەرەتىن ەسەپتەن شىعارۋ كۋالىكتەرى قالپىنا كەلتىرىلمەيدى جانە كوشىرمە نۇسقاسى بەرىلمەيدى. «داۋىس بەرۋ كۇنى ەسەپتەن شى­­عارۋ كۋالىگىن كورسەتكەن كەزدە سايلاۋشى كەلگەن جەرى بويىنشا تىركەلەدى, – دەپ جالعاستىردى ءسوزىن م.سارسەمباەۆ. – وبلىس­تىق, قالالىق, اۋداندىق ءماسلي­حاتتاردىڭ دەپۋتاتتارىن سايلاۋدا باسقا ەلدى مەكەندەگى, بىراق سايلاۋشى تىركەلگەن سايلاۋ وكرۋگىنىڭ شەگىندەگى سايلاۋ ۋچاسكەلەرىندە عانا داۋىس بەرۋگە بولادى. داۋ­ىس بەرۋ بارلىق ۋچاسكەلەردە جەر­گىلىكتى ۋاقىت بويىنشا تاڭعى ساعات 07.00-دە باستالىپ, كەشكى ساعات 20.00-دە اياقتالادى». بريفينگتە وسك مۇشەسى داۋىس بەرۋگە كەلە المايتىن ساي­لاۋشىلاردىڭ قالاي داۋىس بەرۋگە بولاتىنىنا دا توقتالدى. ونىڭ ايتۋىنشا, ەگەر سايلاۋشى سايلاۋ كۇنى دەنساۋلىق, مۇگەدەكتىك جاعدايىنا, وتبا­سىنىڭ سىرقات مۇشەسiنە كۇتiم جاساۋ سەبەبiنە, سونداي-اق, سايلاۋ ۋچاسكەسi قۇرىلماعان شال­عايداعى جانە قاتىناسۋ قيىن جەردە بولۋىنا بايلانىستى سايلاۋ ۋچاسكەسىنە كەلە الماعان جاع­دايدا, ول ۋچاسكەلىك سايلاۋ كوميسسياسىنا «ۇيدە» داۋىس بەرۋدى ۇيىمداستىرۋ تۋرالى وتىنىشپەن جۇگىنۋگە قۇقىلى. وسىعان قاتىستى وتىنىشتەر اعىمداعى جىلعى 20 ناۋ­رىز كۇنگى ساعات 12.00-گە دەيىن قابىلدانادى. ورتالىق سايلاۋ كوميس­سيا­سىنىڭ مۇشەسى, سونداي-اق, سايلاۋدى قانشا شەتەلدىك باي­قاۋشى قاداعالايتىنىنان دا حاباردار ەتتى. «وزدەرىڭىز دە بىلەتىندەي, 14 ناۋرىز كۇنى شەت­ەلدىك بايقاۋشىلاردى اككرەديتتەۋ شارالارى اياقتالدى. سول كۇنى كەشكىسىن ءبىز ەڭ سوڭعى بايقاۋشىلاردى اككرەديتتەدىك. سونىمەن, ولاردىڭ جالپى سانى 957 شەتەلدىك بايقاۋشىنى قۇراپ وتىر», – دەدى م.سارسەمباەۆ وسى ماسەلە جونىندە. ونىڭ كەلتىرگەن دەرەكتەرىنە قاراعاندا, ەقىۇ/دياقب-نىڭ – 286, تمد ميسسياسىنىڭ – 301, شانحاي ىنتىماقتاستىق ۇيىمىنىڭ – 9, ەقىۇ پارلا­مەنت­تىك اسسامبلەياسىنان – 76, ەۋ­روپا كەڭەسىنىڭ پارلامەنتتىك اسسامبلەياسىنان – 14, تۇركىتىلدەس ەلدەر ىنتىماقتاستىعى كەڭەسىنەن – 17, يسلام ىنتىماقتاستىعى ۇيىمىنان – 3, تۇركىتىلدەس ەلدەردىڭ پارلامەنتتىك اسسام­بلەياسىنان – 8, شەت مەملەكەتتەردەن – 103 بايقاۋشى, بۇدان بولەك قازاقستان رەسپۋبليكاسى سىرتقى ىستەر مينيسترلىگى 29 مەملەكەتتەن شەتەلدىك باق-تىڭ 140 وكىلى اككرەديتتەلگەن. ءاليسۇلتان قۇلانباي, «ەگەمەن قازاقستان».