فوتو: اشىق دەرەككوز
پرەمەر-ءمينيستردىڭ ايتۋىنشا, مەكتەپتەر, ۆوكزالدار, دۇكەندەر مەن ءدارىحانالار سياقتى الەۋمەتتىك ماڭىزى بار ينفراقۇرىلىم نىساندارىن بەيىمدەۋ ءىسى اسا ماڭىزدى سانالادى. بۇل باعىتتا ۇلتتىق ستاندارت قابىلدانعانىمەن, ونى ساپالى ىسكە اسىرۋ جانە بارلىق مەنشىك نىسانىنداعى وبەكتىلەردى بىرىڭعاي تالاپتارعا سايكەستەندىرۋ جۇمىسىنا باقىلاۋدى كۇشەيتۋ قاجەت.
ۇلتتىق جوباعا ۇمتىلعان كاسىپورىندار
«كەدەرگىسىز ورتا قالىپتاستىرۋ ءۇشىن ينفراقۇرىلىم نىساندارىن بەيىمدەۋ ءىسىنىڭ ماڭىزى زور. ۇلتتىق ستاندارت بار, ونى ساپالى جۇزەگە اسىرۋ ءۇشىن «امبەباپ ديزاين» جانە قولجەتىمدىلىك قاعيدالارىن ەنگىزۋ قاجەت. بۇل تالاپتار مىندەتتى تۇردە ورىندالۋعا ءتيىس», دەدى ولجاس بەكتەنوۆ.
سونىمەن قاتار پرەمەر-مينيستر جەرگىلىكتى دەڭگەيدە ۆەدومستۆوارالىق ۇيلەستىرۋدىڭ جەتكىلىكسىز ەكەنىن اتاپ ءوتتى. ونىڭ ايتۋىنشا, بىرقاتار وڭىرلەردە نىسانداردى بەيىمدەۋ بارىسىندا قاعازباستىلىق پەن كوزبوياۋشىلىق فاكتىلەرى ءالى دە كەزدەسەدى.
«ۆوكزالدار مەن اۋەجايلاردا, سونداي-اق كولىك قۇرالدارىندا قولجەتىمدى ورتا تولىق قامتاماسىز ەتىلمەگەن. پويىزداردى ينۆاكۋپەسى بار ۆاگوندارمەن جابدىقتاۋ قارقىنى دا باياۋ», دەدى ول.
تەمىرجول سالاسىنداعى وزگەرىستەر: ينفراقۇرىلىم قالاي دامىپ جاتىر؟
وسىعان بايلانىستى ۇكىمەت بىرقاتار ناقتى تاپسىرمالار بەردى. اتاپ ايتقاندا, ونەركاسىپ جانە كولىك مينيسترلىكتەرىنە 1 ماۋسىمعا دەيىن «امبەباپ ديزاين» قاعيدالارىن ۆەدومستۆولىق بۇيرىقپەن بەكىتۋ تاپسىرىلدى. سونداي-اق كولىك سالاسىنداعى نىسانداردىڭ قولجەتىمدىلىگىن كەشەندى تۇردە قاراۋ ءۇشىن ۆەدومستۆوارالىق جۇمىس توبىن قۇرۋ جوسپارلانىپ وتىر.
