تۋنيستە ۇكىمەت اسكەرى 50 لاڭكەستىڭ كوزىن جويدى

استانا. 11 ناۋرىز. ءتۋنيستىڭ بەن-گەردان قالاسىندا ارنايى جاساق 50-گە جۋىق سودىردىڭ كوزىن جويدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وسىدان بىرنەشە كۇن بۇرىن, ياعني 7 ناۋرىزدا مەملەكەتتىڭ ليۆيامەن شەكارالاس ايماعىنداعى بەن-گەردان قالاسىندا لاڭكەستەر باقىلاۋ بەكەتتەرىنە شابۋىل جاساعان. بۇگىنگە دەيىن ەكسترەميستىك ۇيىم مەن ۇكىمەت اسكەرى اراسىندا قاقتىعىس بولىپ جاتىر. الدىن الا بولجام بويىنشا, 7 بەيبىت تۇرعىن جانە 13 سارباز قازا تاپتى. سونداي-اق, 17 ادام ءتۇرلى دەڭگەيدە جاراقات الدى. قازىرگى كەزدە ايماقتا كومەنداتتىق ساعات جاريالانىپ, ءتۋنيستىڭ وڭتۇستىگىندەگى شەكارالىق باقىلاۋ بەكەتتەرى جابىلدى. ايتا كەتەيىك, تۋنيس ساياحاتشىلار اراسىندا ۇلكەن سۇرانىسقا يە ەلدەردىڭ ءبىرى بولاتىن. الايدا, لاڭكەستىك ارەكەتتەردىڭ ءجيى بولۋى مەملەكەتتىڭ تۋريندۋستريسىنا كەرى اسەرىن تيگىزدى. ەۋروپادان كەلەتىن ساياحاتشىلاردىڭ سانى كۇرت ازايدى. وتكەن جىلدىڭ 18 ناۋرىز كۇنى ەل استاناسىنداعى ۇلتتىق مۇراجايعا باسا-كوكتەپ كىرگەن لاڭكەستەردىڭ ارەكەتىنەن 20 ادام قازا تاپتى. ال 26 ماۋسىمدا Riu Imperial Marhaba قوناق ءۇيىنىڭ الدىندا جاسالعان شابۋىلدان 38 ساياحاتشى مەرت بولىپ, 40-تان استامى ءتۇرلى جاراقات الدى. وسىعان بايلانىستى جۇزدەگەن قوناق ءۇي جابىلدى. ايان ءابدۋالي. دەرەك: تاسس. سۋرەت: gordonua.com.