«عالىمدار ءۇيى» پايدالانۋعا بەرىلدى

كوكشەتاۋ قالاسىندا ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ پروفەسسورلىق-وقىتۋشىلار قۇرامىنا ارنالعان 26 پاتەرلىك تۇرعىن ءۇي پايدالانۋعا بەرىلدى. سالتاناتتى شاراعا اقمولا وبلىسىنىڭ اكىمى سەرگەي كۋلاگين قاتىسىپ, قۋانىش يەلەرىن قۇتتىقتادى. ەلىمىزدىڭ وزگە وڭىرلەرىنەن قىزمەتكە الىنعان عىلىمي اتاعى مەن ۇلكەن كاسىبي تاجىريبەسى بار پروفەسسورلار مەن وقىتۋشىلاردى تۇرعىن-جايمەن قامتاماسىز ەتۋ ءۇشىن كمۋ وبلىس اكىمىنىڭ قولداۋىمەن, ساتباەۆ كوشەسىندەگى اكىمشىلىك عيماراتىنىڭ قۇرى­لىسىن قايتا جۇرگىزگەن بولاتىن. جۇمىس نەبارى بەس ايدا اياقتالىپ, جايلى قونىسقا اينالدى. كوپ قاباتتى تۇرعىن ءۇيدىڭ پايدالانۋعا بەرىلۋى وقۋ ورنىنىڭ عىلىمي الەۋەتىن جاقسارتىپ, ماماندار دايارلاۋدىڭ ساپاسىن ارتتىراتىنى انىق. «عالىمدار ءۇيى» قۇرىلىسىنىڭ جوبالاۋ-سمەتالىق قۇجاتتارى مەن كۇردەلى جوندەۋ جۇمىستارى ۋنيۆەرسيتەت قارجىسىمەن اتقارىلدى. جاڭا عيمارات ينجەنەرلىك كوممۋنيكاتسيامەن جانە اس بولمەسى جيھازدارىمەن تولىق قامتىلعان. – قازىرگى كۇنى قالادا 45 پاتەرلىك بەس ءۇي دايىندالۋدا. مۇندا بيۋد­جەتتىك سالا قىزمەتكەرلەرى, سونداي-اق, مۇعالىمدەر, دارىگەرلەر, جاس ماماندار قونىستاناتىن بولادى. بۇعان قوسا, جىل سايىن مۇقتاج بالالار مەن بالالار ۇيلەرىنىڭ تۇلەكتەرىنە 45-50 پاتەر ءبولۋ جونىندە شەشىم قابىلداندى. سوڭعى 6-7 جىلدا بۇل توپتىڭ وكىلدەرىنە نەبارى 170 پاتەر بەرىلدى. ال كەزەكتە 1700 ادام تۇر. سون­دىقتان, بۇل وزەكتى ماسەلەنى شەشۋ ۇنەمى نازاردا ۇستالاتىن بولادى. بۇل ورايدا كوكشەتاۋ مەملەكەتتىك ۋنيۆەرسيتەتىنىڭ بيلىكپەن ءوزارا ارىپتەستىك قادامدارى ريزاشىلىققا بولەيدى. مۇنداي باستامالار جان-جاقتى قولداۋ تابۋى ءتيىس, – دەدى ءوڭىر باسشىسى ءوز سوزىندە. باقبەرگەن امالبەك, «ەگەمەن قازاقستان». اقمولا وبلىسى.