مەكتەپ بىتىرۋشىلەر ۇبت-نى ەكىنشى مارتە تاپسىرا الادى

استانا. 17 ناۋرىز. ءبىلىم جانە عىلىم مينيسترلىگى مەكتەپ تۇلەكتەرىنە ەكىنشى رەت ۇلتتىق بىرىڭعاي تەستىلەۋدى تاپسىرۋعا مۇمكىندىك بەرەدى. بۇل تۋرالى bnews.kz-كە سىلتەمە جاساعان egemen.kz ءتىلشىسى حابارلادى. ەلىمىزدە ۇلتتىق بىرىڭعاي تەستىلەۋدى تاپسىرمايتىنداردىڭ قاتارى جىلدان جىلعا كوبەيىپ كەلەدى. ماسەلەن, بيىل تەست تاپسىرمايتىن 46 مىڭعا جۋىق تۇلەكتىڭ بار ەكەندىگى بەلگىلى بولدى. مەكتەپ بىتىرۋشىلەردىڭ كوبىسى كورشىلەس ەلدەردىڭ وقۋ ورىندارىنا ءتۇسۋدى ءجون كورەدى. «وسى ماسەلەگە بايلانىستى الدىمىزدا ەلباسىمىز قويعان تىكەلەي تاپسىرما تۇر. بيىل جاستارىمىزعا ءوز ەلىمىزدەگى وقۋ ورىندارىنا ءتۇسۋ ءۇشىن مۇمكىندىك بەرگىمىز كەلەدى. بۇل رەتتە كوللەدج تۇلەكتەرى ەسكەرىلەدى. ارينە, جوعارى وقۋ ورىندارىن بىتىرگەندەردىڭ بارلىعى بىردەن جۇمىسقا ورنالاسا المايتىندىعى بەلگىلى. الايدا, وزگە ەلدەر سياقتى ءبىز دە جوعارى ءبىلىمدى قوعامعا ۇمتىلۋىمىز قاجەت. سوڭعى 40 جىل ىشىندە الەمدەگى ستۋدەنتتەر سانى 6 ەسەگە ءوستى. جىل سايىن دۇنيە جۇزىندە جوعارى وقۋ ورىندارىنا 150 ميلليون ادام تۇسەدى. ال 10 جىل ىشىندە بۇل كورسەتكىش 50 پايىزعا ارتتى», – دەدى ءبىلىم جانە عىلىم ءمينيسترى ەرلان ساعاديەۆ. ايان ءابدۋالي. دەرەك: bnews.kz. سۋرەت: z-taraz.kz.