وڭىردەگى وڭ وزگەرىستەر ساراپتالدى

تالدىقورعاندا «ستراتەگيا kz» قوعامدىق گۋمانيتارلىق قورىنىڭ ۇيىمداستىرۋىمەن «ايماقتىق دامۋدىڭ ارتىقشىلىقتارى: جاڭا مىندەتتەر مەن باعىتتار» دەگەن تاقىرىپتا ايماقتىق ساراپشىلار فورۋمى بولىپ ءوتتى. وعان ەلىمىزدەگى جەتەكشى ساراپشىلار, ساياساتكەرلەر مەن قوعام قايراتكەرلەرى قاتىستى. فورۋمدى قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ الماتى قالا­سىنداعى وكىلدىگىنىڭ باسشىسى ءمادينا نۇر­عاليەۆا اشىپ, جۇرگىزىپ وتىردى. دوڭگەلەك ۇستەل باسىندا وبلىستىق اۋىل شارۋاشىلىعى باسقارماسىنىڭ, وبلىستىق ەكونوميكا جانە بيۋدجەتتى جوس­پارلاۋ باسقارماسىنىڭ, وبلىستىق تۋريزم باسقارماسىنىڭ قىزمەتكەرلەرى ەسەپتى بايان­دامالار جاسادى. اگرارلى وبلىس بولعاندىقتان, اۋىل شارۋاشىلىعى سالاسى جاقسى دامىپ كەلە جاتقاندىعى ناقتى فاك­تىلەر كەلتىرىلە ايتىلدى. باستى ۇستانىم – ينۆەستيتسيا تارتۋ ارقىلى مال تۇقىمىن اسىلداندىرۋعا نازار اۋدارۋ. وڭىردە قانت قىزىلشاسىن وسىرۋگە ەرەكشە ەكپىن بەرىلىپ, ءتاتتى ءتۇبىر وسىرۋگە مەملەكەت تا­راپىنان ميل­­ليونداپ قاراجات ءبولى­نىپ وتىرعانى دا اتاپ كورسەتىلدى. كوك­ونىس ءوسىرۋ جايىنا كەلسەك, جىلىنا جە­تىسۋ جەرىنە قىتايدان 20 مىڭ توننادان استام الما تاسىلىپ, ساۋدالانادى ەكەن. وسى پروبلەمادان شىعۋ­دىڭ ءبىر جو­لى ەڭبەكشىقازاق, ۇيعىر اۋداندارىندا ين­تەنسيۆتى باقتار اۋماعىن كە­ڭەيتۋ قا­جەت­تىلىگى ساراپشىلار تاراپىنان تاپتىشتەلدى. وڭىردە كاسىپكەرلىكتى دامىتۋ ارقىلى اۋىل شارۋاشىلىعى ونىمدەرىن قايتا وڭدەۋ زاۋىتتارىن كوبەيتۋ, تابيعات-انا­نىڭ تەڭدەسسىز سىيىن ءتيىمدى پايدالانىپ, ءتۋريزمدى وركەندەتۋ سەكىلدى ءومىر­لىك قاجەتتىلىكتەردى وتەۋ ارقىلى كىرىس كوزىن اشۋ تۇرعىسىندا ۇلتتىق زەرتتەۋلەر ينستيتۋتىنىڭ ديرەكتورى ءبورىحان نۇرمۇحامەدوۆ, «التەرناتيۆا» وزەك­تى زەرتتەۋلەر ورتالىعىنىڭ ديرەكتورى ان­د­رەي چەبوتارەۆ, «ەۋرازيا الەمى» قوعامدىق قورىنىڭ باسشىسى ەدۋارد پولەتاەۆ وزىندىك وي-پىكىرلەرىن ورتاعا سالدى. تۇتاستاي العاندا, ساراپشىلار الماتى وبلىسىندا اتقارىلىپ جاتقان جۇمىستارعا رازىلىقتارىن ءبىلدىردى. وڭىردەگى تىڭ قا­دامداردى ساراپتاپ, وزگە وبلىستار كورسەتكىشتەرىمەن سالىستىرا مەملەكەتتىك ساياساتقا ساي اتقارىلىپ جاتقاندىعىن قۇپ­تادى. العا باسۋ قادامدارى دەگەندە, بىلتىرعى جىلى تۋريزم سالاسىن دامىتۋدا الەمدەگى 140 مەملەكەتتىڭ اراسىنان 85-ورىنعا كوتەرىلگەنىن حالىقارالىق ساراپشىلار انىقتاپ بەرگەنىن باسا ايتۋعا بولادى. الماتى وبلىسىنىڭ دامۋ كورسەتكىش­تەرىن تالقىلاۋ بارىسىندا ساراپشىلار ينستيتۋتتىق رەفورمالار شەڭبەرىندە ايماقتىڭ دامۋ باسىمدىقتارىمەن قاتار, جاڭا جولدارىن دا قاراستىردى. سونىمەن قاتار, پىكىرسايىسقا قاتىسۋشىلار الداعى ءماسليحات سايلاۋىنىڭ ءمانى مەن ماڭىزىنا توقتالدى. ولاردىڭ ايتۋىنشا, بۇل اي­ماقتىڭ وزەكتى ماسەلەلەرىن شەشۋ ەل ازا­ماتتارىنىڭ بەلسەندىلىگىن ارتتىرىپ, جەر­گىلىكتى ءوزىن ءوزى باسقارۋ جۇيەسىن ودان ءارى دامىتا تۇسۋگە جول اشادى. قورىتا ايتقاندا, فورۋمعا قاتىسۋ­شىلار مۇنداي پىكىرسايىستار ۇلت جوس­پارىن جۇزەگە اسىرۋدىڭ تاجىريبەلىك ءما­سەلەلەرىن شەشۋدىڭ تيىمدىلىگى, الداعى ۋا­قىتتا مەملەكەتتىك رەفورمالاردى تال­داۋعا قاتىستى ءىس-قيمىلدارعا دايىن ەكەن­دىگى تۋرالى پىكىرلەرىمەن ءبولىستى. نۇربول الدىباەۆ, «ەگەمەن قازاقستان».  تالدىقورعان.