رەسپۋبليكا بويىنشا 600-گە جۋىق بويجەتكەن قاتىسۋعا نيەت بىلدىرگەن «قازاق ارۋى – 2016» بايقاۋى كەشە ءوز مارەسىنە جەتتى. ەلىمىزدىڭ تۇكپىر-تۇكپىرىنەن تاڭدالعان 21 بويجەتكەن باعىن سىناپ, بارىن سالدى.
بەلگىلى پروديۋسەر بايان ەسەنتاەۆانىڭ باستاماسىمەن التىنشى جىل قاتارىنان ۇيىمداستىرىلىپ وتىرعان «قازاق ارۋى» بايقاۋىنا كورىك-كەلبەتى مەن اقىلى ۇيلەسكەن سۇلۋ قىزدار قاتىستى. ولاردىڭ ارقايسىسى سۇلۋلىق پەن تاربيەنى بويىنا قاتار ءسىڭىرىپ, حالقىمىزدىڭ اسىل قۇندىلىقتارىن ارداقتاي بىلگەن ارۋلار.
ۇمىتكەرلەردىڭ ىشىندە بىرەۋىنىڭ ءانى, بىرەۋىنىڭ ءسانى باسىم ءتۇسىپ جاتتى. وڭتۇستىك وڭىرىنەن كەلگەن قازىنا ابدراحماننىڭ اعىلشىن ءتىلىندە شىرقاعان اسەم ءانى كوپشىلىكتىڭ كوڭىلىن باۋراپ الدى. سونىمەن, اقمولا, قاراعاندى جانە وڭتۇستىك قازاقستان وبلىستارىنىڭ نامىسىن قورعاپ كەلگەن 21 ۇمىتكەردىڭ ىشىنەن اقتىق كەزەڭدە الميرا احاتوۆانىڭ باعى جانىپ, «قازاق ارۋى – 2016» اتاعىن ەنشىلەدى. ءوزىنىڭ سىمباتىمەن دە, ونەرىمەن دە وزگەلەردەن وزىق كورىنگەن الميراعا «Kazyna Gold» زەرگەرلىك كومپانياسى ۇسىنعان ءتاج تارتۋ ەتىلدى.
پارلامەنت سەناتىنىڭ دەپۋتاتى ءبىرعانىم ءايتىموۆا, بەلگىلى تەلەجۇرگىزۋشى ايگۇل مۇكەي, وتاندىق وپەرا جۇلدىزى مايرا مۇحامەدقىزى, ديزاينەر ايدا قاۋمەنوۆا, اقىن نەسىپبەك ايت ۇلى, «حابار» تەلەارناسىنىڭ باعدارلامالار ءوندىرىسى ديرەكتسياسىنىڭ باس پروديۋسەرى رينات كەرتاەۆ, استانا قالاسى مادەنيەت باسقارماسىنىڭ باستىعى بولات ماجاعۇلوۆ, «قازاق ارۋى-2014» بايقاۋىنىڭ جەڭىمپازى گۇلناز جولانوۆا, بايقاۋدىڭ اۆتورى ءارى باس پروديۋسەرى بايان ەسەنتاەۆا قازىلىق ەتكەن بيىلعى بايقاۋ جوعارى دەڭگەيدە ءوتتى دەسەك بولادى.
راۋان قايدار,
«ەگەمەن قازاقستان».
سۋرەتتەردى تۇسىرگەن
ەرلان وماروۆ.
