شىمكەنت. 17 ناۋرىز. سارىاعاشتا ەل تاۋەلسىزدىگىنىڭ 25 جىلدىعىنا ارنالعان ونەر فەستيۆالى ءوتتى. بۇل تۋرالى ەgemen.كz ءتىلشىسى حابارلادى.
كيىز ۇيلەر تىگىلىپ, التىباقان ورناتىلعان الاڭدا قىلقالام شەبەرلەرىنىڭ كورمەسى ۇيىمداستىرىلىپ, كىتاپ, ۇلتتىق كيىمدەر جانە قولونەر كورمەلەرى جۇمىس جاسادى.
ونەر بايقاۋىنا قاتىسقان اۋدان اكىمى بۇحارباي پارمانوۆ بارشا قاتىسۋشىلارعا ساتتىلىك تىلەپ, اۋداننىڭ مادەنيەت سالاسىنداعى جەتىستىكتەرىن تىلگە تيەك ەتتى.
«قازاققا تاۋەلسىزدىك وڭاي كەلگەن جوق. ۇلانعايىر جەرىن جاۋدان قورعاۋ ءۇشىن اتا-بابامىز اتتان تۇسكەن جوق. ازاتتىق جولىندا جاندارىن قيدى. بۇگىندە ەلباسىمىز بىرتەكتى «ماڭگىلىك ەل» بولۋدىڭ جولىن كورسەتىپ وتىر. وسى مەرەيلى مىندەتتى بارشا قازاقستاندىقتار بىرلەسىپ ىسكە اسىرادى», دەدى اۋدان اكىمى.
باقتيار تايجان.
دەرەك, سۋرەت: egemen.kz
