ەلەكتوراتقا قاشاندا تىنىشتىق قىمبات

ۇلتتىق كىتاپحانا عيماراتىندا سايلاۋدى بايقاۋ ءجونىن­دەگى رەسپۋبليكالىق قوعامدىق كوميسسيا (سبرقك) جۋرناليس­تەرگە ارناپ بريفينگ وتكىزدى. سبرقك توراعاسى نۇرلان ەرىم­بەتوۆ كوميسسيا مۇشەلەرىنىڭ وبلىس جانە اۋدان ورتالىقتارىنا, شال­عايداعى اۋىلدارعا بارىپ, ساپار بارىسىندا جەرگىلىكتى پارتيا ۇيىمدارىنىڭ جەتەكشىلەرىمەن, كانديداتتارمەن, سايلاۋشىلارمەن كەزدەسۋلەر وتكىزگەنىن, ارىپتەستەرىنىڭ قو­عامنىڭ كوڭىل كۇيىن بايقاپ, ۇسى­نىستار مەن ەسكەرتۋلەردى تىڭ­داۋ ماق­­سا­تىندا سا­پارعا شىققانىن, ەندى سولاردىڭ بىرقاتارىنىڭ قاتىسۋىمەن وسى بريفينگكە جينالىپ وتىرعانىن ايتىپ, ولاردىڭ ارقايسىسىنان كورگەن-بىلگەندەرىمەن ءبولىسۋدى سۇرادى. اقتوبە وبلىسىنا بارىپ ءوز ميسسياسىن اتقارعان كوميسسيا مۇشەسى ءادىل احمەتوۆ بارلىق پارتيالاردىڭ شتاب-پاتەرلەرىندە بولىپ, ولاردا سايلاۋعا قاتىستى شارالاردىڭ قالاي ءجۇرىپ جاتقانىن بايقاعانىن ايتا كەلىپ: «حالىقتىڭ سايلاۋعا دەگەن كوڭىل كۇيى دۇرىس. شتابتاردا وتىرعان وكىلدەرىنىڭ دە كوزقاراستارى وتە جاقسى. بىزگە ۋكراينا, تاياۋ شى­عىستاعى سياقتى جاعداي كەرەك ەمەس, تىنىشتىق پەن بىرلىك كەرەك, تەك سونىڭ ارقاسىندا دامىپ وركەندەيمىز, دەدى كوممۋنيستەردىڭ شتابىنداعى وكىل. بارلىق پارتيا وكىلدەرىنىڭ ايتاتىنى وسى. وسىدان 10-20 جىلداعىداي ەمەس, ەلىمىزدە قازىر سايلاۋ مادەنيەتى الدەقايدا ءوستى. حالىق اقىلدى, كوز­دەرى اشىق, كوكىرەكتەرى وياۋ ولار جەكە ادامدارعا ەمەس, پارتيالاردىڭ تۇجىرىمدامالارىنىڭ قايسى ءوز كوڭىلىندە ماڭىزدى ورىن الادى, سول پارتياعا داۋىستارىن بەرەدى», – دەسە, كامال بۇرحانوۆ وڭتۇستىك قا­زاقستان وبلىسىندا بولعان كەزىندە بارلىق پارتيالاردىڭ بەلسەندى جۇمىس ات­قارىپ جاتقانىن باعامداعانىن, سايلاۋ جونىندە ەشبىر زاڭ بۇزۋشىلىق جوق­تىعىن, ۋچاسكەلەردە تىزىمدەردىڭ وتە ءبىر جاۋاپتىلىقپەن جاسالىپ جاتقانىن جەتكىزدى. بريفينگتى قورىتىندىلا­عان سايلاۋدى بايقاۋ جونىندەگى رەس­پۋبليكالىق قوعامدىق كوميسسيا توراعاسى نۇرلان ەرىمبەتوۆ سوڭعى كەزدە تمد بايقاۋشىلارىمەن پىكىر الماسقانىن, تاياۋ ۋاقىتتا شىۇ باي­قاۋشىلارىمەن كەزدەسەتىنىن, سونداي-اق, الداعى كەزدە وزگە دە ۇيىم­داردىڭ وكىلدەرىمەن پىكىر الماسۋ بولاتىنىن اتاپ ءوتىپ, بۇگىندە سايلاۋشىلاردىڭ الداعى سايلاۋعا قاتىسۋعا بەلسەندى نيەت تانىتۋلارىنا باسا نازار اۋدارىپ, داۋىس بەرۋگە قاتىسۋ وتە جوعارى دەڭگەيدە بولادى دەپ كۇتىلۋدە دەگەن ويىن جەتكىزدى. جانە ول بۇل پىكىردى ايتۋىنا سايلاۋ­شىلارمەن بولعان كەزدەسۋ كەزىندە قالىپتاسقان اسەر نەگىز بولعانىنا توقتالدى. «ءبىز ءۇشىن ەڭ باستىسى – سايلاۋ كۇنى زاڭ بۇزۋشىلىقتارعا جول بەرمەۋ. سوندىقتان دا ناسيحات جۇمىستارى ءتيىستى دەڭگەيدە ءجۇرىپ جاتىر, ياعني اقپاراتتىڭ بارلىعى ادامدار ءۇشىن قولجەتىمدى. قانداي دا ءبىر زاڭ بۇزۋشىلىقتار مەن كەمشىلىكتەر انىقتالعان جاعدايدا پروكۋراتۋرا ورگاندارىنا حابارلانادى», – دەدى ن.ەرىمبەتوۆ. جۋرناليستەر قويعان ساۋال­دارعا جاۋاپ بەرگەن بريفينگكە قاتىسۋشىلار ۇمىتكەرلەر اراسىن­دا تانىمال سپورتشىلار مەن ءارتىس­تەردىڭ بولۋىنا قاتىستى جۇرتشىلىق سىزدەرمەن كەزدەسۋلەردە نە ايتتى دەگەنگە: «مەنىڭ كەز­­دەسۋلەرىمدە, پىكىر الماسۋلاردا بۇل تاقىرىپ قوزعالعان جوق. ياعني, قاراپايىم ادامداردى تىزىمدەگى ءانشى نەمەسە سپورتشىنىڭ تانىمالدىلىعى اسا تول­عاندىرمايدى. ولار ءۇشىن پار­تيانىڭ باعدارلاماسى ماڭىزدى. كانديداتتار تانىمال بولعاندىقتان ەمەس, وزدەرىن قالىپتاستىرىپ, ەڭبەك ەتكەندەرى ءۇشىن ىرىكتەلدى. اتاپ ايت­قاندا, تامىر-تانىستىقپەن الەم چەمپيونى, ءىرى بايقاۋدىڭ لاۋرەاتى اتانۋ مۇمكىن ەمەس. ولار وسى جولدا وزدەرىنىڭ كۇش-جىگەرىمەن ءوتىپ, بەلەستەردى باعىندىردى. مەن ءۇشىن بۇل ادامداردىڭ ءوز سالاسىنداعى ءما­سە­لەنى ەگجەي-تەگجەيلى ءبىلۋى وتە ما­ڭىزدى», – دەپ جاۋاپ بەردى ن.ەرىمبەتوۆ. انار تولەۋحانقىزى, «ەگەمەن قازاقستان». استانا.