استاناداعى العاشقى كونتسەرت

مايرا مۇحامەدقىزى سۇيىكتى حالقىنا ءان شىرقاپ بەرەدى مايرا مۇحامەدقىزى بەيجىڭ, گونكونگ, پاريج, ىستامبۇل, دەلي, سەۋل جانە الەمنىڭ باسقا دا كوپتەگەن قالالارىنىڭ ايگىلى ساحنالارىندا ءان شىرقاعان ونەر جۇلدىزى. 22 ناۋرىزدا وپەرا ءانشىسى قازاقستاندىقتار الدىندا ونەر كورسەتەدى. مايرانىڭ ايتۋىنشا, ونىڭ جۇرەگى مەن جان دۇنيەسى سۇيىكتى حالقىنا تيەسىلى. «شىرقار ءانىم – استانا كوكتەمى» اتتى عاجاپ كونتسەرت «استانا وپەرا» تەاترىنىڭ ۇلكەن زالىنىڭ ساحناسىندا وتەدى. قازاقستاننىڭ ەڭبەك ءسى­ڭىرگەن ءارتىسى, پ.چايكوۆ­سكي اتىنداعى حI حالىق­ارالىق كونكۋرستىڭ جە­ڭىم­پازى, مەم­لەكەتتىك سىي­لىقتىڭ لاۋ­رەا­تى مايرا مۇحامەدقىزى ءوزىنىڭ دوس-جاراندارى مەن ارىپتەستەرى: قازاقستاننىڭ ەڭبەك سىڭىرگەن قايراتكەرى, تاتارستاننىڭ ەڭبەك سىڭىرگەن ءارتىسى نۇر­لان بەكمۇحامبەتوۆ (تەنور), قازاقستاننىڭ ەڭبەك سىڭىرگەن قايراتكەرلەرى: دي­نا حامزينا (مەتستسو-سوپرانو), مەدەت شوتاباەۆ (تە­نور), سۇندەت بايعوجين (با­ريتون), سونىمەن قاتار رام­زات بالاكىشيەۆ (تەنور), تالعات عالەەۆپەن بىرگە (باريتون) اريالار, دۋەتتەر ءجا­نە قازاقتىڭ حا­لىق اندەرىن ورىندايدى. كونتسەرتكە بالەت ارتىستەرى, «استانا وپەرا» حورى مەن سيمفونيالىق ور­كەسترى قا­تىسادى. ديريجەر – قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ, باس حورمەيستەر – قازاقستاننىڭ ەڭبەك سىڭىرگەن قايراتكەرى ەرجان ءداۋىتوۆ. – مەن ساحنادا 20 جىل ءان شىرقاپ كەلەمىن. بۇگىندە ارمانداعان رولدەرىمنىڭ بارلىعىن ورىنداپ شىقتىم. دەگەنمەن مەندە تاعى ۇلكەن ارمان بار, ول – كوۆەنت-گاردەن, مەتروپوليتەن-وپە­را تەاتر­لارىندا ونەر كورسەتۋ. بۇل كونتسەرت – شى­عارماشىلىقتى قورى­تىندىلاۋ ەمەس, تەك جاڭا بەلەستىڭ باستاۋى. قازاق­ستان رەسپۋبليكاسىنىڭ پرە­زيدەنتى نۇرسۇلتان نازار­باەۆ سىيلاعان تاماشا «اس­تانا وپەرا» تەاترىندا مەنىڭ ەكىنشى تىنىسىم اشىل­عانداي. 22 ناۋرىزدا مەن ءوز حالقىما جاڭا ۇجىم­مەن بىرلەسىپ دايىنداعان باع­دارلامانى ۇسى­نامىن. كونتسەرتكە داي­ىن­­دىق كەزىندە ءبىز كون­تسەرت­مەيستەرىم ەلەنا ساح­نو­مەن كوپ جانە تاباندى جۇ­مىس ىستەدىك, ۆوكالدىق شە­بەرلىكتى ۇشتاپ, كەيبىر ەرەك­شەلىكتەرىن جاقسىلاپ پىسىقتادىق. وسى كەشتەن تىڭدارمان ناعىز ءلاز­زات ال­عانىن قالايمىن, – دەيدى مايرا مۇحا­مەدقىزى. «ەگەمەن-اقپارات».