ماقسات – ادامدار جۇرەگىنە جول تابۋ

قازاقستان كوممۋنيستىك حالىق پارتياسىنىڭ (قكحپ) سايلاۋالدى شتابىنىڭ بەلسەندىلەرى تالدى­قور­عان قالاسىندا كەزەكتى ءىس-شارالارىن وتكىزدى. ولار جەر­گىلىكتى جۋرناليستەردى وبلىستىق فيليالدىڭ كەڭسەسىنە شاقىرىپ, ۇگىت-ناسيحات جۇمىستارىنىڭ جۇرگىزىلۋ بارىسىمەن تانىستىردى. بۇل اكتسيانى كوممۋنيستەر «ەسىكتەن ەسىككە دەيىن» دەپ اتادى. جۋرناليستەر الدىندا قكحپ اتىنان ءماجىلىس دەپۋتاتتىعىنان ۇمىتكەرلەر قاتارىندا تىزىمگە ەنگىزىلگەن ساۋلە باعيروۆا سويلەپ, ايماقتاعى ۇگىت-ناسيحات جۇمىسىنىڭ بارىسىمەن تانىستىردى. بۇگىنگى تاڭدا ۇگىت-ناسيحات جۇمىستارىنىڭ 20 كۇنى ارتتا قالدى. ءبىز ءوز جۇمىسىمىزدىڭ بارىسىندا پارتيانىڭ رەسپۋبليكالىق شتابى جىبەرگەن بارلىق ناسيحات قۇرالدارىن سايلاۋشىلار نازارىنا جەتكىزۋدەمىز. پارتيانىڭ جاس بەلسەندىلەرى پوشتا جاشىكتەرىن عانا پايدالانىپ قويماي, ۇگىت-ناسيحات پاراقشالارىن تۇرعىنداردىڭ ەسىگىنە دەيىن جەتكىزىپ, قولدارىنا ۇستاتىپ كەتۋدە. بۇگىنگى اكتسيامىزدى «ەسىكتەن ەسىككە دەيىن» دەپ اتاپ وتىرعان سەبەبىمىز: سول جۇمىستارىمىزدى كورسەتۋ ەدى, دەدى س.باعيروۆا. سونداي-اق, ۇگىت-ناسيحات جۇمىس­تارىن جۇرگىزۋگە وبلىستىق پارتيا فيليا­لىنىڭ بەلسەندىلەرىمەن قاتار, اۋىل­دىق اۋداندارداعى كوميتەتتەردىڭ بەل­سەندىلەرى دە جۇمىلا كىرىسكەنى جەتكىزىلدى. ولار ءاربىر ۇيگە دەيىن كىرىپ, سايلاۋشىلارمەن ەمەن-جارقىن اڭگىمەلەسىپ, كوممۋنيستىك پارتيا باعدارلاماسىنىڭ وزىقتىعىن, ونىڭ قاراپايىم حالىقتىڭ مۇددەسىن قولداۋدى ءوزىنىڭ باستى ماقساتى ەتىپ العانىن تۇسىندىرەدى ەكەن. كۇن سايىن بەلسەندىلەرىمىز 150 پاتەردىڭ ەسىگىن قاعىپ, جۇزدەگەن اۋلالارعا كىرىپ, ۇگىت-ناسيحات پاراقشالارىن تاراتۋدا. ونىڭ ۇستىنە, رۇقسات ەتىلگەن بارلىق تاقتايلار مەن قابىرعالارعا كەم دەگەندە 100 ناسيحات قۇرالىن جاپسىرامىز. وبلىس پەن اۋدان ورتالىقتارىندا پارتيانىڭ بيلبوردى دا ءىلىنىپ, كورگەن ادامنىڭ كوزىن تارتىپ تۇر, دەدى ساۋلە باعيروۆا ءسوزىنىڭ سوڭىندا. ودان كەيىن جۋرناليستەردى تال­دى­قورعان قالاسىنىڭ كوشەلەرىمەن وبلىس­تىق پارتيا كوميتەتىنىڭ ەكىنشى حاتشىسى ولجاس ىبىرايىموۆ الىپ ءجۇردى. ول جۋرناليستەرگە پارتيا بەلسەندىلەرى جۇمىستارىنىڭ ناتيجەلەرى رەتىندە ۇگىت-ناسيحات قۇرالدارىنىڭ بارلىق جەردە جارقىراپ تۇرعانىن كورسەتتى. ءبىزدىڭ بەلسەندىلەرىمىزدىڭ الدىندا ەندى شامالى عانا تۇرعىن ۇيلەردى ارالاپ شىعۋ مىندەتى تۇر. وسى ىستەر اتقارىلسا, قالا مەن اۋدان سايلاۋشىلارىنىڭ ءبارى دە قكحپ ناسيحاتىمەن تەگىس تانىس بولادى, دەدى ول جۋرناليستەرگە. قكحپ وبلىستىق فيليالى بەل­سەن­دى­لەرىنىڭ زاڭمەن رۇقسات ەتىلگەن شەڭبەردە شەبەر جۇمىس ىستەپ جاتقاندارى تال­دى­قور­عاننىڭ بارلىق جەرىندە مەنمۇندالاپ تۇردى. جاقسىباي سامرات, «ەگەمەن قازاقستان». الماتى وبلىسى.