«جەردە ءبىر بالا قۋانسا, كوكتە مىڭ پەرىشتە شاتتانادى»

قايىرىمدىلىق – ادامنىڭ اسىل قاسيەتتەرىنىڭ ءبىرى. قايى­رىم­دىلىق – كومەكتى قاجەت ەتۋ­شىلەرگە بەرەتىن كومەك جانە ءىز­گىلىكتىڭ ناقتى كورىنىسى بولىپ تا­بىلادى. قايىرىمدىلىق ادام بويىنداعى اسىل قاسيەتتەردى دالەلدەۋدى قاجەت ەتەدى. اللا تاعالا قۇران كارىمنىڭ «تاعابۋن» سۇرەسىنىڭ 16-18 اياتتارىندا «شامالارىڭ كەلگەنشە اللادان يمەنىڭدەر, ونىڭ ايتقانىنا بويۇسىنىڭدار, ال­لا جولىندا مال-م ۇلىكتەرىڭدى جۇمساڭدار. بۇل – وزدەرىڭ ءۇشىن قايىرلى. كىمدە-كىم ءناپسى سا­راڭ­دىعىنان ساقتانسا, ول – ماق­ساتىنا جەتۋشى. ەگەر ال­لا ريزالىعى ءۇشىن دۇنيە جۇمسا­ساڭدار, اللا ونىڭ ەسەسىن ەسەلەپ قايتارادى. اللا بەرەگەن, كەڭپەيىل, جازالاۋعا اسىقپايدى. ول – قۇپيانى دا, اشكەرەنى دە ءبىلۋشى. ول اسا ۇستەم حيكمەت يەسى», دەپ پەندەسىنە يگى امالدار جاساۋدى مىندەتتەيدى. مۋسليم جەتكىزگەن پايعامبارىمىز مۇ­حاممەد (س.ع.س) حاديسىندە «اقي­قات بايلىق – مال-م ۇلىكتىڭ كوپ بولۋى ەمەس, اقيقات بايلىق – كەڭپەيىلدىلىك, قايىرىمدىلىق, ول – ادامداعى ەڭ جاقسى قاسيەت», دەپ وسيەت ەتەدى. پاۆلودار وبلىسى اقتوعاي اۋدانىنىڭ مۇتكەنوۆ اۋىلدىق وكرۋگىندە سالكەنوۆتەر وتباسى تۇرىپ جاتىر. بۇل وتباسىندا 2005 جىلى تۋعان اقتورە قانات ۇلى – 3-توپتاعى مۇگەدەك بالا ءتار­بيە­لەنۋدە. قازىردە اۋداندىق كوررەكتسيالىق ورتا­لىقتا تىركەۋدە تۇر. بالا ءوز بە­تىنشە قيمىل-قوز­عالىس جاساپ, تاماقتانا المايدى. وسكەلەڭ بالانىڭ ءجۇرىپ-تۇرۋىنا بۇرىن­ىراقتا بەرىلگەن اربا كىشىرەك بولعاندىقتان, دالادا سەرۋەندەۋدە, ءۇي ىشىندە كوتەرىپ جۇرۋدە اتا-انا كوپ قينالعان. ال اربا ساتىپ الۋ ءۇشىن وتباسىنىڭ قالتاسى كوتەرمەيدى. سونداي-اق, جولامان اۋى­لىنىڭ تۇرعىنى, 5-سىنىپ وقۋ­شىسى قايىر توقتار – اق­بيداي نەگىزگى مەكتەبىندە ۇيدە وقى­تىلاتىن وقۋشى. كىش­كەن­تايىندا جۇگىرىپ جۇرگەن بالا ەسەيە كەلە ايىقپاس دەرتكە دۋشار بولدى. قازىر مۇگەدەكتەر ارباسىندا تا­ڭىلىپ وتىر. بۇل كوپ بالالى وتباسىنىڭ ءجاسوسپىرىم بالاعا جاڭادان اربا ساتىپ الاتىن جاع­دايى جوق. «جەردە ءبىر بالا قۋانسا, كوك­­تە مىڭ پەرىشتە شاتتانادى», دەيدى قازاق دانالىعى. ءۇل­كەن بايلىقپەن ادامعا ۇلكەن قايى­رىم بىتپەيدى, كەرىسىنشە, ۇلكەن قايىرىمدىلىق – جيعان بايلىعىڭدى ابىرويلى ەتە­دى. «قولى اشىقتىڭ – جولى اشىق» دەگەن تاعى ءبىر ءسوز بار قازاقتا. مىنە, قولىنداعى بارىمەن تاعدىردىڭ تاۋقىمەتىمەن عارىپ كۇن كەشىپ جۇرگەندەردىڭ العىسىنا بولەنىپ جۇرگەن جاندار دا از ەمەس. وسىنداي جومارت جۇرەكتى ادامداردىڭ ءبىرى – سۇلەيمەنوۆ ماقسۇت شاكەن ۇلى. م.سۇلەيمەنوۆ – پاۆلودار قالاسىنداعى «فيرما ديز رV» جشس-ءنىڭ باسشىسى. كاسىپكەر ارباعا تاڭۋلى وقۋشى جاستاعى مۇگەدەك بالالارعا قىمبات باعا­لى اربانى سىيعا تارتۋ ەتتى. ماق­سۇت شاكەن ۇلى بۇل سىي-قۇر­مەت اللانىڭ ريزاشىلىعى ءۇشىن جاسالىپ وتىر, دەيدى ءوز سوزىندە. قايىرىمدىلىق شاراسى پاۆلودار قالاسىنداعى «اق مە­­شىتتىڭ» باس يمامى جول­داس بەردى­مۇراتوۆتىڭ ۇيىم­داس­تىرۋىمەن ءوتتى. كاسىپكەر ماقسۇت شاكەن ۇلى مۇگەدەك بالالارعا ارناعان ارباسىن وسى مەشىتتە تابىستادى. مۇگەدەك بالالاردىڭ اتا-انالارى – گالينا بەرەجنايا مەن سالكەنوۆتەر وتباسى ماق­سۇت شاكەن ۇلى مەن جولداس قوس­­پا­ق ۇلىنا ءوز ريزاشىلىعىن بىلدىرە وتىرىپ, ءدىن جولىندا جاساعان امالدارىنىڭ تەك ءبىر جاراتۋشىدان عانا ەسەلەنىپ قايتارىلسىن دەپ تىلەك ءبىلدىردى.  اسەم مۋندۋينوۆا, اقبيداي نەگىزگى مەكتەبى ديرەكتورىنىڭ وقۋ-تاربيە ءىسى جونىندەگى ورىنباسارى. پاۆلودار وبلىسى.