ۇلت مۇراسىن ۇلىقتاعاندار

كەشە پرەزيدەنت جانىنداعى ورتالىق كوممۋنيكاتسيالار قىزمەتىندە قازاق ۇلتتىق گەوگرافيالىق قوعامىنىڭ 2015 جىلعى قىزمەت قورىتىندىلارىنا جانە 2016 جىلعا ارنالعان جوسپارلارىنا قاتىستى ءباسپاسوز ءماسليحاتى بولىپ ءوتتى. اتالعان بريفينگكە قازاق ۇلتتىق گەوگرافيالىق قوعا­مىنىڭ باسقارۋشى كەڭەسىنىڭ توراعاسى قانات بايعارين, «تاريحي-مادەني مۇرا, ەتنو­گرافيا» تاقىرىپتىق كەڭەسى­نىڭ ۆيتسە-پرەزيدەنتى جاكەن تايماعامبەتوۆ, قۇگق ديرەك­تورىنىڭ عىلىمي جانە حا­لىقارالىق جوبالار جونىندەگى ورىنباسارى ساۋلەت ساكەنوۆ, قۇگق «شوقان ءۋاليحانوۆتىڭ كەرۋەن جولىمەن» ەكسپە­دي­تسياسىنىڭ جەتەكشىسى, گەوگرافيا عىلىمدارىنىڭ دوكتورى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ فيزي­كالىق جانە ەكونوميكالىق گەوگرافيا كافەدراسىنىڭ پروفەسسورى وردەنبەك مازباەۆ قا­تىستى. قوعامدىق بىرلەستىكتىڭ نە­گىزى 2013 جىلى پرەمەر-مي­نيستر كارىم ءماسىموۆتىڭ قول­داۋىمەن قۇرىلعان بولاتىن. ونىڭ قىزمەت شەڭبەرىندە 5 تا­قىرىپتىق كەڭەس جۇمىس ىستەيدى. ولار, «گەوگرافيا, كليمات», «قورشاعان ورتا, تابيعي رەسۋرستار», «بيوارتۇرلىلىكتەر», «تۋريزم, ساياحاتتار, ولكەتانۋ» جانە «تاريحي-مادەني مۇرا, ەتنوگرافيا». قازىرگى تاڭدا ءبىر­­لەستىكتىڭ الماتى, اقتوبە, شىعىس قازاقستان, باتىس قازاق­ستان, قاراعاندى, قوستاناي, ماڭ­عىستاۋ, پاۆلودار, سولتۇستىك قا­زاقستان, وڭتۇستىك قازاقستان وب­لىستارىندا 10 وكىلدىگى ءوز قىز­مەتتەرىن جوعارى دەڭگەيدە اتقارۋدا. – وتكەن 2015 جىل قازاق ۇلتتىق گەوگرافيالىق قوعامى ءۇشىن ايتۋلى وقيعالارمەن ەستە قالدى. دالىرەك ايتساق, يسپانيا گەوگرافتار اسسوتسياتسياسىمەن, ار­­­گەنتينا گەوگرافيالىق زەرت­­­­تەۋلەر قوعامىمەن, ازەر­بايجان گەوگرافيالىق قوعامىمەن ىن­­تى­ماقتاستىق تۋرالى مەمو­ران­دۋمدارعا قول قويىلىپ, تاقى­رىپتىق كەڭەس­تەر مەن وڭىرلىك وكىلدىك­تەرى­نىڭ ارقايسىسىنىڭ قىزمەت شەڭبەرىندە 20 جوبا ىسكە اسى­رىلعان بولاتىن. اتاپ ايتار بولساق, قازاق حاندىعىنىڭ 550 جىلدىعىنا ارنالعان ۇلى­تاۋداعى «حان قورىق» جاستار فەستيۆالى, شوقان ءۋاليحانوۆتىڭ تۋعانىنا 180 جىل تولۋىن اتاپ ءوتۋ شەڭبەرىندەگى ءىس-شارالار, قاشعارياعا عىلىمي-تانىمدىق ەكسپەديتسيا ناتيجەلەرى بويىنشا « ۇلى شوقاننىڭ كەرۋەن جولىمەن» كىتابىنىڭ شىعۋى, قازاقستاننىڭ وقۋ ورىندارىنا جاسىل كەڭسە قاعيدالارىن ەندىرۋ, ۇلىتاۋ ۇلتتىق تابيعي رەزەر­ۆاتىن جاساۋ, «ىلە اتىراۋى­نىڭ قامىس جۇماعى» جوباسى جانە ت.ب. بار. سونىمەن ءبىر­گە, وتكەن جىلدىڭ ەنشىسىنە ەنگى­زىلگەن نەگىزگى جوبالاردىڭ قاتارىنا مىنالاردى دا قوسىپ قويساڭىز بولادى. ولار, ۇلى جەڭىستىڭ 70 جىلدىعىنا ارنال­عان سولتۇستىك تيان-شان بويىمەن تاۋ جورىعى, پاۆلودار قالاسىنداعى «ەرتىس كۇنى» مەرە­كەسى, رەسەيدىڭ ورىنبور وبلىسى مەن باتىس قازاقستان وبلىسى اۋماقتارىنداعى شاعان وزەنى باسسەينىن زەرتتەۋ بويىنشا عىلىمي-زەرتتەۋ ەكسپەديتسياسى بار, – دەدى توراعا قانات باي­عا­رين. جيىنعا قاتىسۋشىلار وسى جىلعا دا ۇلكەن جوسپار قۇ­­­رى­لىپ وتىرعانىن ايتىپ, ونىڭ بىرنەشەۋىن اتاپ كور­سەت­تى: ۇلىتاۋ مەن ارالعا جانە سولتۇستىك قازاقستان وبلىس­تا­رىنىڭ وزەن­دەرىنە ەكسپەديتسيا جاساۋ, وقو-دا «حان قورىق» جاستار فەستيۆالىن ءوت­كىزۋ, مۇمكىندىگى شەكتەۋلى ادام­دار ءۇشىن ىلە الاتاۋىنىڭ ال­عاشقى قولجەتىمدى تۋريستىك سوقپاعىن جاساۋ, ۇلىتاۋ بويىنشا تۋريستىك جول كورسەتكىش, باياناۋىل تۋريستىك كارتا-سحە­ماسىن شىعارۋ اتالمىش جوس­پاردىڭ الدىڭعى قاتارىندا تۇرعانىن ەستەرىڭىزگە سالامىز. راۋان قايدار, «ەگەمەن قازاقستان».