وڭتۇستىكتە ەسىرتكى تاسىمالداپ جۇرگەن توپ ۇستالدى

شىمكەنت. 17 ناۋرىز. وڭتۇستىكتىڭ پوليتسەيلەرى ەسىرتكى تاسىمالداپ جۇرگەن توپتى ۇستادى. بۇل تۋرالى وقو ءىىد-ءى دەرەگىنە سۇيەنگەن egemen.kz ءتىلشىسى حابارلادى. ولار تۇلكىباس اۋدانىنىڭ تاس جولىندا ۆاز-21099 كولىگىن توقتاتقان. سالوندا وتىرعان جەرگىلىكتى ءۇش ازاماتتىڭ ەسىرتكى ساتۋمەن اينالىساتىندىعى تۋرالى اقپارات راسقا اينالدى. ماشينادان ماريحۋانا تەكتەس 500 گراممنان اساتىن ەسىرتكى وسىمدىگى تابىلعان. جالپى, بۇل توپتىڭ ەسىرتكى ساتۋداعى شاتاعى مۇنىمەن شەكتەلمەيدى ەكەن. كۇدىكتىلەرىنىڭ ءبىرىنىڭ ايەلى دە ساۋداعا قاتىسى بارى انىقتالىپ, ءۇيىن تىنتكەندە 5 كەلى ەسىرتكى تەكتەس وسىمدىك ءشوبى تابىلعان. تەرگەۋ بارىسىندا كۇدىكتىلەر ەسىرتكى ءشوبىن جامبىل وبلىسىنىڭ اۋماعىنان اكەلىپ ساتاتىندىقتارىن مويىندادى. وسىعان وراي ولارعا قىلمىستىق كودەكستىڭ 297 (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) جانە 262-بابىمەن (ۇيىمداسقان توپ, قىلمىستىق ۇيىم قۇرۋ جانە ولارعا باسشىلىق ەتۋ, قاتىسۋ) ءىس قوزعالدى. كۇدىكتىلەر قاماۋدا. سوتقا دەيىنگى تەرگەۋ جۇمىستارى جۇرگىزىلۋدە. جىل باسىنان بەرى وقو ىشكى ىستەر دەپارتامەنتى ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى زاڭسىز اينالىمداعى شامامەن 16,5 كەلى ەسىرتكى زاتىن, ونىڭ ىشىندە شامامەن 160 گر گەروين ەسىتكى زاتىن تاركىلەدى. باقتيار تايجان. دەرەك, سۋرەت: egemen.kz