تاتۋلىقتى تۋ ەتكەن كەرۋەن تارازعا تابان تىرەدى

شالعاي اۋىلدارداعى حا­لىق­قا ءتۇرلى كومەك كورسەتۋ ماق­ساتىندا جولعا شىققان «ماڭگىلىك ەل» الەۋمەتتىك پويىزى جامبىل جەرىندەگى ساپارىن سارىسۋ اۋدانىنان باستادى. العاشقى كۇنى اۋدان حالقىنا جولداۋدىڭ نەگىزگى ەرەجەلەرىن ءتۇسىندىرىپ, «ماڭگىلىك ەل» ۇلتتىق يدەياسىن كەڭىنەن ناسيحاتتاۋ جۇمىستارى جۇرگىزىلدى. سونداي-اق, جاڭاتاس قالاسىندا ءتۇرلى مادەني ءىس-شارالار ۇيىم­داس­تىرى­لىپ, الەۋمەتتىك قىزمەت­تەردىڭ, دەنساۋلىق ساقتاۋ, ءبىلىم بەرۋ, ادىلەت جانە بانك وكىلدەرى جەرگىلىكتى حالىققا كونسۋلتا­تسيالىق قىزمەتتەر كورسەتتى. ال سارسەنبىنىڭ ءساتتى كۇنى اۋليەاتا جۇرتشىلىعى كەلگەن قوناقتاردى تاراز تەمىرجول ۆوكزالىندا قازاقى داستۇرمەن ەرەكشە كۇتىپ الدى. كيەلى تاراز شاھارى بۇل پويىزدىڭ تابان تىرەگەن 31-بەكەتى ەكەن. – ساپارىن استانا قالا­سىنان باستاعان بۇل كەرۋەن ءوڭىر­دەگى ەلدى مەكەندەردى ارالاپ, تاۋەلسىز ەلىمىزدىڭ قول جەتكىز­گەن جەتىستىكتەرىن ايشىقتاپ, حالىق­تىڭ بىرلىگىن نىعايتۋعا ءوز ۇلەس­تەرىن قوسىپ كەلەدى, – دەگەن تاراز قالاسىنىڭ اكىمى نۇرجان كالەن­دەروۆ كەلۋشىلەردىڭ جۇمى­سىنا ساتتىلىك تىلەدى. «ماڭگىلىك ەل» الەۋمەتتىك پويىزى شتابى­نىڭ باسشىسى ءامىرجان الپەيى­سوۆ بيىلعى جىلدىڭ تاريحي جىل ەكەندىگىن, ونىڭ ىشىندە ەل تاۋەلسىزدىگىنىڭ 25 جىلدى­عى­نىڭ ەرەكشە اتالىنىپ وتىلەتىن­دىگىن تىلگە تيەك ەتىپ, باسقا وب­لىستاردىڭ جامبىل جەرىنە جول­داعان ىستىق سالەمىن جەتكىزدى. قۇرامىندا ءار سالانىڭ قۇزىر­لى وكىلدەرى بار بۇل دەلەگاتسيا حالىقپەن ديدارلاسىپ, ولاردىڭ ماسەلەلەرىنە قۇلاق اسىپ, ساپار باستالعالى بەرى 40 مىڭنان استام كە­ڭەس بەرىپتى. قارجى سالا­سىن­­­دا­عى قوردالانعان كەدەر­گى­لەرگە قا­تىستى كەلەلى كەڭەس­تىڭ ءبىرى جام­­بىل وبلىسى اكىم­دىگىن­دە ءوتتى. قارجى مي­نيستر­لىگى مەم­لە­كەت­تىك ساتىپ الۋ كو­مي­تەتىنىڭ تاپ­سى­رىس بەرۋ­شى­لەر مەن جۇمىس ءجونىن­دەگى باسقارماسىنىڭ باسشىسى بەر­لىباي ارىسباەۆ جانە اتال­عان مينيسترلىككە قاراستى مەم­لەكەتتىك م ۇلىك جانە جەكە­شە­لەندىرۋ كوميتەتىنىڭ ءتور­اعا كەڭەسشىسى نۇرماحان ءابۋ­­قاسىم ۇلى مەملەكەتتىك ساتىپ الۋ ماسەلەسىنە قاتىستى شەشىمىن تاپپاي وتىرعان جاعدايلار مەن جاڭا زاڭناماداعى بىرقاتار وزگەرىستەردى كەڭىنەن ايتىپ ءوتتى. جيىن بارىسىندا جەرگىلىكتى ماماندار «ۆەب-پورتال جۇمى­سى­نىڭ تەحنيكالىق قىز­مەتى­مەن حابارلاسۋ مۇمكىن ەمەس. پورتالعا سالىنعان كەلىسىم­شارت­تار تالاپقا ساي بولسا دا, قازىناشىل ورىندار وزگەر­تۋدى تالاپ ەتۋدە. بۇل ءبىز ءۇشىن ەكى جۇمىس بولىپ وتىر» دەگەن ورىندى سۇراق قويدى. «كەم­شىلىكتەردىڭ بارلىعى ۋا­قىتشا. كەلىسىمشارت ۆەب-پور­تالعا 5 جۇمىس كۇنىندە ورنالاستىرىلۋى كەرەك. مەم­لەكەتتىك ساتىپ الۋ زاڭى بو­يىنشا 3 جاعدايدا شارت جاسالدى دەپ سانالادى. ءبىرىنشىسى – قول قويىلعان كۇن­نەن باس­تاپ. ەكىنشىسى – قام­تاماسىز ەتۋ سوماسىن 10 كۇن ىشىندە ەنگىزگەننەن باستاپ, ال, ءۇشىنشىسى – تىركەۋدەن وتەتىن شارت بولسا عانا ول كەلىسىم ىسكە قوسىلادى. تىكەلەي شارت جاساسۋ مەن ءبىر كوزدەن الۋ ءتاسىلى قول­­دانىلعان جاعدايدا ەسەپ ءوت­كى­زىلەدى دەپ زاڭدا جازىلعان. ال قا­عيدادا وتپەي قالعان كونكۋرس­تار بويىنشا دەپ كەرىسىنشە كور­­سەتىلگەن. شىن مانىسىندە, زاڭ ءاردايىم جوعارى تۇرادى. ءبى­راق, قاعيدانى دا ەسەپكە الا وتى­رىپ ەكەۋى بويىنشا تولتىرا بە­رى­ڭ­ىزدەر. بۇل جىل باسىنان بەرى كوتەرىلىپ جانە ونىڭ شە­ش­ى­مىن تابۋدىڭ سان جولدارى قا­راس­­تى­رىلىپ جاتقان ماسەلە», – دەپ جاۋاپ قاتتى بەرلىباي ەرگەنباي ۇلى. بۇدان كەيىن «ماڭگىلىك ەل» الەۋمەتتىك پويىزىنىڭ دەلەگاتتارى وبلىستاعى ەتنومادەني بىرلەستىكتەردىڭ ورتاق شاڭى­را­عى­نا اينالعان «دوستىق» ءۇيى­نە باس سۇعىپ, «ەل بىرلىگى – ىن­­­­­تى­­­­ماقتا» تاقىرىبىندا ۇيىم­­­­داس­­تىرىلعان عىلىمي-ءتا­جى­­ري­­بەلىك كونفەرەنتسيانىڭ جۇ­­­­مى­سىنا قاتىستى. قحا ءمۇ­شەس­ى, استانا قالاسى قوعام­دىق كە­ڭە­سىنىڭ مۇشەسى, پروفەس­سور قازبەك قازكەنوۆ ءتۇرى باس­قا بولسا دا, ءتى­لەگى ءبىر وتان­داس­تارى­­مىزدىڭ باس­تى بايلىعى مەم­لەكەتىمىزدىڭ مىزعىماس بىرلىگى ەكەنىن باسا ايتتى. – قازاقستاندىقتار جەر بە­تىن مەكەندەگەن ەشبىر حالىق­تان كەم ەمەس. كەڭ-بايتاق دا­لا­مىزدىڭ پەرزەنتتەرى كۇل­لى الەمدى بويلارىنداعى با­تىل­دىعىمەن, ساف ونەرىمەن الدە­قا­شان مويىنداتىپ قويعان. ماسەلەن, جاۋجۇرەك باتىرلارى­مىز راقىمجان قوشقارباەۆ, باۋىر­جان مومىش ۇلى, تالعات بي­گەل­دينوۆپەن كەۋدە كەرىپ ماقتان­­ساق, كومەيلەرىنە بۇلبۇل قۇس ۇيا سالعان انشىلەرىمىز امىرە قا­­شاۋباەۆ, روزا باعلانوۆا, ءبيبى­گۇل تولەگەنوۆانىڭ ونەر­لەرىنە قانشاما ءدۇيىم جۇرت قول سوقتى دەسەڭىزشى! بۇگىندە قازاق جەرىنەن شىققان داڭقتى بوكس­شىمىز گەننادي گولوۆكيننىڭ ەرلىگى كوپ جاستارىمىزعا ۇلگى, – دەدى قازبەك مايلىباي ۇلى. ال, قاراشاي-بالكار ەتنومادەني ءبىر­لەستىگىنىڭ ءتورايىمى ليۋد­مي­لا حوچيەۆا ءاربىر قازاق­ستان­دىق ازامات ايرانداي ۇيىپ وتىرعان ەلىمىزدىڭ بەيبىت تىرلىگىن كوز­دەرى­نىڭ قاراشىعىنداي ساق­تاۋ­عا جانە بىرلىگىمىزدىڭ ىدى­راماۋى­نا جاۋاپتى ەكەنىن العا تارتتى. قوناقتار ستۋدەنتتەرمەن ءجا­نە جۇمىسشىلارمەن كەزدە­سىپ, ءبىلىم بەرۋدى دامىتۋ, دەن­ساۋ­لىق ساقتاۋ ماسەلەلەرى بويىن­شا اقىل-كەڭەستەر بەردى. جانە وبلىستىق شوقان ءۋالي­حانوۆ كى­تاپحانا جۇيەسىنە قۇن­دى كىتاپ­تار تارتۋ ەتىپ, سوڭىنان ءوڭىر تۇر­­عىندارىن جەكە ماسە­لەلەرى بويىن­­شا قوعامدىق قابىلداۋ وتكىزدى. ورالحان ءداۋىت, «ەگەمەن قازاقستان». جامبىل وبلىسى.