عالىمدار جاساندى كوز تىندەرىن جاساپ شىعاردى

استانا. 12 ناۋرىز. انگليانىڭ كارديفف جانە جاپونيانىڭ وساكا ۋنيۆەرسيتەتتەرىنىڭ عالىمدارى ءۇشىن ادامنىڭ ستۆول جاسۋشالارىنان كوزدىڭ كوپ قاباتتى تىندەرىن ءوسىرىپ شىعارۋدىڭ ورايى كەلدى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى. تاجىريبە بارىسىندا اتالعان تىندەر جانۋارلارعا سالىپ كورىلگەن. ناتيجەسىندە كوزدىڭ الدىڭعى قاباتى مەن قاراشىعىن قالپىنا كەلتىرۋگە بولاتىنىنا كوز جەتكىزىلگەن. عالىمدار بۇدان بۇرىن لابوراتوريا جاعدايىندا كوزدىڭ ىشكى تور قابىعى مەن مۇيىزگەك قابىعىن ءوسىرىپ شىعارۋعا قول جەتكىزگەن ەدى. الايدا, ولار قازىر ودان دا تەرەڭگە بويلاپ, كوزدىڭ ىشكى تور قابىعىنان, كوزدىڭ مۇيىزگەك قابىعىنان جانە كوزدىڭ شىرىقتى قابىعىنان تۇراتىن كۇردەلىرەك قۇرىلىمدى جاساپ شىعارىپ وتىر. جاساندى «كوز» زەرتتەۋ شەڭبەرىندە كوزدىڭ مۇيىزگەك قابىعى قولدان سوقىر ەتىلگەن كروليكتەرگە سالىنعان. ترانسپلاتاتسيا ولاردىڭ قايتادان كورىپ كەتۋلەرىنە جاعداي تۋعىزعان. جاڭالىقتىڭ ەندريۋ كۋاتوك باستاعان اۆتورلارى وسى ەكسپەريمەنتتەردىڭ ءوزى ادامدار اراسىندا سوقىر بولىپ قالعانداردى جازىپ جىبەرۋگە تولىق مۇمكىندىك بەرەتىنىن ايتادى. تالعات رايىمبەك. دەرەك: ras.kz. سۋرەت: anabol.kz.