ەكى ەل ىنتىماقتاستىعى ارتا تۇسپەك

كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ استانادا قازاقستان رەسپۋبليكاسى مەن وزبەكستان رەسپۋبليكاسى اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ 15-ءشى وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. وزبەكستاندىق دەلەگاتسيانى وزبەكستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى – قارجى ءمينيسترى رۋستام ازيموۆ باسقاردى. وتىرىس بارىسىندا ءوزا­را تاۋار­لار جەتكىزۋدە ونىڭ ءتۇر­لەرىن ۇلعايتۋعا قاتىستى ساۋدا-ەكونوميكالىق ىنتىماق­تاستىق ماسەلەلەرى, ەكى ەلدىڭ ەنەرگيا جۇيەلەرىنىڭ تۇراقتى جۇمىسىن قامتاماسىز ەتۋ ماسەلەلەرى تالقىلاندى. كولىك سالاسىندا تاراپتار اۆتوموبيل, تەمىرجول جانە اۋە قاتىناسىن دامىتۋ ءۇشىن كۇش-جىگەر جۇمساۋعا ۋاعدالاستى. ونىڭ سىرتىندا سىرتقى ىستەر مينيسترلىگى اراسىندا كەلىسىم­شارت­تىق-قۇقىقتىق بازانى ۇلعاي­تۋ ماسەلەلەرى بويىنشا كونسۋلتاتسيالار وتكىزىلدى. كەزدەسۋ بارىسىندا باقىتجان ساعىنتاەۆ پەن رۋستام ازيموۆ تاۋارلار مەن قىزمەتتەر ساۋداسى, مۇناي-گاز سەكتورى, كولىك, تۋريزم سياقتى باسىمدىققا يە سالا­لار­داعى مەملەكەتتەردىڭ ىنتىماق­تاستىعىن ودان ءارى جالعاستىرۋعا دەگەن نيەتتەرىن ءبىلدىردى.