مەكسيكادا قار ارالاس جاۋىننان تۇرعىن ۇيلەر جارىقسىز قالدى

استانا. 11 ناۋرىز. مەكسيكادا تابيعاتتىڭ توسىن مىنەزىنەن تۇرعىن ۇيلەر جارىقسىز قالدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. تەلەارنانىڭ حابارلاۋىنشا, مەكسيكاداعى ۇيىتقىپ سوققان داۋىل مەن تولاسسىز جاۋعان قار ارالاس جاڭبىر سالدارىنان ءبىر ادام قازا تاۋىپ, 16 تۇرعىن دەنە جاراقاتىن العان. سونداي-اق, ەلەكتر جەلىلەرى ءۇزىلىپ, 3,5 ميلليون تۇرعىن ءۇي جارىقسىز قالعان. جەرگىلىكتى ۇلتتىق ازاماتتىق قورعانىس كۇشتەرىنىڭ دەرەگىنە سۇيەنسەك, ساعاتىنا 70 شاقىرىم جىلدامدىقپەن سوققان دۇلەي داۋىل 1700 ءۇيدى قيراتقان. سونىمەن قاتار, مىڭعا جۋىق تالدى تامىرىمەن ج ۇلىپ, جۇزدەگەن جارناما تاقتالارىن قۇلاتىپ كەتكەن. ەلدىڭ استاناسى مەن وزگە دە بىرنەشە شتاتتاردا مەكتەپ جۇمىسى ۋاقىتشا توقتاتىلدى. ايتا كەتەيىك, مەكسيكادا زارداپ شەككەن اۋداندارعا كومەك بەرۋ ءۇشىن 2 مىڭ تەحنيكا مەن 7,5 مىڭعا جۋىق ادام جۇمىلدىرىلعان. تالعات رايىمبەك. دەرەك, سۋرەت: 24.kz.