سىناق

تالدىقورعان قالاسى ماڭىندا ورنالاسقان اۆياتسيالىق بازادا جاۋىنگەرلىك دايارلىق جوسپارىنا سايكەس وقۋ-جاتتىعۋ ۇشۋلارى ۇيىمداستىرىلدى. سىنالار ساتتە سىر بەرمەۋگە بارىن سالىپ باققان جاس ۇشقىشتار جوعارى كورسەتكىشتەرگە قول جەتكىزدى. ولاردىڭ تەوريالىق بىلىمدەرىن تاجىريبەمەن ۇشتاستىرۋلارىنا جان-جاقتى جاعداي جاساعان ۇستاز-نۇسقاۋشىلار شاكىرتتەرىنىڭ شەبەرلىگىن شىڭداپ قانا قوماي, دەندەرىنىڭ ساۋ, كوڭىل-كۇيلەرىنىڭ كوتەرىڭكى بولۋىنا دا ايرىقشا نا­زار اۋدارعانىن اتاپ وتكەنىمىز ورىندى. اسپانداعى اسا قيىن ەمتيحاندى ويداعىداي ەڭسەرگەن وعلاندار قاتارىندا اعا لەيتەنانت جاسۇلان شۇرمەنوۆ تە بار. ول سۋ-30 سم ۇشاعىن ۇرشىقشا ءۇيىرىپ, ءوزىنىڭ العاشقى سامعاۋىن ابىرويمەن اياقتادى. زاماناۋي تەحنيكانى زەڭگىر كوكتە قالاۋىنشا زاۋلاتقان قاناتتى ازامات اڭساعان ارمانىنا قول جەتكىزگەندەي قۋانىشى قوينىنا سىيماي جەرگە قوندى. «قياعا قۇشتار قىرانداي مەنىڭ ارىپتەستەرىم ءاردايىم بيىكتەردى باعىندىرۋعا تالپىنارى تالاسسىز. بىزگە بىلگەندەرىن ۇيرەتۋدەن جالىقپايتىن كومانديرلەرىمىز دە سوعان تىلەكتەس. سوندىقتان, الداعى ۋاقىتتاردا ءوزىمنىڭ كاسىبي بىلىكتىلىگىمدى ارتتىرىپ, تاڭداعان ما­ماندىعىمنىڭ تارلانى اتانۋعا ايان­باي كۇش سالماقپىن», دەدى سايىپ­قىران سارباز اعىنان جارىلىپ. 2012 جىلى اۋە قورعانىسى كۇش­تەرىنىڭ اسكەري ينستيتۋتىن ءتامام­داعان جاسۇلاننىڭ جاسىنداي جار­قىلداپ, كوزدەگەن ماقساتىنا كوپ كەشىكپەي جەتەتىنىنە سەنىم مول. «ەگەمەن-اقپارات».