التى كولىكتە – ءبىر ءنومىر

شىمكەنتتە وسىنداي وقيعا ورىن الدى سوڭعى كەزدەرى ەلىمىزدە اۆتوكولىكتى بەي-بەرەكەت جۇرگىزىپ, ادام قاقسا, وقيعا ورنىنان ءىزىن سۋىتىپ كەتەتىن, ەندى بىردە تال تۇستە وزدەرىن تاسجولدىڭ ءبىر قوجايىندارى ساناپ, استىنا مىنگەن تەمىر تۇلپارىن ەرسىلى-قارسىلى جۇرگىزىپ ەرەكشەلەنگىسى كەلەتىن ادامدارعا قاتىستى قىلمىستىق نە اكىمشىلىك ىستەردىڭ قوزعالىپ جاتقانىن كورىپ ءجۇرمىز. جاقىندا شىمكەنتتە سونداي وقيعالاردىڭ ءبىرى ورىن الدى. بۇعان ءبىز دە, جول ءتارتىبىنىڭ ساقشىلارى دا تاڭعالعان جوقپىز. ال وقيعانىڭ ءوزى بىلاي بولعان. تەپسە تەمىر ۇزەتىن ءبىر توپ جاس ءبىر كۇندە التى بىردەي «Lada Priora» اۆتوكولىگىنە «031» دەگەن مەملەكەتتىك ءنومىردى تاعىپ, جولعا سەرۋەندەۋگە شىعادى. مۇنى جول ساقشىلارى جاستاردىڭ YouToube سايتىنا ورنالاستىرعان بەينەتاسپاسى ارقىلى انىقتاعان. وسىدان كەيىن ولاردى پوليتسيا قىزمەتكەرلەرى ۋچاسكەگە شاقىرىپ, وقيعانىڭ انىق-انىعىن تەكسەرەدى. ۋچاسكەدە نۇرداۋلەت ەسىمدى جىگىت جول ەرەجەسىن بۇزباعانىن, تەك دوس­تارىمەن كولىكتى بىردەي ءنومىر تاعىپ جۇرگىزگىسى كەلگەنىن ايتسا, پو­لي­تسيا قىزمەتكەرلەرى «Lada Priora» اۆتويەلەرىن توقتاتۋعا بار­لىق نە­گىزدەرىنىڭ بولعانىن جەت­كىزدى. – كولىكتەردىڭ بارلىعى بولىمگە اكەلىندى. ولار جول ەرەجەسىنىڭ 190-بابىنىڭ 2-تار­ماعىن بۇزعان. ويتكەنى, كولىكتەرىن قايتا جاب­دىق­تاعان. ەگەر ءجۇر­گىزۋشىلەر كو­شەدە ادام سوقسا, ونى قاتتى جارا­قات­تايتىن ەدى. سون­دىقتان ءبىز كولىك­تەردىڭ بارىنە ايىپپۇل سالۋعا ش­ە­شىم قابىل­دادىق,– دەدى جول پولي­تسيا­سىنىڭ ۆزۆود كومانديرى. پوليتسەيلەردىڭ ايتۋىنشا, ەندى قالاداعى باسقا دا كولىكتەرگە تەكسەرۋ قاتاڭ تۇردە جۇرگىزىلەدى. ال التى بىردەي رەسەيدىڭ كولىگىن جۇرگىزىپ, ەلدەن ەرەكشەلەنىپ, ماق­تانعىسى كەلگەن ءبىر توپ جاسقا ايىپپۇل تولەپ قانا قويماي, تەمىر تۇلپارلارىن قايتا باستان-اياق جابدىقتاۋعا تۋرا كەلەدى. رۇستەم جۇمان.