فوتو: اشىق دەرەككوز
جاڭا ەمتيحان الەمگە ايگىلى ETS كومپانياسىمەن بىرلەسىپ ازىرلەنىپ جاتىر. قازىردىڭ وزىندە كومپانيا دەلەگاتسياسى استاناعا كەلىپ, شەتەلدىك ۋنيۆەرسيتەتتەردىڭ فيليالدارىمەن العاشقى كەزدەسۋلەرىن باستاپ كەتكەن.
ۇبت فورماتى وزگەرەدى: ەندى تالاپكەرلەر ءبىر-اق رەت تەست تاپسىرادى
ءمينيستردىڭ ايتۋىنشا, بۇل تەست ءبىلىم الۋشىلارعا حالىقارالىق دەڭگەيدەگى مۇمكىندىكتەردى اشادى. ETS ستاندارتتارىنا نەگىزدەلگەندىكتەن, بۇل تەست ناتيجەلەرىن قازاقستانداعى شەتەلدىك جوعارى وقۋ ورىندارىنىڭ فيليالدارى عانا ەمەس, شەتەلدەگى ۋنيۆەرسيتەتتەر دە اۆتوماتتى تۇردە قابىلدايدى. AIT نەگىزگى ۇبت-نى الماستىرمايدى, ول تالاپكەرلەرگە قوسىمشا نۇسقا رەتىندە ۇسىنىلادى.نەگىزگى ەمتيحانعا دەيىن سىناق تەستىن تاپسىرىپ كورۋ مۇمكىندىگى دە ساقتالادى.
«جاڭا تەستتىڭ باستى باسىمدىعى – ونىڭ ناتيجەلەرىن بارلىق شەتەلدىك ۋنيۆەرسيتەت فيليالدارى قابىلدايتىن بولادى. بۇل – ساپانىڭ جوعارى ستاندارتى, سوندىقتان ول ءتۇسۋ پروتسەدۋرالارىندا اۆتوماتتى تۇردە تانىلادى», دەدى ساياسات نۇربەك.
جاڭا جۇيە 2027 جىلدان باستاپ سىناقتان وتكىزىلە باستايدى.
