فوتو: Reuters / مۇحاممەد اتي
حالىقارالىق باعالاۋلارعا سايكەس, سوعىس سالدارىنان الەمدىك نارىقتان 500 ملن باررەلدەن استام مۇناي مەن كوندەنسات تۇسپەي قالعان. بۇل – قازىرگى كەزەڭدەگى ەڭ ءىرى ەنەرگەتيكالىق ۇزىلىستەردىڭ ءبىرى. مۇنداي كولەم جاھاندىق ەكونوميكاعا 5 كۇن بويى مۇناي جەتكىزىلمەگەن جاعدايمەن تەڭ.
اقش پەن يران اراسىنداعى سوعىس سالدارى: ساۋد ارابياسىنىڭ مۇناي ەكسپورتى 50%-عا تومەندەدى
پارسى شىعاناعىنداعى اراب ەلدەرى ناۋرىز ايىندا ءوندىرىستىڭ شامامەن 40%-ىن جوعالتىپ, تاۋلىگىنە 8 ملن باررەل مۇناي وندىرە المادى. سونىمەن قاتار ايماقتا اۆياوتىن ەكسپورتى كۇرت تومەندەپ, 19,6 ملن باررەلدەن 4,1 ملن باررەلگە دەيىن قىسقاردى. بۇل حالىقارالىق اۋە تاسىمالىنا ايتارلىقتاي اسەر ەتتى.
ساراپشىلاردىڭ ايتۋىنشا, قاقتىعىس باستالعالى مۇناي باعاسى باررەلىنە شامامەن 100 دوللار دەڭگەيىندە قالىپتاسقان. سونىڭ ناتيجەسىندە جوعالعان كولەم 50 ملرد دوللار تابىستىڭ كەمىگەنىن بىلدىرەدى.
قالپىنا كەلتىرۋ ۇدەرىسى وڭاي بولمايدى. قازىرگى تاڭدا الەمدىك مۇناي قورى ازايىپ, وندىرىستەگى ءۇزىلىس تاۋلىگىنە 12 ملن باررەلگە دەيىن جەتكەن. كەيبىر كەن ورىندارىن بۇرىنعى دەڭگەيگە كەلتىرۋ ءۇشىن 4-5 اي قاجەت, ال وڭىردەگى ەنەرگەتيكالىق ينفراقۇرىلىمدى تولىق قالپىنا كەلتىرۋ بىرنەشە جىلعا سوزىلۋى مۇمكىن.
جالپى, يرانداعى سوعىستىڭ جاھاندىق مۇناي نارىعىنا سالدارى ۇزاق مەرزىم بويى سەزىلۋى ىقتيمال.
