ءوزارا تۇسىنىستىك تانىتىلعان كەزدەسۋ

كەشە استانادا «قازاقستان تەمىر جولى» ۇك» اق پرەزيدەنتى اسقار مامين مەن «رەسەي تەمىر جولدارى» ااق باسشىسى ولەگ بەلوزەروۆتىڭ كەزدەسۋى بولىپ ءوتتى. كەزدەسۋ بارىسىندا كولىك پەن لوگيستيكا سالاسىنداعى ىنتىماقتاستىقتى ءارى قاراي دامىتۋدىڭ ماسەلەلەرى تالقىلاندى. ا.مامين ءوزارا ءتيىمدى ارىپتەستىك قاتىناستاردى نىعايتۋ باعىتىنداعى كونسترۋكتيۆتى ۇنقاتىسۋ, بەلسەندى ءوزارا ءىس-قيمىل, ۇيلەستىرىلگەن بىرلەسكەن كۇش-جىگەر وڭ ناتيجەلەرگە قول جەتكىزۋگە ءمۇم­كىندىك بەرىپ قانا قويماي, اعىمداعى ەكونوميكالىق جاعدايدا قازاقستان مەن رەسەي تەمىرجول كومپانيالارى قىز­مەتى­نىڭ تيىمدىلىگىن ارتتىرۋعا وڭ ىقپال ەتەتىنىن اتاپ كورسەتتى. كەلىسسوز كەزىندە تاراپتار باستى نازاردى ەكى ەل اۋماقتارىندا تاسىمال كولەمىن ارتتىرۋ, ترانزيتتىك جۇك اعىنىن ورىستەتۋ ءۇشىن وڭتايلى جاعدايلار جاساۋ ماسەلەلەرىنە اۋداردى. 2014 جىلدىڭ قاراشا ايىندا رەسەي, قازاقستان جانە بەلارۋس تەمىرجول اكىمشىلىكتەرىمەن قۇرىلعان بىرلەسكەن كولىك-لوگيستيكالىق كومپانيانى (بكلك) ءارى قاراي دامىتۋ تالقىلاۋدىڭ نەگىزگى تاقىرىبىنا اينالدى. ا.مامين مەن و.بەلوزەروۆ كونتەي­نەرلىك سەرۆيستىك قىزمەت كورسەتۋلەردىڭ ينتەگراتورى رەتىندە بكلك جۇمىسىنىڭ العاشقى جۇمىس ناتيجەلەرىن وڭ باعالاي كەلىپ, اتالعان ىسكە ورتاق كوزقاراس تا­­­نىتۋدىڭ ماڭىزى زور ەكەنىن اتاپ كورسەتتى. «قازىرگى قالىپتاسىپ وتىرعان كۇردەلى ەكونوميكالىق جاعدايدا ءبىز بكلك جوباسىن وعان قاتىسۋشىلاردىڭ بارلىعى ءۇشىن بارىنشا ەكونوميكالىق تيىمدىلىكپەن جۇزەگە اسىراتىن بولامىز», – دەپ اتاپ ءوتتى رتج پرەزيدەنتى. اتالعان كومپانيا قىتاي – وڭتۇستىك-شىعىس ازيا – ەو باعىتىندا جانە كەرى باعىتتا, سونداي-اق, باسقا دا تەمىر­­­جول باعىتتارىندا ترانزيتتىك كونتەينەرلەردىڭ قىزمەت كورسەتۋشى وپەراتورى رەتىندە ءىس-قيمىل تانىتادى. كەزدەسۋ كەزىندە, سونداي-اق, قازاق­ستاننىڭ ەكسپورتتىق جۇكتەرىن رەسەي پورتتارى ارقىلى ءۇشىنشى ەلدەرگە تاسىمالداۋ ماسەلەلەرى دە قاراستىرىلدى. اتالعان ماسەلە بويىنشا تولىقتاي ۋاعدالاستىققا قول جەتكىزىلدى. ەكى ەل تەمىرجول باسشىلارى كەلىسسوز­دەرىنىڭ قورىتىندىلارى بويىنشا ەكى­جاقتى كەزدەسۋ حاتتاماسىنا قول قويىلدى. استاناعا ساپارى اياسىندا و.بە­لوزەروۆ لوكوموتيۆ شىعاراتىن «لو­كوموتيۆ قۇراستىرۋ زاۋىتى» اق-تا بو­­لىپ, كاسىپورىننىڭ قىزمەتىمەن, الدىڭعى قاتارلى تەحنولوگيالارمەن, شىعارىلاتىن ءونىمنىڭ تەحنيكالىق سيپاتتامالارىمەن تانىستى. و.بەلوزەروۆ, سونىمەن قاتار, «ا» ساناتىنداعى كولىك-لوگيستيكالىق ورتالىعىندا (كلو) بولدى. استانا قالاسىندا كلو-نى ىسكە قوسۋ وتكەن جىلدىڭ سوڭىندا جۇزەگە اسقان ەدى. وسىنداي كولىك-لوگيستيكالىق ورتالىقتار قازاقستاننىڭ باسقا دا بىرقاتار ءىرى قالالارىندا سالىناتىن بولادى. بۇل, ءوز كەزەگىندە, وڭىرلەردىڭ حالىقارالىق دەڭگەيدەگى زاماناۋي قويمالارعا دەگەن قاجەتتىلىگىن جاۋىپ, جۇك اعىنىن وڭتايلاندىرۋ ورتالىقتارىن قۇرۋعا مۇمكىندىك بەرەدى.  «ەگەمەن-اقپارات».