قارالى جيىنعا اقىننىڭ رۋحىنا تاعزىم ەتۋ ءۇشىن زيالى قاۋىم وكىلدەرى, ارىپتەستەرى مەن قالىڭ جۇرت جينالدى. قوشتاسۋ ءراسىمىن قازاقستان جازۋشىلار وداعىنىڭ توراعاسى مەرەكە قۇلكەنوۆ جۇرگىزدى.
مەملەكەت باسشىسى قاسىم-جومارت توقاەۆتىڭ كوڭىل ايتۋ حاتىن سەنات توراعاسى ماۋلەن اشىمباەۆ وقىپ بەرىپ, اقىننىڭ ۇلتتىق مۇددە جولىنداعى ەڭبەگى مەن جەلتوقسان وقيعاسىنىڭ اقيقاتىن اشۋداعى باتىلدىعى ەرەكشە اتاپ ءوتتى.
مەملەكەت باسشىسى مۇحتار شاحانوۆتىڭ وتباسىنا كوڭىل ايتۋ جەدەلحاتىن جولدادى
سونداي-اق ءماجىلىس توراعاسىنىڭ حاتىن دەپۋتات جاناربەك ءاشىمجان جەتكىزسە, تۇركسوي ۇيىمى اتىنان ۇلىقبەك ەسداۋلەت اقىننىڭ تۇركى الەمىندەگى ورنىنا توقتالدى. قوشتاسۋ راسىمىنە قىرعىز رەسپۋبليكاسىنان ارنايى دەلەگاتسيا قاتىسىپ, پرەزيدەنت سادىر جاپاروۆتىڭ كوڭىل ايتۋ حاتىن تابىستادى.
راسىمنەن كەيىن مۇحتار شاحانوۆتىڭ دەنەسى تۇركىستان وبلىسىنا جونەلتىلدى. اقىن ءتىرى كەزىندە ءوزىن تۋعان جەرى وتىرار وڭىرىندە جەرلەۋدى امانات ەتكەن بولاتىن.
22 ءساۋىر كۇنى تۇركىستان وبلىسى وتىرار اۋدانىندا جانازا نامازى وقىلىپ, اقىن قوعام اۋىلدىق زيراتىنا جەرلەنەدى. ونىڭ ماڭگىلىك مەكەنى ارىستان باب كەسەنەسىنە جاقىن ورنالاسقان.
